CJI ਤੋਂ ਬਾਅਦ ਹੁਣ ਜਸਟਿਸ ਸੀਕਰੀ ਵੀ ਜਾਂਚ ਤੋਂ ਹੋਏ ਵੱਖ

ਨਵੀਂ ਦਿੱਲੀ- ਸੀ. ਬੀ. ਆਈ ਦੇ ਅੰਤਰਿਮ ਡਾਇਰੈਕਟਰ ਨਾਗਸ਼ੇਵਰ ਰਾਵ ਦੇ ਮਾਮਲੇ 'ਚ ਚੀਫ ਜਸਟਿਸ ਰੰਜਨ ਗੰਗੋਈ ਦੇ ਵੱਖ ਹੋਣ ਤੋਂ ਬਾਅਦ ਹੁਣ ਜਸਟਿਸ ਏ. ਕੇ. ਸੀਕਰੀ ਨੇ ਵੀ ਆਪਣੇ ਆਪ ਨੂੰ ਇਸ ਕੇਸ 'ਚ ਵੱਖ ਕਰ ਲਿਆ ਹੈ। ਇਸ ਮਾਮਲੇ ਦੀ ਸੁਣਵਾਈ ਹੁਣ ਨਵੀਂ ਬੈਂਚ ਸ਼ੁੱਕਰਵਾਰ (25 ਜਨਵਰੀ) ਨੂੰ ਕਰੇਗੀ। ਸੀਕਰੀ ਨੇ ਆਪਣੇ ਆਪ ਨੂੰ ਇਸ ਕੇਸ ਤੋਂ ਵੱਖਰੇ ਕਰਦੇ ਹੋਏ ਵੀਰਵਾਰ ਨੂੰ ਸੁਪਰੀਮ ਕੋਰਟ 'ਚ ਕਿਹਾ ਕਿ ਇਸ 'ਚ ਕੋਈ ਦੋ ਰਾਏ ਨਹੀਂ ਕਿ ਮਾਮਲੇ 'ਚ ਕਈ ਦਿਲਚਸਪ ਅਤੇ ਅਹਿਮ ਮੁੱਦੇ ਚੁੱਕੇ ਗਏ ਹਨ। 

Justice AK Sikri recuses himself from hearing the plea filed by an NGO challenging M Nageshwar Rao’s appointment as the interim CBI director. Justice Sikri asks matter to be listed tomorrow.

— ANI (@ANI) January 24, 2019

ਜ਼ਿਕਰਯੋਗ ਹੈ ਕਿ ਸੀ. ਜੇ. ਆਈ. ਨੇ ਪਿਛਲੀ ਸੁਣਵਾਈ 'ਚ ਕਿਹਾ ਸੀ ਕਿ ਉਹ ਸੀ. ਬੀ. ਆਈ. ਡਾਇਰੈਕਟਰ ਦੀ ਚੋਣ ਕਰਨ ਵਾਲੀ ਸਮਿਤੀ ਬੈਠਕ ਦਾ ਹਿੱਸਾ ਹੋਣਗੇ। ਇਸ ਲਈ ਇਸ 'ਤੇ ਸੁਣਵਾਈ ਨਹੀਂ ਕਰ ਸਕਦੇ। ਸੁਪਰੀਮ ਕੋਰਟ 'ਚ ਸੀ. ਬੀ. ਆਈ ਦੇ ਅੰਤਰਿਮ ਡਾਇਰੈਕਟਰ ਦੇ ਅਹੁਦੇ 'ਤੇ ਐੱਮ. ਨਾਗੇਸ਼ਵਰ ਰਾਵ ਦੀ ਨਿਯੁਕਤੀ ਨੂੰ ਚੁਣੌਤੀ ਵਾਲੀ ਪਟੀਸ਼ਨ 'ਤੇ ਸੁਣਵਾਈ ਹੋਣੀ ਹੈ। ਇਸ ਪਟੀਸ਼ਨ 'ਚ ਅੰਤਰਿਮ ਡਾਇਰੈਕਟਰ ਦੇ ਰੂਪ 'ਚ ਐੱਮ. ਨਾਗੇਸ਼ਵਰ ਰਾਵ ਦੀ ਨਿਯੁਕਤੀ ਰੱਦ ਕਰਨ ਲਈ ਕਿਹਾ ਗਿਆ ਹੈ।