ਮਾਂ-ਪਿਓ ਦੀ ਕੁੱਟਮਾਰ ਕਰਨ ਵਾਲੇ ਦਾ ਗੋਲ਼ੀ ਮਾਰ ਕਰ'ਤਾ ਕਤਲ

ਨੈਸ਼ਨਲ ਡੈਸਕ :  ਉੱਤਰ ਪ੍ਰਦੇਸ਼ ਦੇ ਸੋਨਭੱਦਰ ਜ਼ਿਲ੍ਹੇ ਦੇ ਸ਼ਾਹਗੰਜ ਥਾਣਾ ਖੇਤਰ ਦੇ ਮਰਾਚੀ ਪਿੰਡ 'ਚ ਕੁਝ ਦਿਨ ਪਹਿਲਾਂ ਹੋਏ ਕਤਲ ਕੇਸ 'ਚ ਸ਼ਾਮਲ ਤਿੰਨ ਮੁਲਜ਼ਮਾਂ ਨੂੰ ਪੁਲਸ ਟੀਮ ਨੇ ਮੰਗਲਵਾਰ ਸਵੇਰੇ ਗ੍ਰਿਫ਼ਤਾਰ ਕਰ ਲਿਆ। ਇਹ ਘਟਨਾ ਪੁਰਾਣੀ ਦੁਸ਼ਮਣੀ ਕਾਰਨ ਅੰਜਾਮ ਦਿੱਤੀ ਗਈ ਸੀ।  ਜਾਣਕਾਰੀ ਦਿੰਦਿਆ ਵਧੀਕ ਪੁਲਸ ਸੁਪਰਡੈਂਟ ਤ੍ਰਿਭੁਵਨ ਨਾਥ ਤ੍ਰਿਪਾਠੀ ਨੇ ਦੱਸਿਆ ਕਿ ਮਰਾਚੀ ਪਿੰਡ ਦੇ ਰਹਿਣ ਵਾਲੇ 55 ਸਾਲਾ ਅਮਰਨਾਥ ਯਾਦਵ ਦੀ 17 ਜੂਨ ਦੀ ਰਾਤ ਨੂੰ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਸੀ।
 ਇਸ ਮਾਮਲੇ 'ਚ ਮ੍ਰਿਤਕ ਦੇ ਪੁੱਤਰ ਅਨਿਲ ਯਾਦਵ ਦੀ ਨਾਮਜ਼ਦ ਸ਼ਿਕਾਇਤ ਦੇ ਆਧਾਰ 'ਤੇ ਕੇਸ ਦਰਜ ਕਰ ਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਅੱਜ ਸਵੇਰੇ 05:45 ਵਜੇ ਮੁਖਬਰ ਦੀ ਸੂਚਨਾ 'ਤੇ ਪੁਲਸ ਟੀਮ ਨੇ ਕਤਲ ਦੇ ਮੁਲਜ਼ਮ ਓਮਜੀ ਪਾਠਕ ਪੁੱਤਰ ਸ਼ਿਵਸ਼ੰਕਰ ਪਾਠਕ ਨਿਵਾਸੀ ਉਸਰੀ ਖੁਰਦ ਥਾਣਾ ਸ਼ਾਹਗੰਜ, ਮੰਗਲ ਗੁਪਤਾ ਪੁੱਤਰ ਸ਼ਿਵਪ੍ਰਸਾਦ ਨਿਵਾਸੀ ਪਿੰਡ ਮਰਾਚੀ/ਉਮਰੀ ਖੁਰਦ ਥਾਣਾ ਸ਼ਾਹਗੰਜ ਤੇ ਅੰਤਲਾਲ ਗੁਪਤਾ ਪੁੱਤਰ ਗੁੱਡੂ ਗੁਪਤਾ ਨਿਵਾਸੀ ਪਿੰਡ ਉਮਰੀ ਖੁਰਦ ਥਾਣਾ ਸ਼ਾਹਗੰਜ ਨੂੰ ਪ੍ਰਥਮਿਕ ਵਿਦਿਆਲਿਆ ਉਮਰੀ ਦੇ ਨੇੜੇ ਤੋਂ ਗ੍ਰਿਫ਼ਤਾਰ ਕੀਤਾ।
 ਜਾਂਚ ਦੌਰਾਨ ਪੁਲਿਸ ਟੀਮ ਨੇ ਉਨ੍ਹਾਂ ਤੋਂ ਇੱਕ ਦੇਸੀ ਪਿਸਤੌਲ ਅਤੇ 315 ਬੋਰ ਦੇ ਖਾਲੀ ਕਾਰਤੂਸ ਤੇ ਇੱਕ ਪਲਸਰ ਮੋਟਰਸਾਈਕਲ ਬਰਾਮਦ ਕੀਤਾ। ਗ੍ਰਿਫ਼ਤਾਰ ਕੀਤੇ ਗਏ ਮੁੱਖ ਦੋਸ਼ੀ ਮੰਗਲ ਗੁਪਤਾ ਨੇ ਪੁੱਛਗਿੱਛ ਦੌਰਾਨ ਦੱਸਿਆ ਕਿ ਉਸਨੇ ਅਮਰਨਾਥ ਯਾਦਵ ਨੂੰ ਗੋਲੀ ਮਾਰੀ ਸੀ ਕਿਉਂਕਿ ਅਮਰਨਾਥ ਯਾਦਵ ਸਾਲ 2023 'ਚ ਉਸਦੇ ਘਰ 'ਚ ਦਾਖਲ ਹੋਇਆ ਸੀ ਅਤੇ ਉਸਨੂੰ ਤੇ ਉਸਦੀ ਮਾਂ ਤੇ ਪਿਤਾ ਨੂੰ ਬੁਰੀ ਤਰ੍ਹਾਂ ਕੁੱਟਿਆ ਸੀ, ਜਿਸ ਕਾਰਨ ਉਸਦੇ ਪਿਤਾ ਦਾ ਹੱਥ ਟੁੱਟ ਗਿਆ ਸੀ। ਮੰਗਲ ਨੇ ਦੱਸਿਆ ਕਿ ਅਮਰਨਾਥ ਦੇ ਪਰਿਵਾਰ ਨੇ ਉਸਨੂੰ ਅਤੇ ਉਸਦੇ ਪਰਿਵਾਰ ਨੂੰ ਇੰਨਾ ਮਜਬੂਰ ਕੀਤਾ ਸੀ ਕਿ ਉਹ ਆਪਣੀ ਜੱਦੀ ਜ਼ਮੀਨ ਅਤੇ ਘਰ ਵੇਚ ਕੇ ਲਾਲਗੰਜ ਮਿਰਜ਼ਾਪੁਰ ਵਿੱਚ ਇੱਕ ਘਰ ਵਿੱਚ ਰਹਿਣ ਲੱਗ ਪਏ। ਇਸ ਤੋਂ ਬਾਅਦ ਉਹ ਸੂਰਤ 'ਚ ਕੰਮ ਕਰਨ ਲੱਗ ਪਏ। ਇਸ ਤੋਂ ਗੁੱਸੇ ਵਿੱਚ ਆ ਕੇ ਉਸਨੇ ਅਮਰਨਾਥ ਯਾਦਵ ਨੂੰ ਮਾਰਨ ਦੀ ਯੋਜਨਾ ਬਣਾਈ ਅਤੇ ਉਸਨੇ ਆਪਣੇ ਦੋਸਤਾਂ ਓਮਜੀ ਪਾਠਕ ਤੇ ਅੰਤਲਾਲ ਨੂੰ ਦੱਸਿਆ। ਇਹ ਲੋਕ ਦੋਸਤੀ ਦੇ ਨਾਮ 'ਤੇ ਸਹਿਮਤ ਹੋ ਗਏ ਤੇ ਫਿਰ ਘਟਨਾ ਵਾਲੇ ਦਿਨ ਤਿੰਨੋਂ ਰਾਤ ਨੂੰ ਗਏ ਤੇ ਸੁੱਤੇ ਪਏ ਅਮਰਨਾਥ ਨੂੰ ਗੋਲੀ ਮਾਰ ਦਿੱਤੀ, ਜਿਸ ਕਾਰਨ ਉਸਦੀ ਮੌਤ ਹੋ ਗਈ। ਪੁਲਸ ਟੀਮ ਵੱਲੋਂ ਗ੍ਰਿਫ਼ਤਾਰ ਕੀਤੇ ਗਏ ਮੁਲਜ਼ਮਾਂ ਨੂੰ ਅਦਾਲਤ ਵਿੱਚ ਭੇਜਿਆ ਜਾ ਰਿਹਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8