ਪਾਕਿਸਤਾਨੀ ਫ਼ੌਜ ਚੀਨੀ ਫ਼ੌਜੀਆਂ ਨੂੰ ਸਿਖਾ ਰਹੀ ਭਾਰਤ ਤੋਂ ਯੁੱਧ ਦੇ ਗੁਰ

ਨਵੀਂ ਦਿੱਲੀ- ਭਾਰਤ ਨੂੰ ਘੇਰਨ ਲਈ ਉਸ ਦੇ 2 ਦੁਸ਼ਮਣ ਦੇਸ਼ ਹੁਣ ਇਕੱਠੇ ਰਣਨੀਤੀ ਬਣਾਉਣ ’ਚ ਜੁਟ ਗਏ ਹਨ। ਚੀਨ ਅਤੇ ਪਾਕਿਸਤਾਨ ਕਿਸੇ ਵੀ ਤਰ੍ਹਾਂ ਭਾਰਤ ਨੂੰ ਚੈਨ ਨਾਲ ਨਹੀਂ ਬੈਠਣ ਦੇਣਾ ਚਾਹੁੰਦੇ। ਪਹਿਲੇ ਚੀਨ ਨੇ ਭਾਰਤ ਨੂੰ ਘੇਰਨ ਲਈ ਆਪਣੀ ਬੀ.ਆਰ.ਆਈ. ਪ੍ਰਾਜੈਕਟ ਦੇ ਅਧੀਨ ਭਾਰਤ ਦੇ ਗੁਆਂਢੀ ਦੇਸ਼ਾਂ ’ਚ ਅਰਬਾਂ ਡਾਲਰ ਦਾ ਨਿਵੇਸ਼ ਕਰ ਕੇ ਉਨ੍ਹਾਂ ’ਚੋਂ ਕੁਝ ਦੇਸ਼ਾਂ ਨੂੰ ਆਪਣੇ ਪਾਲੇ ’ਚ ਕਰ ਲਿਆ, ਉੱਥੇ ਹੀ ਪਾਕਿਸਤਾਨ, ਜਿਸ ਨੇ ਭਾਰਤ ਨਾਲ ਚਾਰ-ਚਾਰ ਯੁੱਧਾਂ ਦੀ ਸ਼ੁਰੂਆਤ ਕੀਤੀ ਪਰ ਚਾਰਾਂ ’ਚ ਉਸ ਦੀ ਬੁਰੀ ਹਾਰ ਹੋਈ, ਫਿਰ ਵੀ ਪਾਕਿਸਤਾਨ ਆਪਣੀਆਂ ਹਰਕਤਾਂ ਤੋਂ ਬਾਜ ਆਉਣ ਦੀ ਬਜਾਏ ਭਾਰਤ ਦੇ ਦੁਸ਼ਮਣਾਂ ਨਾਲ ਮਿਲ ਕੇ ਰੋਜ਼ ਨਵੀਆਂ ਸਾਜਿਸ਼ਾਂ ਰਚਣ ’ਚ ਜੁਟਿਆ ਹੋਇਆ ਹੈ। ਅੱਜ-ਕੱਲ ਪਾਕਿਸਤਾਨ ਚੀਨ ਨਾਲ ਮਿਲ ਕੇ ਭਾਰਤ ਵਿਰੁੱਧ ਯੁੱਧ ਦੀ ਸਾਜਿਸ਼ ਕਰਨ ’ਚ ਜੁਟਿਆ ਹੋਇਆ ਹੈ, ਪਾਕਿਸਤਾਨੀ ਫ਼ੌਜ ਦੇ ਅਧਿਕਾਰੀ ਚੀਨੀ ਫ਼ੌਜੀਆਂ ਨੂੰ ਭਾਰਤ ਨਾਲ ਯੁੱਧ ਦੀ ਰਣਨੀਤੀ ਸਿਖਾਉਣ ’ਚ ਜੁਟੇ ਹਨ ਅਤੇ ਉਨ੍ਹਾਂ ਨੂੰ ਮਹੱਤਵਪੂਰਨ ਜਾਣਕਾਰੀਆਂ ਦੇ ਰਹੇ ਹਨ।

ਚੀਨ ਦੀ ਖੈਰਾਤ ’ਤੇ ਪਲਣ ਵਾਲਾ ਪਾਕਿਸਤਾਨ ਇੰਨੀਂ ਦਿਨੀਂ ਚੀਨ ਨਾਲ ਮਿਲ ਕੇ ਭਾਰਤ ਦੀ ਪੂਰਬੀ ਸਰਹੱਦ ’ਤੇ ਭਾਰਤ ਵਿਰੁੱਧ ਰਣਨੀਤੀ ਬਣਾ ਰਿਹਾ ਹੈ। ਜਾਣਕਾਰਾਂ ਅਨੁਸਾਰ ਚੀਨ ਦੀ ਪੀਪਲਜ਼ ਲਿਬਰੇਸ਼ਨ ਆਰਮੀ ਦੀ ਪਾਕਿਸਤਾਨੀ ਫ਼ੌਜ ਨਾਲ ਖੁਫ਼ੀਆ ਜਾਣਕਾਰੀ ਨੂੰ ਸਾਂਝਾ ਕਰਨ ’ਤੇ ਸਹਿਮਤੀ ਬਣ ਗਈ ਹੈ ਅਤੇ ਇੰਨੀਂ ਦਿਨੀਂ ਪਾਕਿਸਤਾਨ ਦੇ ਉੱਚ ਫ਼ੌਜ ਅਧਿਕਾਰੀ ਭਾਰਤ ਦੀ ਪੂਰਬੀ ਸਰਹੱਦ ’ਤੇ ਚੀਨੀ ਫ਼ੌਜ ਅਧਿਕਾਰੀਆਂ ਨਾਲ ਉਨ੍ਹਾਂ ਦੇ ਕੈਂਪਾਂ ’ਚ ਬੈਠਕਾਂ ਕਰ ਰਹੇ ਹਨ। ਚੀਨ ਦੀ ਫ਼ੌਜ ਦੇ ਪੱਛਮੀ ਥੀਏਟਰ ਕਮਾਂਡ ਅਤੇ ਦੱਖਣੀ ਥੀਏਟਰ ਕਮਾਂਡ ਪਾਕਿਸਤਾਨੀ ਫ਼ੌਜ ਦੀ ਤਾਇਨਾਤੀ ਦੀ ਬਹੁਤ ਪੁਖ਼ਤਾ ਜਾਣਕਾਰੀ ਮਿਲੀ ਹੈ। ਪੱਛਮੀ ਥੀਏਟਰ ਕਮਾਂਡ ਨੂੰ ਸ਼ਿਨਚਿਆਂਗ ਅਤੇ ਤਿੱਬਤ ਸਵਾਇਤ ਪ੍ਰਾਂਤ ਨਾਲ ਲੱਗਣ ਵਾਲੀ ਭਾਰਤੀ ਸਰਹੱਦ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ, ਉੱਥੇ ਹੀ ਦੱਖਣੀ ਥੀਏਟਰ ਕਮਾਂਡ ਨੂੰ ਹਾਂਗਕਾਂਗ, ਮਕਾਊ ਅਤੇ ਦੂਜੇ ਸਮਾਨਾਂਤਰ ਖੇਤਰਾਂ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ।ਸਾਲ 2016 ’ਚ ਪਾਕਿਸਤਾਨ ਦੇ ਅਖ਼ਬਾਰ ‘ਡਾਨ’ ’ਚ ਛਪੀ ਖ਼ਬਰ ਦੇ ਅਨੁਸਾਰ ਪਾਕਿਸਤਾਨ ਨੇ ਚੀਨ-ਪਾਕਿਸਤਾਨ ਆਰਥਿਕ ਗਲਿਆਰੇ ਲਈ ਆਪਣੀ ਫੌਜ ਦਾ ਇਕ ਵਿਸ਼ੇਸ਼ ਡਵੀਜ਼ਨ ਬਣਾਇਆ ਸੀ, ਜਿਸ ’ਚ 9000 ਫੌਜੀਆਂ ਦੇ ਨਾਲ 6000 ਫੌਜੀ ਅਧਿਕਾਰੀਆਂ ਦੀ ਤਾਇਨਾਤੀ ਕੀਤੀ ਸੀ, ਪਾਕਿਸਤਾਨ ਦੇ ਜੋ ਫੌਜੀ ਅਧਿਕਾਰੀ ਚੀਨਿਆਂ ਦੀ ਮਦਦ ਕਰ ਰਹੇ ਹਨ, ਉਹ ਇਸੇ ਡਵੀਜ਼ਨ ਨਾਲ ਜੁੜੇ ਹਨ।

ਭਰੋਸੇਯੋਗ ਸੂਤਰਾਂ ਦੇ ਅਨੁਸਾਰ ਪਾਕਿਸਤਾਨੀ ਫੌਜ ਦੇ ਕਰਨਲ ਰੈਂਕ ਦੇ ਅਧਿਕਾਰੀਆਂ ਨੂੰ ਚੀਨ ਦੇ ਸੈਂਟਰਲ ਥਿਏਟਰ ਕਮਾਂਡ ’ਚ ਚੀਨੀ ਫੌਜ ਵੱਲੋਂ ਭਾਰਤ ਖ਼ਿਲਾਫ ਤਾਇਨਾਤ ਕੀਤਾ ਗਿਆ ਹੈ। ਚੀਨੀ ਫੌਜ ਨੇ ਪਾਕਿਸਤਾਨੀ ਫੌਜ ਨੂੰ ਇਸ ਲਈ ਆਪਣੇ ਕੈਂਪਾਂ ’ਚ ਬੁਲਾਇਆ ਹੈ ਕਿਉਂਕਿ ਪਾਕਿਸਤਾਨ ਨੇ ਸ਼ੁਰੂ ਤੋਂ ਹੀ ਭਾਰਤ ਖ਼ਿਲਾਫ ਜੰਗ ਕੀਤੀ ਹੈ ਤੇ ਕਈ ਵਾਰ ਰਣਨੀਤੀ ਬਣਾਈ ਹੈ।ਇਹ ਹੀ ਕਾਰਨ ਹੈ ਕਿ ਚੀਨੀ ਫੌਜ ਨੇ ਪਾਕਿਸਤਾਨੀ ਦੀ ਫੌਜ ਦੇ ਕਰਨਲ ਰੈਂਕ ਦੇ ਅਫ਼ਸਰਾਂ ਨੂੰ ਆਪਣੇ ਕੈਂਪਾਂ ’ਚ ਚੀਨੀ ਫੌਜੀਆਂ ਨੂੰ ਭਾਰਤ ਦੇ ਖ਼ਿਲਾਫ਼ ਰਣਨੀਤੀ ਬਣਾਉਣ ਅਤੇ ਕਿਸ ਤਰ੍ਹਾਂ ਯੁੱਧ ਕਰਨਾ ਹੈ ਇਹ ਸਿਖਾਉਣ ਲਈ ਬੁਲਾਇਆ ਹੈ। ਚੀਨ ਦੀ ਪੀ.ਐੱਲ.ਏ. ਦੀ ਪੱਛਮੀ ਅਤੇ ਦੱਖਣੀ ਥੀਏਟਰ ਕਮਾਂਡ ਨੂੰ ਚੀਨ ਦੇ ਦੱਖਣੀ-ਪੱਛਮੀ ਇਸਲਾਮੀ ਆਂਤਕ ਤੋਂ ਪ੍ਰਭਾਵਿਤ ਮੁਸਲਿਮ ਬਹੁਲ ਪ੍ਰਾਂਤ ਸ਼ਿਨਚਯਾਂਗ ਅਤੇ ਭਾਰਤ ਨਾਲ ਲੱਗਣ ਵਾਲੀ ਸੀਮਾ ਦੀ ਜ਼ਿੰਮੇਵਾਰੀ ਸੌਂਪੀ ਹੈ ਪਰ ਪਿਛਲੇ ਸਾਲ ਜੂਨ ਦੇ ਮਹੀਨੇ ’ਚ ਗਲਵਾਨ ਘਾਟੀ ’ਚ ਮੂੰਹ ਦੀ ਖਾਣ ਦੇ ਬਾਅਦ ਚੀਨੀ ਫੌਜ ਨੇ ਫੌਜ ਦੀ ਅਗਵਾਈ ਤੋਂ ਲੈ ਕੇ ਫੌਜੀਆਂ ਦੇ ਪੱਧਰ ’ਤੇ ਬੇਹੱਦ ਬਦਲਾਅ ਕੀਤੇ ਗਨ। ਚੀਨੀ ਫੌਜ ’ਚ ਇਸ ਬਦਲਾਅ ਦੇ ਮੱਦੇਨਜ਼ਰ ਪਾਕਿਸਤਾਨੀ ਫੌਜ ਦੇ ਸਿਖ਼ਰ ਅਧਿਕਾਰੀਆਂ ਨੂੰ ਬੁਲਾਇਆ ਗਿਆ ਹੈ, ਜਿਸ ਨਾਲ ਭਾਰਤ ਨੂੰ ਨਿਪਟਣ ਨੂੰ ਲੈ ਕੇ ਪਾਕਿਸਤਾਨੀ ਫੌਜ ਦੇ ਕਰਨਲ ਰੈਂਕ ਦੇ ਅਧਿਕਾਰੀ ਚੀਨੀ ਫੌਜ ਨੂੰ ਕੁੱਝ ਮਹੱਤਵਪੂਰਨ ਜਾਣਕਾਰੀਆਂ ਦੇ ਸਕਣ। 

ਪਿਛਲੇ ਸਾਲ ਸ਼ੀ ਜਿਨਪਿੰਗ ਨੇ ਚੀਨੀ ਪੀ.ਐੱਲ.ਏ. ਫੌਜ ਦੇ ਪੱਛਮੀ ਕਮਾਂਡ ਦੇ ਵਾਂਗ, ਖੇ ਚਯਾਂਗ ਨਾਂ ਦੇ ਨਵੇਂ ਸਿਖਰ ਅਧਿਕਾਰੀ ਦੀ ਨਿਯੁਕਤੀ ਕੀਤੀ ਹੈ,ਇਨ੍ਹਾਂ ਨੇ ਇਸਲਾਮੀ ਸ਼ਰਾਰਤੀ ਅਨਸਰ ਸੂਬਾ ਸ਼ਿਨਚਿਯਾਂਗ ’ਚ ਕੰਮ ਕਰਨ ਦੇ ਨਾਲ-ਨਾਲ ਸ਼ਿਨਚਿਯਾਂਗ ਮੁਮਲਿਮਾਂ ਦੇ ਖ਼ਿਲਾਫ ਸੁਧਾਰ ਕੈਂਪ ਚਲਾਉਣ ਦਾ ਬਹੁਤ ਅਨੁਭਵ ਹੈ। ਇਨ੍ਹਾਂ ਦੀ ਮਦਦ ਦੇ ਲਈ ਪਾਕਿਸਤਾਨ ਦੇ ਫੌਜ ਅਧਿਕਾਰੀ ਵੀ ਚੀਨ ਦੀ ਲੱਦਾਖ ਸੀਮਾ ’ਚ ਪਹੁੰਚ ਚੁੱਕੇ ਹਨ। ਸੂਤਰਾਂ ਮੁਤਾਬਕ ਪਾਕਿਸਤਾਨੀ ਫੌਜ ਦੇ ਜੁਆਇੰਟ ਸਟਾਫ਼ ਡਿਪਾਰਟਮੈਂਟ ਆਫ਼ ਸੈਂਟਰਲ ਕਮਿਸ਼ਨ ’ਚ ਤਾਇਨਾਤ ਕਰਨਲ ਰੈਂਕ ਦੇ 10-15 ਫੌਜ ਅਧਿਕਾਰੀਆਂ ਨੂੰ ਚੀਨ ਦੀ ਰਾਜਧਾਨੀ ਬੀਜਿੰਗ ਭੇਜਿਆ ਗਿਆ ਹੈ ਜਦਕਿ ਪਹਿਲਾਂ ਤੋਂ ਹੀ ਉੱਥੇ ਪਾਕਿਸਤਾਨੀ ਡਿਫੈਂਸ ਮੌਜੂਦ ਹਨ, ਕਿਉਂਕਿ ਉਹ ਹੀ ਵਿਭਾਗ ਹੈ ਜਿਸ ਦੇ ਕੋਲ ਭਾਰਤ ਦੇ ਖ਼ਿਲਾਫ ਰਣਨੀਤੀ ਬਣਾਉਣ ਦਾ ਕੰਮ ਹੁੰਦਾ ਹੈ। ਇਹ ਸਾਰੇ ਫ਼ੌਜ ਅਧਿਕਾਰੀ ਬੀਜਿੰਗ ਦੇ ਪਾਕਿਸਤਾਨੀ ਦੂਤਾਵਾਸ ’ਚ ਤਾਇਨਾਤ ਹਨ। ਇਹ ਅਧਿਕਾਰੀ ਚੀਨ ’ਚ ਪਹਿਲਾਂ ਤੋਂ ਹੀ ਮੌਜੂਦ ਪਾਕਿਸਤਾਨੀ ਫੌਜ ਅਧਿਕਾਰੀਆਂ ਦੀ ਮਦਦ ਕਰਨਗੇ, ਚੀਨ ’ਚ ਮੌਜੂਦ ਕੁੱਝ ਪਾਕਿਸਤਾਨੀ ਕਰਨਲ ਰੈਂਕ ਦੇ ਅਧਿਕਾਰੀਆਂ ਨੂੰ ਡਿਫੈਂਸ ਸਪਲਾਈ ਕੋਰ ਨਾਲ ਜੁੜੇ ਕੰਮ ’ਚ ਲਗਾਇਆ ਗਿਆ ਹੈ, ਇਹ ਸਾਰੀਆਂ ਗੱਲਾਂ ਇਸ ਗੱਲ ਦੀ ਪੁਸ਼ਟੀ ਕਰਦੀਆਂ ਹਨ ਕਿ ਚੀਨ ਅਤੇ ਪਾਕਿਸਤਾਨ ’ਚ ਭਾਰਤ ਦੇ ਖ਼ਿਲਾਫ ਕਿਸ ਹੱਦ ਤੱਕ ਫੌਜ ਸਹਿਯੋਗ ਚੱਲ ਰਿਹਾ ਹੈ।