ਰਹੱਸਮਈ ਤਰੀਕੇ ਨਾਲ 150 ਬਾਂਦਰਾਂ ਦੀ ਮੌਤ, ਜਾਂਚ ''ਚ ਜੁੱਟੀ ਟੀਮ
Friday, Mar 30, 2018 - 01:31 PM (IST)
ਨਵੀਂ ਦਿੱਲੀ— ਯੂ.ਪੀ ਦੇ ਅਮਰੋਹਾ 'ਚ ਰਹੱਸਮਈ ਹਾਲਾਤਾਂ 'ਚ ਬਾਂਦਰਾਂ ਦੀ ਮੌਤ ਦੀ ਖਬਰ ਹੈ। ਬਾਂਦਰਾਂ ਦੀ ਮੌਤ ਦਾ ਕਾਰਨ ਹੁਣ ਤੱਕ ਪਤਾ ਨਹੀਂ ਚੱਲ ਸਕਿਆ ਹੈ। ਮਰਨ ਵਾਲਾ ਬਾਂਦਰਾਂ ਦੀ ਸੰਖਿਆ ਵਧਣ ਦੇ ਬਾਅਦ ਪਸ਼ੂ ਡਾਕਟਰ ਦੀ ਟੀਮ ਨੇ ਇਕ ਬਾਂਦਰ ਦਾ ਪੋਸਟਮਾਰਟਮ ਕੀਤਾ ਪਰ ਮੌਤ ਦਾ ਕਾਰਨ ਸਪਸ਼ਟ ਨਹੀਂ ਹੋ ਸਕਿਆ। ਸਥਾਨਕ ਵਾਸੀਆਂ ਮੁਤਾਬਕ ਇਕ ਹਫਤੇ 'ਚ ਕਰੀਬ 150 ਬਾਂਦਰ ਮਰ ਚੁੱਕੇ ਹਨ।
ਪਸ਼ੂ ਡਾਕਟਰ ਤੇਜਪਾਲ ਸਿੰਘ ਨੇ ਦੱਸਿਆ ਕਿ ਪੋਸਟਮਾਰਟਮ 'ਚ ਇਹ ਗੱਲ ਸਾਬਿਤ ਹੋਈ ਹੈ ਕਿ ਬਾਂਦਰ ਦਾ ਪੇਟ ਖਾਲੀ ਸੀ ਯਾਨੀ ਮਰਨ ਤੋਂ ਦੋ-ਤਿੰਨ ਦਿਨ ਪਹਿਲੇ ਬਾਂਦਰ ਨੇ ਕੁਝ ਖਾਧਾ ਨਹੀਂ ਸੀ। ਬੰਦਰ ਦੇ ਫੇਫੜੇ ਅਤੇ ਲੀਵਰ ਵੀ ਖਰਾਬ ਮਿਲੇ ਹਨ। ਖੂਨੀ ਦਸਤ ਹੋਣ ਕਾਰਨ ਬਾਂਦਰਾਂ ਦੀ ਮੌਤ ਹੋ ਰਹੀ ਹੈ।
Monkeys die under mysterious circumstances in #Amroha. Locals allege more than 100 monkeys have died till now, forest dept officials (in pic) refute the number, say they are taking precautionary measures. Postmortem reports are awaited to decide further course of action. pic.twitter.com/osOApMRPyw
— ANI UP (@ANINewsUP) March 30, 2018
ਸਥਾਨਕ ਵਾਸੀਆਂ ਮੁਤਾਬਕ ਰੋਜ਼ ਕਰੀਬ 10 ਤੋਂ 12 ਬਾਂਦਰ ਮਰ ਰਹੇ ਹਨ। ਬਾਂਦਰਾਂ ਦੀ ਮੌਤ ਨਾਲ ਲੋਕ ਹੈਰਾਨ ਹਨ। ਸ਼ੱਕ ਜਤਾਇਆ ਜਾ ਰਿਹਾ ਹੈ ਕਿ ਜ਼ਹਿਰ ਦੇ ਕੇ ਬਾਂਦਰਾਂ ਨੂੰ ਮਾਰਿਆ ਜਾ ਰਿਹਾ ਹੈ। ਬਾਂਦਰਾਂ ਦੀ ਮੌਤ ਕਾਰਨ ਬਾਂਦਰਾਂ 'ਚ ਆਸਥਾ ਰੱਖਣ ਵਾਲੇ ਲੋਕਾਂ 'ਚ ਗੁੱਸਾ ਹੈ। ਕੁਝ ਸਥਾਨਕ ਲੋਕਾਂ ਦਾ ਮੰਨਣਾ ਹੈ ਕਿ ਬਾਂਦਰਾਂ ਨੂੰ ਜ਼ਹਿਰ ਦੇ ਕੇ ਮਾਰਿਆ ਜਾ ਰਿਹਾ ਹੈ।
