ਮਮਲਾਪੁਰਮ ਬੀਚ ''ਤੇ ਪੀ.ਐੱਮ. ਮੋਦੀ ਦੀ ਸਵੱਛਤਾ ਮੁਹਿੰਮ, ਖੁਦ ਚੁੱਕਿਆ ਕੂੜਾ

ਚੇਨਈ— ਸਵੱਛ ਭਾਰਤ ਮੁਹਿੰਮ ਦੀ ਸ਼ੁਰੂਆਤ ਕਰਨ ਵਾਲੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸ਼ਨੀਵਾਰ ਨੂੰ ਖੁਦ ਇਸ 'ਚ ਯੋਗਦਾਨ ਦਿੱਤਾ। ਆਪਣੇ ਮਮਲਾਪੁਰਮ ਦੌਰੇ ਦੌਰਾਨ ਮੋਦੀ ਨੇ ਉੱਥੇ ਇਕ ਬੀਚ ਦੀ ਸਾਫ਼-ਸਫ਼ਾਈ ਕੀਤੀ। ਮੋਦੀ ਨੇ ਖੁਦ ਇਸ ਦਾ ਵੀਡੀਓ ਟਵੀਟ ਕੀਤਾ ਅਤੇ ਜਾਣਕਾਰੀ ਦਿੱਤੀ। ਵੀਡੀਓ 'ਚ ਮੋਦੀ ਬੀਚ 'ਤੇ ਫੈਲਿਆ ਕੂੜਾ ਚੁੱਕ ਕੇ ਇਕੱਠਾ ਕਰਦੇ ਦਿੱਸ ਰਹੇ ਹਨ।

Plogging at a beach in Mamallapuram this morning. It lasted for over 30 minutes.

Also handed over my ‘collection’ to Jeyaraj, who is a part of the hotel staff.

Let us ensure our public places are clean and tidy!

Let us also ensure we remain fit and healthy. pic.twitter.com/qBHLTxtM9y

— Narendra Modi (@narendramodi) October 12, 2019

ਵੀਡੀਓ ਨਾਲ ਮੋਦੀ ਨੇ ਲਿਖਿਆ,''ਅੱਜ ਸਵੇਰੇ ਮਮਲਾਪੁਰਮ ਦੇ ਬੀਚ 'ਤੇ ਸਾਫ਼-ਸਫ਼ਾਈ ਕੀਤੀ। ਇਹ ਕੰਮ ਕਰੀਬ ਅੱਧੇ ਘੰਟੇ ਕੀਤਾ। ਆਪਣੇ ਵਲੋਂ ਇਕੱਠੇ ਕੀਤੇ ਕੂੜੇ ਨੂੰ ਮੈਂ ਜੈਰਾਮ ਨੂੰ ਦਿੱਤਾ, ਜੋ ਹੋਟਲ ਸਟਾਫ ਦਾ ਹਿੱਸਾ ਹਨ।'' ਮੋਦੀ ਨੇ ਅੱਗੇ ਲਿਖਿਆ,''ਚਲੋ ਇਹ ਪੱਕਾ ਕਰੋ ਕਿ ਸਾਡੇ ਜਨਤਕ ਸਥਾਨ ਸਾਫ਼-ਸੁਥਰੇ ਰਹਿਣਗੇ। ਇਹ ਪੱਕਾ ਕਰਦੇ ਹਾਂ ਕਿ ਅਸੀਂ ਫਿੱਟ ਅਤੇ ਹੈਲਥੀ ਰਹਾਂਗੇ।''

ਦੱਸਣਯੋਗ ਹੈ ਕਿ ਪੀ.ਐੱਮ. ਮੋਦੀ ਉੱਥੇ ਚੀਨ ਦੇ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਨੂੰ ਮਿਲਣ ਗਏ ਹੋਏ ਹਨ। ਦੋਹਾਂ ਦਰਮਿਆਨ ਸ਼ੁੱਕਰਵਾਰ ਸ਼ਾਮ ਨੂੰ ਮੀਟਿੰਗ ਹੋਈ ਸੀ। ਰਾਤ ਨੂੰ ਮੋਦੀ ਅਤੇ ਜਿਨਪਿੰਗ ਨੇ ਡਿਨਰ 'ਤੇ ਕਰੀਬ ਢਾਈ ਘੰਟੇ ਤੱਕ ਚਰਚਾ ਕੀਤੀ ਸੀ। ਇਸ ਮੀਟਿੰਗ 'ਚ ਅੱਤਵਾਦ, ਵਪਾਰਕ ਸੰਤੁਲਨ 'ਤੇ ਗੱਲ ਹੋਈ ਸੀ।