ਨਵਾਂ ਦੁਬਈ ਬਣਿਆ ਭਾਰਤ ਦਾ ਇਹ ਸ਼ਹਿਰ, ਘਰ ਖਰੀਦਣ ਦਾ ਸੁਫ਼ਨਾ ਹੋਇਆ ਪਹੁੰਚ ਤੋਂ ਬਾਹਰ

ਨੈਸ਼ਨਲ ਡੈਸਕ : ਆਪਣਾ ਘਰ ਖਰੀਦਣ ਦਾ ਸੁਫ਼ਨਾ ਹਰੇਕ ਇਨਸਾਨ ਦਾ ਹੁੰਦਾ ਹੈ ਅਤੇ ਜਿਸ ਕੋਲ ਘਰ ਹੁੰਦਾ ਹੈ, ਉਹ ਆਪਣੇ ਭਵਿੱਖ ਲਈ ਇਕ ਹੋਰ ਪ੍ਰਾਪਟੀ ਲੈਣ ਦੀ ਸੋਚਦਾ ਹੈ। ਅੱਜ ਦੇ ਸਮੇਂ ਵਿਚ ਲਗਾਤਾਰ ਵੱਧ ਰਹੀ ਮਹਿੰਗਾਈ ਅਤੇ ਘਰਾਂ ਦੀਆਂ ਆਸਮਾਨੀ ਛੂਹ ਰਹੀਆਂ ਕੀਮਤਾਂ ਨੇ ਇਸ ਸੁਫ਼ਨੇ ਨੂੰ ਪੂਰਾ ਕਰਨਾ ਮੁਸ਼ਕਲ ਕਰ ਦਿੱਤਾ ਹੈ। ਖ਼ਾਸ ਕਰਕੇ ਜੇਕਰ ਤੁਸੀਂ ਮੁੰਬਈ ਵਰਗੇ ਸ਼ਹਿਰ ਵਿਚ ਕਿਰਾਏ 'ਤੇ ਰਹਿ ਰਹੇ ਹੋ ਅਤੇ ਉਕਤ ਸਥਾਨ 'ਤੇ ਆਪਣਾ ਘਰ ਖਰੀਦਣ ਦਾ ਵਿਚਾਰ ਬਣਾ ਰਹੇ ਹੋ ਤਾਂ ਇਹ ਸੌਖਾ ਕੰਮ ਨਹੀਂ ਹੈ। ਘਰ ਖਰੀਦਣ ਨਾਲ ਤੁਹਾਡੀਆਂ ਕਈ ਗੁਣਾਂ ਮੁਸ਼ਕਲਾਂ ਵੱਧ ਸਕਦੀਆਂ ਹਨ। ਦਰਅਸਲ, ਮੁੰਬਈ ਵਿੱਚ ਜਾਇਦਾਦ ਦੀਆਂ ਦਰਾਂ ਹੁਣ ਦੁਬਈ ਵਰਗੇ ਸ਼ਹਿਰਾਂ ਦੇ ਨੇੜੇ ਪਹੁੰਚ ਰਹੀਆਂ ਹਨ।

ਇਹ ਵੀ ਪੜ੍ਹੋ : 'ਪਾਣੀ 'ਚ ਹਲਦੀ' ਪਾਉਣ ਦੀ ਜੇ ਤੁਸੀਂ ਵੀ ਬਣਾ ਰਹੇ ਹੋ Reel ਤਾਂ ਸਾਵਧਾਨ! ਘਰ 'ਚ ਭੂਤਾਂ ਨੂੰ ਦੇ ਰਹੇ ਹੋ ਸੱਦਾ

ਹਾਲ ਹੀ ਵਿੱਚ ਨੈਸ਼ਨਲ ਹਾਊਸਿੰਗ ਬੋਰਡ ਨੇ ਇੱਕ ਹੈਰਾਨ ਕਰਨ ਵਾਲੀ ਰਿਪੋਰਟ ਜਾਰੀ ਕੀਤੀ ਹੈ। ਇਸ ਰਿਪੋਰਟ ਦੇ ਅਨੁਸਾਰ ਆਮਦਨ ਦੇ ਮਾਮਲੇ ਵਿੱਚ ਮਹਾਰਾਸ਼ਟਰ ਦੇ 5 ਫ਼ੀਸਦੀ ਸਭ ਤੋਂ ਅਮੀਰ ਪਰਿਵਾਰਾਂ ਨੂੰ ਵੀ ਮੁੰਬਈ ਵਿੱਚ ਆਪਣਾ ਘਰ ਖਰੀਦਣ ਲਈ 100 ਸਾਲਾਂ ਲਈ ਇੱਕ-ਇੱਕ ਪੈਸਾ ਬਚਾਉਣਾ ਪਵੇਗਾ। ਇਹ ਅੰਕੜਾ ਮੁੰਬਈ ਨੂੰ ਭਾਰਤ ਦਾ ਸਭ ਤੋਂ ਮਹਿੰਗਾ ਰੀਅਲ ਅਸਟੇਟ ਬਾਜ਼ਾਰ ਬਣਾਉਂਦਾ ਹੈ। ਰਿਪੋਰਟ ਦਰਸਾਉਂਦੀ ਹੈ ਕਿ ਮੁੰਬਈ ਵਿੱਚ ਔਸਤ ਕੀਮਤਾਂ 26,975 ਰੁਪਏ ਪ੍ਰਤੀ ਵਰਗ ਫੁੱਟ ਤੱਕ ਪਹੁੰਚ ਗਈਆਂ ਹਨ। ਇਹ ਨਾ ਸਿਰਫ਼ ਭਾਰਤ ਦੇ ਹੋਰ ਸ਼ਹਿਰਾਂ ਨੂੰ ਬਹੁਤ ਪਿੱਛੇ ਛੱਡ ਦਿੰਦਾ ਹੈ, ਬਲਕਿ ਇਹ ਦਰਾਂ ਦੁਬਈ ਵਿੱਚ ਜਾਇਦਾਦ ਦੀਆਂ ਦਰਾਂ ਦੇ ਲਗਭਗ ਬਰਾਬਰ ਹੋ ਗਈਆਂ ਹਨ। ਪਿਛਲੇ ਸਾਲ ਤੱਕ ਦੁਬਈ ਵਿੱਚ ਜ਼ਮੀਨ ਦੀ ਕੀਮਤ ਲਗਭਗ 27,884 ਰੁਪਏ ਪ੍ਰਤੀ ਵਰਗ ਫੁੱਟ ਸੀ।

ਇਹ ਵੀ ਪੜ੍ਹੋ : 'ਤੁਸੀਂ ਮੇਰਾ ਦਾਖਲਾ ਕਰਵਾ ਦਿਓ...', ਕੁੜੀ ਨੇ CM ਯੋਗੀ ਅੱਗੇ ਕੀਤੀ ਇਹ ਮੰਗ, ਵੀਡੀਓ ਹੋਈ ਵਾਇਰਲ

ਲੋਕਾਂ ਦੀ ਆਮਦਨ ਅਤੇ ਬੱਚਤ ਦਾ ਗਣਿਤ
ਰਿਪੋਰਟ ਆਮਦਨ ਦੇ ਗਣਿਤ ਦੀ ਵੀ ਵਿਆਖਿਆ ਕਰਦੀ ਹੈ। ਮਹਾਰਾਸ਼ਟਰ ਵਿੱਚ ਚੋਟੀ ਦੇ 5% ਸ਼ਹਿਰੀ ਲੋਕਾਂ ਲਈ ਪ੍ਰਤੀ ਵਿਅਕਤੀ ਔਸਤ ਆਮਦਨ ਪ੍ਰਤੀ ਮਹੀਨਾ 22,352 ਰੁਪਏ ਹੈ। ਇਸ ਦੇ ਨਾਲ ਹੀ, ਚਾਰ ਮੈਂਬਰਾਂ ਵਾਲੇ ਪਰਿਵਾਰ ਲਈ ਪ੍ਰਤੀ ਮਹੀਨਾ ਆਮਦਨ ਲਗਭਗ 89,408 ਰੁਪਏ ਜਾਂ 10.7 ਲੱਖ ਰੁਪਏ ਪ੍ਰਤੀ ਸਾਲ ਹੋਵੇਗੀ। ਹੁਣ ਜੇਕਰ 30.2% ਦੀ ਬਚਤ ਦਰ ਮਹਾਰਾਸ਼ਟਰ ਦੇ ਇਨ੍ਹਾਂ ਚੋਟੀ ਦੇ 5% ਪਰਿਵਾਰਾਂ 'ਤੇ ਲਾਗੂ ਕੀਤੀ ਜਾਵੇ, ਤਾਂ ਉਨ੍ਹਾਂ ਦੀ ਸਾਲਾਨਾ ਬੱਚਤ ਲਗਭਗ 3.2 ਲੱਖ ਰੁਪਏ ਹੋਵੇਗੀ। NHB ਦੇ ਅੰਕੜੇ ਦਰਸਾਉਂਦੇ ਹਨ ਕਿ ਮਾਰਚ 2025 ਵਿੱਚ, 645 ਵਰਗ ਫੁੱਟ ਤੋਂ 1,184 ਵਰਗ ਫੁੱਟ ਦੇ ਕਾਰਪੇਟ ਖੇਤਰ ਵਾਲੇ ਘਰ ਦੀ ਪ੍ਰਤੀ ਵਰਗ ਫੁੱਟ ਕੀਮਤ 29,911 ਰੁਪਏ ਸੀ। ਇਸ ਤਰ੍ਹਾਂ, ਮੁੰਬਈ ਵਿੱਚ 1,184 ਵਰਗ ਫੁੱਟ ਦੇ ਘਰ ਦੀ ਔਸਤ ਕੀਮਤ 3.5 ਕਰੋੜ ਰੁਪਏ ਤੋਂ ਵੱਧ ਹੈ। ਅਜਿਹੀ ਸਥਿਤੀ ਵਿੱਚ, ਮਹਾਰਾਸ਼ਟਰ ਦੇ ਚੋਟੀ ਦੇ 5% ਸ਼ਹਿਰੀ ਪਰਿਵਾਰਾਂ ਨੂੰ ਇਹ ਘਰ ਖਰੀਦਣ ਲਈ ਘੱਟੋ ਘੱਟ 109 ਸਾਲਾਂ ਲਈ ਬੱਚਤ ਕਰਨੀ ਪਵੇਗੀ ਜਿਸ ਨਾਲ ਸਾਲਾਨਾ 3.2 ਲੱਖ ਰੁਪਏ ਦੀ ਬਚਤ ਹੋਵੇਗੀ।

ਇਹ ਵੀ ਪੜ੍ਹੋ : Heavy Rain Alert: 24 ਤੋਂ 29 ਜੂਨ ਤੱਕ ਪਵੇਗਾ ਭਾਰੀ ਮੀਂਹ! ਬਿਜਲੀ ਡਿੱਗਣ ਦਾ ਖ਼ਤਰਾ, IMD ਵਲੋਂ ਅਲਰਟ ਜਾਰੀ

ਕਿਹੜਾ ਸ਼ਹਿਰ ਸਭ ਤੋਂ ਕਿਫਾਇਤੀ?
ਇਸ ਸੂਚੀ ਵਿੱਚ ਹਰਿਆਣਾ ਅਤੇ ਗੁਰੂਗ੍ਰਾਮ ਦੂਜੇ ਸਥਾਨ 'ਤੇ ਹਨ ਜਿੱਥੇ ਲੋਕਾਂ ਨੂੰ ਘਰ ਲਈ 50 ਸਾਲਾਂ ਤੋਂ ਵੱਧ ਸਮੇਂ ਲਈ ਬੱਚਤ ਕਰਨ ਦੀ ਲੋੜ ਹੁੰਦੀ ਹੈ। ਇਸ ਮਾਮਲੇ ਵਿੱਚ ਚੰਡੀਗੜ੍ਹ ਸਭ ਤੋਂ ਵੱਧ ਕਿਫ਼ਾਇਤੀ ਸ਼ਹਿਰ ਵਜੋਂ ਉਭਰਿਆ ਹੈ। ਇੱਥੇ ਬੱਚਤ ਦੀ ਮਿਆਦ ਲਗਭਗ 15 ਸਾਲ ਹੈ ਜੋ ਕਿ ਮੁੰਬਈ ਨਾਲੋਂ ਬਹੁਤ ਘੱਟ ਹੈ। ਇਹ ਰਿਪੋਰਟ ਦਰਸਾਉਂਦੀ ਹੈ ਕਿ ਮੁੰਬਈ ਵਿੱਚ ਘਰ ਖਰੀਦਣਾ ਇੱਕ ਆਮ ਆਦਮੀ, ਇੱਥੋਂ ਤੱਕ ਕਿ ਅਮੀਰ ਵਰਗ ਲਈ ਵੀ ਇੱਕ ਵੱਡੀ ਚੁਣੌਤੀ ਬਣ ਗਿਆ ਹੈ।

ਇਹ ਵੀ ਪੜ੍ਹੋ : 94 ਲੱਖ ਗ਼ਰੀਬ ਪਰਿਵਾਰਾਂ ਲਈ Good News! ਬੈਂਕ ਖਾਤਿਆਂ 'ਚ ਆਉਣਗੇ 2-2 ਲੱਖ ਰੁਪਏ, ਜਾਣੋ ਕਿਵੇਂ

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।