ਗਾਇਤਰੀ ਦੇ ਬਾਅਦ ਹੁਣ ਬੁੱਕਲ ਨਵਾਬ ਦੇ ਗੈਰ-ਕਾਨੂੰਨੀ ਇਮਾਰਤ ''ਤੇ ਚੱਲੇਗਾ ਬੁਲਡੌਜ਼ਰ

ਲਖਨਊ—ਸਾਬਕਾ ਮੁੱਖ ਮੰਤਰੀ ਅਖਿਲੇਸ਼ ਯਾਦਵ ਦੇ ਬੇਹੱਦ ਚਹੇਤੇ ਮੰਤਰੀ ਰਹੇ ਗਾਇਤਰੀ ਪ੍ਰਸਾਦ ਪ੍ਰਜਾਪਤੀ ਦੇ ਗੈਰ-ਕਾਨੂੰਨੀ ਨਿਰਮਾਣ 'ਤੇ ਲਖਨਊ ਵਿਕਾਸ ਅਥਾਰਟੀ ਦੀ ਕਾਰਵਾਈ ਦੇ ਬਾਅਦ ਹੁਣ ਵਿਧਾਨ ਪਰੀਸ਼ਦ ਮੈਂਬਰ ਬੁੱਕਲ ਨਵਾਬ ਦੇ ਪੰਜ ਮੰਜ਼ਿਲਾ ਗੈਰ-ਕਾਨੂੰਨੀ ਇਮਾਰਤ 'ਤੇ ਬੁਲਡੌਜ਼ਰ ਚੱਲੇਗਾ। 
ਬੁੱਕਲ ਨਵਾਬ ਨੇ ਵੀ ਪੁਰਾਣੇ ਲਖਨਊ 'ਚ ਵੱਡਾ ਗੈਰ-ਕਾਨੂੰਨੀ ਨਿਰਮਾਣ ਕਰਵਾਇਆ ਹੈ। ਬੁੱਕਲ ਨਵਾਬ ਦੀ ਪੰਜ ਮੰਜ਼ਿਲਾ ਗੈਰ-ਕਾਨੂੰਨੀ ਇਮਾਰਤ 'ਤੇ ਹੁਣ ਲਖਨਊ ਵਿਕਾਸ ਅਥਾਰਟੀ (ਐਲ.ਡੀ.ਏ.) ਦਾ ਬੁਲਡੌਜ਼ਰ ਚੱਲੇਗਾ। ਬੁੱਕਲ ਨਵਾਬ ਨੇ ਆਪਣੇ ਦਬਦਬੇ ਦੇ ਦਮ 'ਤੇ ਸਿੰਗਲ ਰਿਹਾਇਸ਼ੀ ਨਕਸ਼ਾ ਪਾਸ ਕਰਾ ਕੇ ਪੰਜ ਮੰਜ਼ਿਲਾ ਇਮਾਰਤ ਖੜ੍ਹੀ ਕਰਵਾ ਦਿੱਤੀ ਸੀ। ਉਨ੍ਹਾਂ ਦੀ ਪੰਜ ਮੰਜ਼ਿਲਾ ਆਪਰਟਮੈਂਟ ਹੁਸੈਨਾਬਾਦ 'ਚ ਹੈ। ਬੁੱਕਲ ਨਵਾਬ ਦੇ ਇਸ ਗੈਰ-ਕਾਨੂੰਨੀ ਨਿਰਮਾਣ 'ਤੇ ਨਗਰ ਨਿਗਮ ਕਮਿਸ਼ਨ ਲਖਨਊ ਦੇ ਆਦੇਸ਼ ਦੇ ਬਾਅਦ ਕਾਰਵਾਈ ਹੋਵੇਗੀ।
ਜ਼ਿਕਰਯੋਗ ਹੈ ਕਿ ਬੁੱਕਲ ਨਵਾਬ ਨੇ ਸਿੰਗਲ ਰਿਹਾਇਸ਼ੀ ਨਕਸ਼ਾ ਪਾਸ ਕਰਾ ਕੇ ਹੁਸੈਨਾਬਾਦ 'ਚ ਪੰਜ ਮੰਜ਼ਿਲਾ ਅਪਾਰਟਮੈਂਟ ਬਣਵਾ ਲਿਆ ਹੈ। ਸਪਾ ਨੇਤਾ ਬੁੱਕਲ ਨਵਾਬ ਨੇ ਹੁਸੈਨਾਬਾਦ ਹੈਰੀਟੇਜ ਜੋਨ 'ਚ 5 ਮੰਜ਼ਿਲ ਅਪਾਰਮੈਂਟ ਦਾ ਗੈਰ-ਕਾਨੂੰਨੀ ਨਿਰਮਾਣ ਕਰਵਾਇਆ ਸੀ। ਬੁੱਕਲ ਨਵਾਬ ਦੇ ਇਸ ਗੈਰ-ਕਾਨੂੰਨੀ ਨਿਰਮਾਣ ਨੂੰ ਢਾਹੁਣ ਦਾ ਆਦੇਸ਼ 12 ਮਈ ਨੂੰ ਦਿੱਤਾ ਗਿਆ ਸੀ। ਇਸ ਮਾਮਲੇ 'ਚ ਐਲ.ਡੀ.ਏ. ਦੇ ਨਿਆ ਜੁਡੀਸ਼ੀਅਲ ਪ੍ਰਮਾਣਿਕ ਦਾ ਅਧਿਕਾਰ 'ਚ ਸੁਣਵਾਈ ਕੀਤੀ ਗਈ ਸੀ, ਜਿਸ 'ਚ ਗਰੁੱਪ ਹਾਊਸਿੰਗ ਦਾ ਨਕਸ਼ਾ ਨਾ ਮਿਲਣ ਦੇ ਬਾਅਦ ਨਿਰਮਾਣ ਤੋੜਨ ਦਾ ਆਦੇਸ਼ ਦਿੱਤਾ ਗਿਆ ਸੀ।
ਪੁਰਾਣੇ ਲਖਨਊ ਦੇ ਹੁਸੈਨਾਬਾਦ ਇਲਾਕੇ 'ਚ ਬੁੱਕਲ ਨਵਾਬ ਦੀਆਂ ਤਿੰਨ ਗੈਰ-ਕਾਨੂੰਨੀ ਇਮਾਰਤਾਂ ਮੌਜੂਦ ਹਨ। ਐਲ.ਡੀ.ਏ. ਪਹਿਲਾਂ ਹੀ ਬੁੱਕਲ ਨਵਾਬ ਦੀ ਇਕ ਇਮਾਰਤ ਨੂੰ ਸੀਜ ਕਰ ਚੁੱਕਾ ਹੈ। ਬੁੱਕਲ ਨਵਾਬ ਦੀ ਇਮਾਰਤ ਨੂੰ ਸੀਜ ਕਰਨ ਦਾ ਆਦੇਸ਼ ਤਰਵੀਜ਼ ਦਾ ਅਧਿਕਾਰ ਧਨੰਜੈ ਸ਼ੁਕਲ ਨੇ ਦਿੱਤਾ ਸੀ।