ਮੁਸਲਿਮ ਲੜਕੀ ਖਿਲਾਫ ਫਤਵਾ ਜਾਰੀ, ਬਾਬਾ ਰਾਮਦੇਵ ਨਾਲ ਕੀਤਾ ਸੀ ਯੋਗ

ਨੈਸ਼ਨਲ ਡੈਸਕ— ਯੋਗ ਗੁਰੂ ਸਵਾਮੀ ਰਾਮਦੇਵ ਨਾਲ ਯੋਗਾ ਕਰਕੇ ਸੁਰਖੀਆਂ 'ਚ ਆਈ ਮੁਸਲਿਮ ਲੜਕੀ ਰਾਫੀਆ ਨਾਜ ਨੂੰ ਜਾਨ ਤੋਂ ਮਾਰਨ ਦੀ ਧਮਕੀ ਮਿਲ ਰਹੀ ਹੈ। ਯੋਗ ਸਿਖਾਉਣ ਨੂੰ ਲੈ ਕੇ ਉਸ ਦੇ ਖਿਲਾਫ ਫਤਵਾ ਜਾਰੀ ਕੀਤਾ ਗਿਆ ਹੈ। ਮਾਮਲਾ ਮੁੱਖਮੰਤਰੀ ਰਘੁਵਰ ਦਾਸ ਦੇ ਗਿਆਨ 'ਚ ਆਉਣ ਦੇ ਬਾਅਦ ਰਾਫੀਆ ਦੀ ਸੁਰੱਖਿਆ ਵਧਾ ਦਿੱਤੀ ਗਈ ਹੈ। ਉਸ ਨੂੰ ਦੋ ਸੁਰੱਖਿਆ ਕਰਮਚਾਰੀ ਵੀ ਉਪਲਬਧ ਕਰਵਾਏ ਗਏ ਹਨ, ਜਿਨ੍ਹਾਂ 'ਚ ਇਕ ਮਰਦ ਅਤੇ ਦੂਜੀ ਔਰਤ ਹੈ। 

ਜਾਣਕਾਰੀ ਮੁਤਾਬਕ ਰਾਂਚੀ ਦੇ ਡੋਰੰਡਾ ਥਾਣਾ ਖੇਤਰ 'ਚ ਰਹਿਣ ਵਾਲੀ ਰਾਫੀਆ ਨਾਜ 1995 ਤੋਂ ਰਾਂਚੀ 'ਚ ਯੋਗ ਸਿਖਾਉਂਦੇ ਆ ਰਹੀ ਹੈ। ਇਸ ਦੇ ਲਈ ਉਸ ਨੂੰ ਸਰਕਾਰੀ ਅਤੇ ਸਮਾਜਿਕ ਸੰਗਠਨ ਕਈ ਵਾਰ ਸਨਮਾਨਿਤ ਕਰ ਚੁੱਕੇ ਹਨ ਪਰ 2015 'ਚ ਰਾਂਚੀ 'ਚ ਆਯੋਜਿਤ ਬਾਬਾ ਰਾਮਦੇਵ ਦੇ ਯੋਗ ਕੈਂਪ 'ਚ ਰਾਫੀਆ ਸ਼ਾਮਲ ਹੋਣਾ ਗੁਨਾਹ ਹੋ ਗਿਆ। ਉਨ੍ਹਾਂ ਦੇ ਨਾਲ ਮੰਚ 'ਤੇ ਯੋਗਾ ਕਰਨ ਦੇ ਬਾਅਦ ਤੋਂ ਹੀ ਉਹ ਕੱਟੜਪੰਥੀਆਂ ਦੇ ਨਿਸ਼ਾਨੇ 'ਤੇ ਆ ਗਈ। ਧਮਕੀਆਂ ਮਿਲਣ ਦੇ ਨਾਲ-ਨਾਲ ਸੋਸ਼ਲ ਸਾਇਟ 'ਤੇ ਵੀ ਉਸ ਦੇ ਖਿਲਾਫ ਗਲਤ ਕੁਮੈਂਟ ਕੀਤੇ ਗਏ। 

ਇਸ ਮਾਮਲੇ 'ਚ ਰਾਫੀਆ ਨੇ ਕਿਹਾ ਕਿ ਬਾਬਾ ਰਾਮਦੇਵ ਨਾਲ ਮਿਲਣ ਤੋਂ ਪਹਿਲੇ ਕੱਟੜਪੰਥੀਆਂ ਨੂੰ ਵੀ ਮੇਰਾ ਯੋਗ ਕਰਨਾ ਚੰਗਾ ਲੱਗਦਾ ਸੀ। ਉਹ ਮੇਰੇ ਘਰ ਆ ਕੇ ਮੇਰੇ ਪਰਿਵਾਰਕ ਮੈਬਰਾਂ ਨਾਲ ਮੇਰੀ ਤਾਰੀਫ ਕਰਦੇ ਸੀ ਪਰ ਬਾਬਾ ਰਾਮਦੇਵ ਨਾਲ ਯੋਗ ਕਰਨ ਦੇ ਬਾਅਦ ਉਹ ਉਨ੍ਹਾਂ ਦੇ ਨਿਸ਼ਾਨੇ 'ਤੇ ਹੈ। ਹੁਣ ਕੱਟੜਪੰਥੀਆਂ ਮੁਤਾਬਕ ਉਹ ਐਂਟੀ ਇਸਲਾਮਿਕ ਹੋ ਗਈ ਹੈ। ਰਾਫੀਆ ਨੇ ਕਿਹਾ ਕਿ 2015 ਦੇ ਬਾਅਦ ਤੋਂ ਹੀ ਉਸ ਨੂੰ ਲਗਾਤਾਰ ਗਾਲੀਆਂ ਅਤੇ ਜਾਨ ਤੋਂ ਮਾਰਨ ਦੀਆਂ ਧਮਕੀਆਂ ਦਿੱਤੀਆਂ ਜਾ ਰਹੀਆਂ ਹਨ। ਨਾਜ ਨੇ ਕਿਹਾ ਕਿ ਮੈਂ ਯੋਗ ਕਰਨਾ ਜਾਰੀ ਰੱਖਾਂਗੀ ਅਤੇ ਜੀਵਨ ਦੇ ਅੰਤ ਤੱਕ ਯੋਗ ਸਿਖਾਉਂਦੀ ਰਹਾਂਗੀ। ਰਾਫੀਆ ਚਾਰ ਸਾਲ ਦੀ ਉਮਰ ਤੋਂ ਹੀ ਯੋਗਾ 'ਚ ਨਿਪੁੰਨ ਸੀ ਅਤੇ ਉਦੋਂ ਤੋਂ ਯੋਗ ਨੂੰ ਲੈ ਕੇ ਪੂਰੇ ਰਾਂਚੀ 'ਚ ਜਾਣੀ ਜਾਂਦੀ ਹੈ।