ਚਿੱਲਰ ਦੇ ਕੇ ਗਾਹਕ ਨੇ ਭਰਿਆ ਬਿਜਲੀ ਬਿੱਲ, ਗਿਣਨ ''ਚ ਲੱਗੇ 5 ਘੰਟੇ, ਮੁਲਾਜ਼ਮਾਂ ਦੇ ਛੁੱਟੇ ਪਸੀਨੇ

ਨੈਸ਼ਨਲ ਡੈਸਕ- ਸਾਡਾ ਦੇਸ਼ ਡਿਜੀਟਲ ਭੁਗਤਾਨ ਦੇ ਮਾਮਲੇ ਵਿੱਚ ਦੁਨੀਆ ਵਿੱਚ ਸਿਖਰ 'ਤੇ ਹੈ ਪਰ ਇਹ ਸਾਰੀ ਤਰੱਕੀ ਉਦੋਂ ਬੇਕਾਰ ਹੋ ਗਈ ਜਦੋਂ ਇੱਕ ਵਿਅਕਤੀ ਨੇ 1 ਅਤੇ 2 ਰੁਪਏ ਦੇ ਸਿੱਕਿਆਂ ਦੀ ਵਰਤੋਂ ਕਰਕੇ ਆਪਣਾ ਬਿਜਲੀ ਦਾ ਬਿੱਲ ਭਰਿਆ। ਵਿਅਕਤੀ ਨੇ ਬਿਜਲੀ ਦੇ ਬਿੱਲ ਵਜੋਂ 7,160 ਰੁਪਏ ਦੇਣੇ ਸਨ, ਜਿਸ ਦਾ ਉਸਨੇ 7160 ਰੁਪਏ ਦੇ ਸਿੱਕੇ ਦੇ ਕੇ ਭੁਗਤਾਨ ਕੀਤਾ। ਇਨ੍ਹਾਂ ਸਿੱਕਿਆਂ ਦਾ ਕੁੱਲ ਭਾਰ ਲਗਭਗ 40 ਕਿਲੋ ਸੀ। ਇਸ ਘਟਨਾ ਦੀ ਵੀਡੀਓ ਇਸ ਸਮੇਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। 

ਇਹ ਵੀ ਪੜ੍ਹੋ: ਸਾਢੇ 3 ਰੁਪਏ ਮਹਿੰਗਾ ਹੋਵੇਗਾ ਪੈਟਰੋਲ, ਭਲਕੇ ਤੋਂ ਲਾਗੂ ਹੋਣਗੀਆਂ ਨਵੀਂ ਕੀਮਤਾਂ

ਮੁਲਾਜ਼ਮਾਂ ਦੇ ਸਿੱਕੇ ਗਿਣਨ ਦੀ ਵੀਡੀਓ ਆਈ ਸਾਹਮਣੇ

ਵਾਇਰਲ ਵੀਡੀਓ ਵਿੱਚ ਬਿਜਲੀ ਵਿਭਾਗ ਦੇ ਮੁਲਾਜ਼ਮ ਸਿੱਕੇ ਗਿਣਦੇ ਹੋਏ ਦੇਖੇ ਜਾ ਸਕਦੇ ਹਨ। ਉਨ੍ਹਾਂ ਦੇ ਸਾਹਮਣੇ ਮੇਜ਼ ਉੱਤੇ ਸਾਰੇ ਪਾਸੇ ਸਿੱਕੇ ਪਏ ਹੋਏ ਹਨ। ਉਹ ਉਨ੍ਹਾਂ ਨੂੰ ਗਿਣ ਰਹੇ ਹਨ ਅਤੇ ਉਨ੍ਹਾਂ ਨੂੰ ਇੱਕ ਕ੍ਰਮ ਵਿੱਚ ਰੱਖ ਰਹੇ ਹਨ। ਇਹ ਮਾਮਲਾ ਮਹਾਰਾਸ਼ਟਰ ਦੇ ਰਿਸੋੜ ਸ਼ਹਿਰ ਦਾ ਦੱਸਿਆ ਜਾ ਰਿਹਾ ਹੈ। ਜਿੱਥੇ ਇਹ ਦਿਲਚਸਪ ਘਟਨਾ ਮਹਾਵਿਤਰਨ ਦੀ ਰਿਕਵਰੀ ਮੁਹਿੰਮ ਦੌਰਾਨ ਸਾਹਮਣੇ ਆਈ। 

ਇਹ ਵੀ ਪੜ੍ਹੋ: OMG; ਪਾਕਿਸਤਾਨ ਦੀਆਂ ਸੜਕਾਂ 'ਤੇ ਖੀਰ ਵੇਚਦੇ ਦਿਸੇ 'ਡੋਨਾਲਡ ਟਰੰਪ' (ਵੇਖੋ ਵੀਡੀਓ)

ਸਿੱਕਿਆਂ ਦੀ ਗਿਣਤੀ ਕਰਨ ਵਿੱਚ ਲੱਗੇ 5 ਘੰਟੇ 

ਮਹਾਵਿਤਰਨ ਦੀ ਰਿਕਵਰੀ ਮੁਹਿੰਮ ਦੇ ਮੁਲਾਜ਼ਮਾਂ ਨੇ ਦੋਪਹੀਆ ਵਾਹਨ 'ਤੇ ਇੱਕ ਕਿਲੋਮੀਟਰ ਦੀ ਦੂਰੀ ਤੈਅ ਕਰਕੇ ਗਾਹਕ ਤੋਂ ਇਹ ਸਿੱਕੇ ਲੈ ਕੇ ਦਫ਼ਤਰ ਤੱਕ ਪਹੁੰਚਾਏ, ਜਿਸ ਤੋਂ ਬਾਅਦ ਬਿਜਲੀ ਵਿਭਾਗ ਦੇ 3 ਮੁਲਾਜ਼ਮਾਂ ਨੂੰ ਉਨ੍ਹਾਂ ਸਿੱਕਿਆਂ ਦੀ ਗਿਣਤੀ ਕਰਨ ਲਈ ਲਗਾਇਆ ਗਿਆ। ਇਨ੍ਹਾਂ ਸਿੱਕਿਆਂ ਦੀ ਗਿਣਤੀ ਕਰਨ ਵਿੱਚ ਕੁੱਲ 5 ਘੰਟੇ ਲੱਗੇ। ਇੰਨੀ ਠੰਢ ਦੇ ਬਾਵਜੂਦ, ਇਨ੍ਹਾਂ ਸਿੱਕਿਆਂ ਨੂੰ ਗਿਣਨ ਵਿਚ ਉਨ੍ਹਾਂ ਦਾ ਪਸੀਨਾ ਛੁੱਟ ਗਿਆ। 

ਇਹ ਵੀ ਪੜ੍ਹੋ: ਕੁੜੀ ਨੂੰ ਮਾਰਿਆ ਜਾਵੇ ਜਾਂ ਨਹੀਂ...ਸਿੱਕਾ ਉਛਾਲ ਕੇ ਕੀਤਾ ਫੈਸਲਾ, ਫਿਰ ਕਤਲ ਮਗਰੋਂ...

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8