ਘਰ ਬਾਹਰ ਖੇਡਦੇ ਮੁੰਡੇ ਨੂੰ ਕਰ ਲਿਆ ਅਗਵਾ, ਮਾਂ ਦੇ ਪ੍ਰੇਮੀ ਨੇ ਕਰ''ਤਾ ਖੌਫਨਾਕ ਕਾਰਾ

ਮੇਰਠ- ਉੱਤਰ ਪ੍ਰਦੇਸ਼ ਦੇ ਮੇਰਠ 'ਚ ਇਕ ਪ੍ਰੇਮੀ ਨੇ ਆਪਣੀ ਵਿਆਹੁਤਾ ਪ੍ਰੇਮਿਕਾ ਦੇ 7 ਸਾਲਾ ਪੁੱਤਰ ਦਾ ਕਤਲ ਕਰ ਦਿੱਤਾ। ਦੋਸ਼ੀ ਨੇ ਘਰ ਦੇ ਬਾਹਰ ਖੇਡ ਰਹੇ ਬੱਚੇ ਨੂੰ ਅਗਵਾ ਕੀਤਾ ਅਤੇ ਉਸ ਨੂੰ ਨਹਿਰ 'ਚ ਸੁੱਟ ਦਿੱਤਾ। ਘਟਨਾ ਤੋਂ ਲਗਭਗ 25 ਘੰਟੇ ਬਾਅਦ ਬੱਚੇ ਦੀ ਲਾਸ਼ ਨਹਿਰ 'ਚੋਂ ਮਿਲੀ।

ਸਾਊਦੀ ਅਰਬ 'ਚ ਨੌਕਰੀ ਕਰਦਾ ਹੈ ਪਿਤਾ

ਮੰਗਲਵਾਰ ਨੂੰ ਬਹਿਸੁਮਾ ਥਾਣਾ ਖੇਤਰ ਦੇ ਰਾਮਰਾਜ ਪਿੰਡ ਤੋਂ ਬੱਚੇ ਨੂੰ ਅਗਵਾ ਕੀਤਾ ਗਿਆ ਸੀ। ਪੁਲਸ ਅਨੁਸਾਰ, ਦੋਸ਼ੀ ਦਾ ਬੱਚੇ ਦੀ ਮਾਂ ਨਾਲ ਪ੍ਰੇਮ ਸਬੰਧ ਸੀ। ਹਾਲਾਂਕਿ, ਕਤਲ ਦਾ ਕਾਰਨ ਅਜੇ ਵੀ ਸਪੱਸ਼ਟ ਨਹੀਂ ਹੈ। ਬੱਚੇ ਦੀ ਮਾਂ ਇਕ ਨਿੱਜੀ ਸਕੂਲ 'ਚ ਅਧਿਆਪਕਾ ਹੈ, ਜਦੋਂ ਕਿ ਉਸ ਦਾ ਪਿਤਾ ਸਾਊਦੀ ਅਰਬ 'ਚ ਕੰਮ ਕਰਦਾ ਹੈ।

ਪਟਿਆਲਾ 'ਚ ਪੜ੍ਹਦਾ ਸੀ ਅੰਗਦਵੀਰ

ਰਾਮਰਾਜ ਪਿੰਡ ਦਾ ਰਹਿਣ ਵਾਲਾ ਗੁਰਸੇਵਕ ਸਾਊਦੀ ਅਰਬ 'ਚ ਕੰਮ ਕਰਦਾ ਹੈ। ਉਸ ਦੀ ਪਤਨੀ, ਗੁਰਪ੍ਰੀਤ, ਉਸੇ ਪਿੰਡ ਦੇ ਇਕ ਨਿੱਜੀ ਸਕੂਲ 'ਚ ਅਧਿਆਪਕਾ ਹੈ। ਗੁਰਸੇਵਕ ਅਤੇ ਗੁਰਪ੍ਰੀਤ ਦਾ 7 ਸਾਲਾ ਪੁੱਤਰ ਅੰਗਦਵੀਰ ਪਟਿਆਲਾ 'ਚ ਆਪਣੀ ਦਾਦੀ ਨਾਲ ਰਹਿ ਕੇ ਪੜ੍ਹਦਾ ਸੀ।

ਖੇਡਣ ਗਿਆ ਅੰਗਦਵੀਰ ਨਹੀਂ ਆਇਆ ਵਾਪਸ

ਅੰਗਦਵੀਰ ਦੀ ਦਾਦੀ ਨੇ ਕਿਹਾ,"ਮੈਂ ਆਪਣੇ ਪੋਤੇ ਅੰਗਦਵੀਰ ਨਾਲ ਪਟਿਆਲਾ 'ਚ ਰਹਿੰਦੀ ਹਾਂ, ਜਿੱਥੇ ਉਸ ਦੀ ਪੜ੍ਹਾਈ ਚੱਲ ਰਹੀ ਸੀ। ਅਸੀਂ ਲਗਭਗ 5-6 ਦਿਨ ਪਹਿਲਾਂ ਰਾਮਰਾਜ ਪਿੰਡ 'ਚ ਆਪਣੇ ਦੂਜੇ ਘਰ ਆਏ ਸੀ।" ਅੰਗਦਵੀਰ ਮੰਗਲਵਾਰ ਸਵੇਰੇ 11 ਵਜੇ ਦੇ ਕਰੀਬ ਖੇਡਣ ਲਈ ਬਾਹਰ ਗਿਆ ਸੀ। ਜਦੋਂ ਉਹ ਕਾਫ਼ੀ ਸਮੇਂ ਤੱਕ ਵਾਪਸ ਨਹੀਂ ਆਇਆ, ਤਾਂ ਉਸ ਦੀ ਭਾਲ ਸ਼ੁਰੂ ਕੀਤੀ ਗਈ ਪਰ ਉਸ ਦਾ ਕਿਤੇ ਪਤਾ ਨਹੀਂ ਲੱਗਿਆ। ਪੁਲਸ ਨੂੰ ਸੂਚਿਤ ਕੀਤਾ ਗਿਆ।

ਐੱਚਡੀਐੱਫਸੀ ਬੈਂਕ ਦਾ ਕਰਮਚਾਰੀ ਹੈ ਦੋਸ਼ੀ

ਪੁਲਸ ਨੇ ਨੇੜਲੇ ਸੀਸੀਟੀਵੀ ਫੁਟੇਜ ਦੀ ਜਾਂਚ ਕੀਤੀ ਅਤੇ ਇਕ ਨੌਜਵਾਨ ਨੂੰ ਬੱਚੇ ਨੂੰ ਕਾਰ 'ਚ ਲਿਜਾਂਦੇ ਦੇਖਿਆ। ਕਾਰ ਨੰਬਰ ਦੇ ਆਧਾਰ 'ਤੇ, ਪੁਲਸ ਨੇ ਐੱਚਡੀਐੱਫਸੀ ਬੈਂਕ ਦੇ ਕਰਮਚਾਰੀ ਅੰਕਿਤ ਸ਼ਰਮਾ ਨੂੰ ਹਿਰਾਸਤ 'ਚ ਲੈ ਲਿਆ ਅਤੇ ਉਸ ਤੋਂ ਪੁੱਛਗਿੱਛ ਸ਼ੁਰੂ ਕਰ ਦਿੱਤੀ। 

25 ਘੰਟੇ ਬਾਅਦ ਬਰਾਮਦ ਕੀਤੀ ਗਈ ਲਾਸ਼

ਐੱਸਪੀ ਦਿਹਾਤੀ ਅਭਿਜੀਤ ਕੁਮਾਰ ਨੇ ਦੱਸਿਆ ਕਿ ਪੁੱਛਗਿੱਛ ਦੌਰਾਨ, ਦੋਸ਼ੀ ਅੰਕਿਤ ਸ਼ਰਮਾ ਨੇ ਬੱਚੇ ਨੂੰ ਆਪਣੇ ਨਾਲ ਲੈ ਜਾਣ ਅਤੇ ਨਹਿਰ 'ਵਿੱਚ ਸੁੱਟ ਦੇਣ ਦੀ ਗੱਲ ਕਬੂਲ ਕੀਤੀ। ਉਸਦੀ ਜਾਣਕਾਰੀ ਤੋਂ ਬਾਅਦ ਪੁਲਸ ਟੀਮ ਨੇ ਰਾਸ਼ਟਰੀ ਆਫ਼ਤ ਪ੍ਰਤੀਕਿਰਿਆ ਬਲ ਦੀ ਮਦਦ ਨਾਲ ਬੱਚੇ ਦੀ ਭਾਲ ਸ਼ੁਰੂ ਕਰ ਦਿੱਤੀ। ਬੱਚੇ ਦੀ ਲਾਸ਼ ਬੁੱਧਵਾਰ ਦੁਪਹਿਰ ਨੂੰ ਲਗਭਗ 25 ਘੰਟੇ ਬਾਅਦ ਬਰਾਮਦ ਕੀਤੀ ਗਈ। 

ਇਕ ਦੂਜੇ ਨੂੰ ਜਾਣਦੇ ਸਨ ਦੋਸ਼ੀ ਅਤੇ ਬੱਚੇ ਦੀ ਮਾਂ 

ਪੁਲਸ ਦੇ ਅਨੁਸਾਰ ਦੋਸ਼ੀ ਅੰਕਿਤ ਸ਼ਰਮਾ, ਬੱਚੇ ਦੀ ਮਾਂ ਨਾਲ ਪਹਿਲਾਂ ਤੋਂ ਜਾਣੂ ਸੀ। ਉਹ ਗੱਲਬਾਤ ਕਰਦੇ ਸਨ। ਗੁਆਂਢੀਆਂ ਦੇ ਅਨੁਸਾਰ, ਦੋਸ਼ੀ ਅੰਕਿਤ ਦਾ ਅੰਗਦਵੀਰ ਦੀ ਮਾਂ ਨਾਲ ਪ੍ਰੇਮ ਸਬੰਧ ਸੀ ਅਤੇ ਉਹ ਉਸ ਨਾਲ ਵਿਆਹ ਕਰਨਾ ਚਾਹੁੰਦਾ ਸੀ। ਪਿਛਲੇ ਦੋ-ਤਿੰਨ ਦਿਨਾਂ ਤੋਂ ਨੌਜਵਾਨ ਮੁਹੱਲੇ 'ਚ ਘੁੰਮ ਰਿਹਾ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e