ਕਰਨਾਟਕ ਸੰਕਟ : ਫਲੋਰ ਟੈਸਟ ਤੋਂ ਦੂਰ ਰਹਿਣਗੇ BSP ਦੇ ਇਕਲੌਤੇ MLA
07/21/2019 6:37:35 PM
ਨਵੀਂ ਦਿੱਲੀ— ਕਰਨਾਟਕ 'ਚ ਕਾਂਗਰਸ-ਜੇ.ਡੀ.ਐੱਸ.ਦੇ ਗਠਬੰਧਨ ਸਰਕਾਰ ਲਈ ਮੁਸ਼ਕਲਾਂ ਵਧਦੀਆਂ ਜਾ ਰਹੀਆਂ ਹਨ। ਸੋਮਵਾਰ ਨੂੰ ਮੁੱਖਮੰਤਰੀ ਐੱਚ.ਡੀ. ਕੁਮਾਰਸਵਾਮੀ ਵਿਸ਼ਵਾਸਮਤ ਪੇਸ਼ ਕਰਨਗੇ, ਪਰ ਗਠਬੰਧਨ ਸਰਕਾਰ 'ਚ ਸ਼ਾਮਲ ਬਹੁਜਨ ਸਮਾਜ ਪਾਰਟੀ ਦੇ ਵਿਧਾਇਕ ਨੇ ਵੋਟਿੰਗ 'ਚ ਸ਼ਾਮਲ ਹੋਣ ਤੋਂ ਮਨ੍ਹਾ ਕਰ ਦਿੱਤਾ ਹੈ।
BSP MLA N Mahesh: I will not attend the floor test tomorrow in #Karnataka Assembly as per the direction of Mayawati ji. pic.twitter.com/OEe0yMHGH2
— ANI (@ANI) July 21, 2019
ਕਰਨਾਟਕ ਵਿਧਾਨ ਸਭਾ 'ਚ ਬਸਪਾ ਦੇ ਵਿਧਾਇਕ ਐੱਨ.ਮਹੇਸ਼ ਨੇ ਕਿਹਾ ਕਿ ਮੈਂ ਵਿਧਾਨ ਸਭਾ ਸੈਸ਼ਨ 'ਚ ਸ਼ਾਮਲ ਨਹੀਂ ਹੋ ਸਕਾਂਗਾ। ਪਾਰਟੀ ਆਲਾਕਮਾਨ ਨੇ ਵਿਸ਼ਵਾਸਮਤ ਸਾਬਤ ਕਰਨ ਦੀ ਪ੍ਰਕਿਰਿਆ ਤੋਂ ਦੂਰ ਰਹਿਣ ਨੂੰ ਕਿਹਾ ਹੈ। ਇਸ ਲਈ ਸੋਮਵਾਰ ਅਤੇ ਮੰਗਲਵਾਰ ਨੂੰ ਸੈਸ਼ਨ ਦੌਰਾਨ ਉਪਸਥਿਤ ਨਹੀਂ ਰਹਾਂਗਾ। ਮੈਂ ਆਪਣੇ ਨਿਰਵਚਨ ਖੇਤਰ 'ਚ ਰਹਾਂਗਾ।
ਮਹੇਸ਼ ਨੇ ਦੱਸਿਆ ਕਿ ਪਾਰਟੀ ਪ੍ਰਧਾਨ ਮਾਇਆਵਤੀ ਨੇ ਵਿਸ਼ਵਾਸ ਮਤ 'ਤੇ ਸੋਮਵਾਰ ਨੂੰ ਹੋਣ ਵਾਲੀ ਵੋਟਿੰਗ ਦੌਰਾਨ ਉਨ੍ਹਾਂ ਨੂੰ ਤਠਸਥ ਰਹਿਣ ਦਾ ਨਿਰਦੇਸ਼ ਦਿੱਤਾ ਹੈ। ਬਸਪਾ ਵਿਧਾਇਕ ਦੇ ਅਨੁਰੋਧ 'ਤੇ ਵਿਧਾਨ ਸਭਾ 'ਚ ਉਨ੍ਹਾਂ ਨੂੰ ਇਕ ਅਲੱਗ ਸੀਟ ਮੁਹੱਇਆ ਕਰਵਾਈ ਗਈ ਹੈ। ਬਪਸਾ ਵਿਧਾਇਕ ਦੇ ਇਸ ਫੈਸਲੇ ਤੋਂ ਜਦ (ਐੱਸ) ਅਤੇ ਕਾਂਗਰਸ ਨੇਤਾਵਾਂ ਦੀਆਂ ਮੁਸ਼ਕਲਾਂ ਵਧ ਗਈਆਂ ਹਨ ਜੋ 15 ਮੈਂਬਰਾਂ ਦੇ ਅਸਤੀਫੇ ਦੇਣ ਤੋਂ ਬਾਅਦ 14 ਮਹੀਨੇ ਪੁਰਾਣੀ ਸਰਕਾਰ ਨੂੰ ਬਚਾਉਣ ਲਈ ਪੂਰੀ ਕੋਸ਼ਿਸ਼ ਕਰ ਰਹੇ ਹਨ।
