ਜ਼ਹਿਰ ਦਾ ਆਰਡਰ, ਜ਼ਿੰਦਗੀ ਦੀ ਡਿਲੀਵਰੀ! ਮੁੰਡੇ ਨੇ ਸੂਝਬੂਝ ਨਾਲ ਬਚਾਈ ਕੁੜੀ ਦੀ ਜਾਨ, ਬਣਿਆ 'ਅਲਸੀ ਹੀਰੋ'

ਨੈਸ਼ਨਲ ਡੈਸਕ : ਤਮਿਲਨਾਡੂ 'ਚ ਇੱਕ ਬੇਹੱਦ ਭਾਵੁਕ ਅਤੇ ਇਨਸਾਨੀਅਤ ਦੀ ਮਿਸਾਲ ਪੇਸ਼ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੇ ਇੱਕ Blinkit ਡਿਲੀਵਰੀ ਏਜੰਟ ਨੇ ਆਪਣੀ ਹੁਸ਼ਿਆਰੀ ਨਾਲ ਇੱਕ ਔਰਤ ਨੂੰ ਖ਼ੁਦਕੁਸ਼ੀ ਕਰਨ ਤੋਂ ਰੋਕ ਲਿਆ। ਅੱਧੀ ਰਾਤ ਨੂੰ ਕੀਤੇ ਗਏ ਇੱਕ ਸ਼ੱਕੀ ਆਰਡਰ ਨੇ ਡਿਲੀਵਰੀ ਬੁਆਏ ਨੂੰ ਚੌਕਸ ਕਰ ਦਿੱਤਾ, ਜਿਸ ਤੋਂ ਬਾਅਦ ਉਸ ਨੇ ਸਹੀ ਸਮੇਂ 'ਤੇ ਦਖ਼ਲ ਦੇ ਕੇ ਇੱਕ ਕੀਮਤੀ ਜਾਨ ਬਚਾ ਲਈ।

ਰੋਂਦੇ ਹੋਏ ਮੰਗਵਾਇਆ 'ਰੈਟ ਕਿਲ' 
ਜਾਣਕਾਰੀ ਅਨੁਸਾਰ ਤਮਿਲਨਾਡੂ ਦੇ ਇਸ ਡਿਲੀਵਰੀ ਏਜੰਟ ਨੂੰ ਰਾਤ ਦੇ ਸਮੇਂ ਚੂਹੇ ਮਾਰਨ ਵਾਲੀ ਦਵਾਈ (Rat Kill) ਦੇ ਤਿੰਨ ਪੈਕੇਟਾਂ ਦਾ ਆਰਡਰ ਮਿਲਿਆ ਸੀ। ਜਦੋਂ ਉਹ ਆਰਡਰ ਲੈ ਕੇ ਔਰਤ ਦੇ ਘਰ ਪਹੁੰਚਿਆ, ਤਾਂ ਉਸ ਨੇ ਦੇਖਿਆ ਕਿ ਔਰਤ ਬਹੁਤ ਬੁਰੀ ਤਰ੍ਹਾਂ ਰੋ ਰਹੀ ਸੀ। ਹਾਲਾਤ ਅਤੇ ਸਮੇਂ ਨੂੰ ਦੇਖਦੇ ਹੋਏ ਡਿਲੀਵਰੀ ਏਜੰਟ ਨੂੰ ਤੁਰੰਤ ਸ਼ੱਕ ਹੋ ਗਿਆ ਕਿ ਔਰਤ ਖ਼ੁਦ ਨੂੰ ਨੁਕਸਾਨ ਪਹੁੰਚਾਉਣ ਦੀ ਕੋਸ਼ਿਸ਼ ਕਰ ਸਕਦੀ ਹੈ।

 

 

 

 

 

View this post on Instagram

 

 

 

 

 

 

 

 

 

 

 

A post shared by ✨...RDS...✨ (@dilli_rider_)

ਸਮਝਾਇਆ ਤੇ ਆਰਡਰ ਕਰਵਾਇਆ ਕੈਂਸਲ
 ਔਰਤ ਦੀ ਹਾਲਤ ਦੇਖ ਕੇ ਡਿਲੀਵਰੀ ਬੁਆਏ ਨੇ ਸਮਾਨ ਦੇਣ ਦੀ ਬਜਾਏ ਉਸ ਨਾਲ ਗੱਲਬਾਤ ਸ਼ੁਰੂ ਕੀਤੀ। ਉਸ ਨੇ ਔਰਤ ਨੂੰ ਹੌਸਲਾ ਦਿੰਦਿਆਂ ਕਿਹਾ, "ਪਰੇਸ਼ਾਨੀ ਕੋਈ ਵੀ ਹੋਵੇ, ਪਰ ਤੁਹਾਨੂੰ ਖ਼ੁਦਕੁਸ਼ੀ ਬਾਰੇ ਨਹੀਂ ਸੋਚਣਾ ਚਾਹੀਦਾ"। ਉਸ ਨੇ ਅੱਗੇ ਕਿਹਾ ਕਿ ਜੇਕਰ ਉਸ ਨੂੰ ਸੱਚਮੁੱਚ ਚੂਹੇ ਮਾਰਨ ਵਾਲੀ ਦਵਾਈ ਦੀ ਲੋੜ ਹੁੰਦੀ, ਤਾਂ ਉਹ ਸਵੇਰੇ 7 ਵਜੇ ਜਾਂ ਕਿਸੇ ਹੋਰ ਸਮੇਂ ਵੀ ਆਰਡਰ ਕਰ ਸਕਦੀ ਸੀ। ਕਾਫੀ ਦੇਰ ਤੱਕ ਸਮਝਾਉਣ ਤੋਂ ਬਾਅਦ ਔਰਤ ਦਾ ਇਰਾਦਾ ਬਦਲ ਗਿਆ ਅਤੇ ਉਸ ਨੇ ਆਰਡਰ ਕੈਂਸਲ ਕਰ ਦਿੱਤਾ।

ਸੋਸ਼ਲ ਮੀਡੀਆ 'ਤੇ ਹੋ ਰਹੀ ਵਾਹ-ਵਾਹ
 ਇਸ ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਡਿਲੀਵਰੀ ਏਜੰਟ ਨੇ ਕਿਹਾ ਕਿ ਉਸ ਨੂੰ ਮਹਿਸੂਸ ਹੋ ਰਿਹਾ ਹੈ ਕਿ ਉਸ ਨੇ ਅੱਜ ਕੁਝ ਵੱਡਾ ਹਾਸਲ ਕੀਤਾ ਹੈ। ਇੰਟਰਨੈੱਟ ਵਰਤੋਂਕਾਰ ਇਸ ਨੌਜਵਾਨ ਦੀ ਤਾਰੀਫ਼ ਕਰ ਰਹੇ ਹਨ ਅਤੇ ਕਹਿ ਰਹੇ ਹਨ ਕਿ ਦੁਨੀਆ ਅਜਿਹੇ ਇਨਸਾਨਾਂ ਕਰਕੇ ਹੀ ਰਹਿਣ ਯੋਗ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e