ਵਿਦੇਸ਼ ਮਹਿਕਮਾ ਦੇ 2 ਕਾਮੇ ਨਿਕਲੇ ਕੋਰੋਨਾ ਪਾਜ਼ੀਟਿਵ

ਨਵੀਂ ਦਿੱਲੀ- ਵਿਦੇਸ਼ ਮਹਿਕਮਾ ਦੇ ਦਿੱਲੀ ਸਥਿਤ ਹੈੱਡ ਕੁਆਰਟਰ 'ਚ ਕੰਮ ਕਰ ਰਹੇ ਘੱਟੋ-ਘੱਟ 2 ਕਾਮੇ ਕੋਰੋਨਾ ਵਾਇਰਸ ਨਾਲ ਪੀੜਤ ਪਾਏ ਗਏ ਹਨ, ਜਿਸ ਤੋਂ ਬਾਅਦ ਉਨ੍ਹਾਂ ਦੇ ਸੰਪਰਕ 'ਚ ਆਏ ਸਾਰੇ ਕਾਮਿਆਂ ਨੂੰ 14 ਦਿਨ ਲਈ ਕੁਆਰੰਟੀਨ ਰਹਿਣ ਲਈ ਕਿਹਾ ਗਿਆ ਹੈ। ਇਸ ਮਾਮਲੇ ਦੀ ਜਾਣਕਾਰੀ ਰੱਖਣ ਵਾਲੇ ਲੋਕਾਂ ਨੇ ਸ਼ਨੀਵਾਰ ਨੂੰ ਦੱਸਿਆ ਕਿ ਮਹਿਕਮੇ ਦੀ ਕਾਨੂੰਨ ਬਰਾਂਚ 'ਚ ਤਾਇਨਾਤ ਇਕ ਅਧਿਕਾਰੀ ਅਤੇ ਕੇਂਦਰੀ ਯੂਰਪ ਵਿਭਾਗ ਦੇ ਇਕ ਸਲਾਹਕਾਰ ਨੂੰ ਇਸ ਹਫਤੇ ਦੀ ਸ਼ੁਰੂਆਤ 'ਚ ਕੋਰੋਨਾ ਵਾਇਰਸ ਨਾਲ ਪੀੜਤ ਹੋਣ ਦੀ ਪੁਸ਼ਟੀ ਹੋਈ। ਅਧਿਕਾਰਤ ਸੂਤਰਾਂ ਨੇ ਦੱਸਿਆ ਕਿ ਵਿਦੇਸ਼ ਮਹਿਕਮਾ ਸਰਕਾਰ ਦੇ ਸਿਹਤ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਆਪਣੇ ਕਾਮਿਆਂ ਅਤੇ ਸਲਾਹਕਾਰਾਂ ਦਰਮਿਆਨ ਕੋਵਿਡ-19 ਦੇ ਕਿਸੇ ਵੀ ਮਾਮਲੇ ਨਾਲ ਨਜਿੱਠਣ ਨਾਲ ਪੂਰੀ ਤਰ੍ਹਾਂ ਸਰਗਰਮ ਹੈ। ਅਜਿਹੀ ਜਾਣਕਾਰੀ ਹੈ ਕਿ ਕਾਨੂੰਨ ਅਤੇ ਕੇਂਦਰੀ ਯੂਰਪ (ਸੀ.ਈ.) ਵਿਭਾਗਾਂ ਨੂੰ ਇਨਫੈਕਸ਼ਨ ਮੁਕਤ ਕਰਵਾਇਆ ਗਿਆ ਹੈ। ਸੀ.ਈ. ਵਿਭਾਗ 'ਚ ਲਗਭਗ ਸਾਰੇ ਕਾਮਿਆਂ ਨਾਲ ਹੀ ਕਾਨੂੰਨ ਬਰਾਂਚ 'ਚ ਕਈ ਕਾਮੇ ਕੁਆਰੰਟੀਨ 'ਚ ਹਨ।

ਇਨਫੈਕਸ਼ਨ ਦੇ 2 ਮਾਮਲੇ ਆਉਣ ਤੋਂ ਬਾਅਦ ਵਿਦੇਸ਼ ਮਹਿਕਮਾ ਨੇ ਆਪਣੇ ਸਾਰੇ ਕਾਮਿਆਂ ਨੂੰ ਇਨਫੈਕਸ਼ਨ ਬਾਰੇ ਦੱਸਣ ਲਈ 2 ਪੱਤਰ ਭੇਜੇ ਅਤੇ ਉਨ੍ਹਾਂ ਨੂੰ ਤੈਅ ਦਿਸ਼ਾ-ਨਿਰਦੇਸ਼ਾਂ ਦਾ ਪਾਲਣ ਕਰਨ ਅਤੇ ਚੌਕਸੀ ਕਦਮ ਚੁੱਕਣ ਲਈ ਕਿਹਾ ਹੈ। ਉਸ ਦੀ 13 ਜੂਨ ਤੱਕ 1,00,000 ਅਤੇ ਭਾਰਤੀਆਂ ਨੂੰ ਲਿਆਉਣ ਦੀ ਕੋਸ਼ਿਸ਼ ਹੈ। ਇਸ ਕਵਾਇਦ ਦੇ ਮੱਦੇਨਜ਼ਰ ਵਿਦੇਸ਼ ਮੰਤਰਾਲੇ ਦੇ ਹੈੱਡ ਕੁਆਰਟਰ 'ਚ ਵੱਡੀ ਗਿਣਤੀ 'ਚ ਕਾਮੇ ਕਾਫੀ ਦੇਰ ਤੱਕ ਕੰਮ ਕਰ ਰਹੇ ਹਨ ਅਤੇ ਹੁਣ ਇਨਫੈਕਸ਼ਨ ਦੇ ਮਾਮਲੇ ਸਾਹਮਣੇ ਆਉਣ ਤੋਂ ਬਾਅਦ ਉਨ੍ਹਾਂ ਨੂੰ ਸਾਰੇ ਚੌਕਸੀ ਕਦਮ ਚੁੱਕਣ ਦੀ ਸਲਾਹ ਦਿੱਤੀ ਗਈ ਹੈ।

ਵਿਦੇਸ਼ ਮਹਿਕਮਾ ਦਾ ਕੋਰੋਨਾ ਵਾਇਰਸ ਕੰਟਰੋਲ ਰੂਮ 16 ਮਾਰਚ ਤੋਂ 24 ਘੰਟੇ ਕੰਮ ਕਰ ਰਿਹਾ ਹੈ। ਕੰਟਰੋਲ ਰੂਮ ਨੂੰ 28 ਮਈ ਤੱਕ 22,500 ਤੋਂ ਵਧ ਕਾਲ ਅਤੇ 60,000 ਤੋਂ ਵਧ ਈ-ਮੇਲ ਆਏ ਹਨ। ਪਿਛਲੇ ਕੁਝ ਦਿਨਾਂ 'ਚ ਰਾਏਸੀਨਾ ਹਿਲਸ ਦੇ ਨੇੜੇ-ਤੇੜੇ ਸਥਿਤ ਵੱਖ-ਵੱਖ ਮਹਿਕਮਿਆਂ 'ਚ ਕੰਮ ਕਰ ਰਹੇ ਕਈ ਕਾਮੇ ਕੋਵਿਡ-19 ਨਾਲ ਇਨਫੈਕਟਡ ਪਾਏ ਗਏ ਹਨ। ਅਧਿਕਾਰਤ ਅੰਕੜਿਆਂ ਅਨੁਸਾਰ ਭਾਰਤ 'ਚ ਸ਼ਨੀਵਾਰ ਸਵੇਰ ਤੱਕ ਇਨਫੈਕਸ਼ਨ ਦੇ ਕੁੱਲ ਮਾਮਲਿਆਂ ਦੀ ਗਿਣਤੀ 1,73,7763 ਸੀ, ਜਦੋਂ ਕਿ 4,971 ਲੋਕਾਂ ਦੀ ਮੌਤ ਹੋਈ।