ਫੈਕਟਰੀ ਦੇ ਨੇੜੇ ਮਿਲਿਆ ਮੋਰਟਾਰ ਬੰਬ, ਮਚੀ ਹਫੜਾ-ਦਫੜੀ

ਜੋਧਪੁਰ- ਰਾਜਸਥਾਨ ਦੇ ਜੋਧਪੁਰ ਸ਼ਹਿਰ 'ਚ ਉਸ ਸਮੇਂ ਹਫੜਾ-ਦਫੜੀ ਮੱਚ ਗਈ, ਜਦੋਂ ਮੰਦਸੌਰ ਇਲਾਕੇ 'ਚ ਸਥਿਤ ਇਕ ਫੈਕਟਰੀ ਦੇ ਨੇੜੇ ਮੋਰਟਾਰ ਬੰਬ ਮਿਲਿਆ। ਇਸ ਘਟਨਾ ਦੀ ਜਾਣਕਾਰੀ ਮਿਲਦੇ ਹੀ ਮੌਕੇ 'ਤੇ ਪੁਲਸ ਪਹੁੰਚ ਗਈ।

A mortar bomb is found near a factory in Mandor, Jodhpur. Police at the spot. #Rajasthan pic.twitter.com/RvlWFYx3j6

— ANI (@ANI) January 25, 2019

ਰਿਪੋਰਟ ਮੁਤਾਬਕ ਜਦੋਂ ਲੋਕਾਂ ਨੇ ਮੋਰਟਾਰ ਬੰਬ ਦੇਖਿਆ ਤਾਂ ਉਨ੍ਹਾਂ ਨੇ ਤਰੁੰਤ ਉਸ ਦੀ ਜਾਣਕਾਰੀ ਪੁਲਸ ਨੂੰ ਦਿੱਤੀ, ਮੌਕੇ 'ਤੇ ਪਹੁੰਚੀ ਪੁਲਸ ਨੇ ਬੰਬ ਰੋਧੂ ਦਸਤਾ ਨੂੰ ਬੁਲਾਇਆ, ਜਿਸ ਨੇ ਬੰਬ ਨੂੰ ਕਬਜ਼ੇ 'ਚ ਲੈ ਲਿਆ। ਇਸ ਬੰਬ 'ਤੇ 292 ਏ. ਅਤੇ 51 ਐੱਮ. ਐੱਮ. ਲਿਖਿਆ ਹੋਇਆ ਸੀ। ਪੁਲਸ ਇਸ ਸੰਬੰਧੀ ਜਾਂਚ ਕਰ ਰਹੀ ਹੈ। ਗਣਤੰਤਰ ਦਿਵਸ ਦੇ ਮੌਕੇ 'ਤੇ ਦੇਸ਼ ਭਰ 'ਚ ਸੁਰੱਖਿਆ ਦੇ ਸਖਤ ਇੰਤਜ਼ਾਮ ਕੀਤੇ ਜਾ ਰਹੇ ਹਨ।