ਭਾਰਤ-ਅਮਰੀਕਾ ਵਿਚਕਾਰ 2+2 ਵਾਰਤਾ ਸ਼ੁਰੂ, ਰੱਖਿਆ ਤੇ ਵਿਦੇਸ਼ ਮੰਤਰੀਆਂ ਨੇ ਕੀਤੀ ਮੁਲਾਕਾਤ
Thursday, Sep 06, 2018 - 11:03 AM (IST)
ਵਾਸ਼ਿੰਗਟਨ/ਨਵੀਂ ਦਿੱਲੀ (ਬਿਊਰੋ)— ਭਾਰਤ ਅਤੇ ਅਮਰੀਕਾ ਵਿਚਕਾਰ ਅੱਜ ਭਾਵ ਵੀਰਵਾਰ ਨੂੰ '2+2' ਫਾਰਮੂਲੇ ਤਹਿਤ ਰਣਨੀਤਕ ਗੱਲਬਾਤ ਸ਼ੁਰੂ ਹੋ ਗਈ ਹੈ। ਵਾਰਤਾ ਲਈ ਅਮਰੀਕੀ ਵਿਦੇਸ਼ ਮੰਤਰੀ ਮਾਈਕ ਪੋਂਪਿਓ ਤੇ ਰੱਖਿਆ ਮੰਤਰੀ ਜੇਮਸ ਮੈਟਿਸ ਬੁੱਧਵਾਰ ਨੂੰ ਭਾਰਤ ਪਹੁੰਚੇ। ਅੱਜ ਪੋਂਪਿਓ ਨੇ ਭਾਰਤ ਦੀ ਵਿਦੇਸ਼ ਮੰਤਰੀ ਸੁਸ਼ਮਾ ਸਵਰਾਜ ਨਾਲ ਮੁਲਾਕਾਤ ਕੀਤੀ। ਦੋਹਾਂ ਵਿਚਕਾਰ ਦੋ-ਪੱਖੀ ਵਾਰਤਾ ਹੋਵੇਗੀ।
Delhi: United States Secretary of State Mike Pompeo and External Affairs Minister Sushma Swaraj hold bilateral meeting ahead of 2+2 meet pic.twitter.com/e8Qy0mAQyh
— ANI (@ANI) September 6, 2018
ਬੈਠਕ ਤੋਂ ਪਹਿਲਾਂ ਮਾਈਕ ਪੋਂਪਿਓ ਨੇ ਕਿਹਾ,''ਰੂਸੀ ਮਿਜ਼ਾਈਲ ਪ੍ਰਣਾਲੀ ਖਰੀਦਣ ਦੀ ਭਾਰਤ ਦੀ ਯੋਜਨਾ ਅਤੇ ਈਰਾਨ ਨਾਲ ਸੰਬੰਧ ਇਸ ਰਣਨੀਤਕ ਵਾਰਤਾ ਦੇ ਪ੍ਰਮੁੱਖ ਮੁੱਦੇ ਨਹੀਂ ਹੋਣਗੇ।'' ਪੋਂਪਿਓ ਨਾਲ ਅਮਰੀਕੀ ਰੱਖਿਆ ਮੰਤਰੀ ਜੇਮਸ ਮੈਟਿਸ ਵੀ ਭਾਰਤ ਆਏ ਹਨ। ਉਨ੍ਹਾਂ ਨੇ ਵੀਰਵਾਰ ਨੂੰ ਰੱਖਿਆ ਮੰਤਰੀ ਨਿਰਮਲਾ ਸੀਤਾਰਮਣ ਨਾਲ ਮੁਲਾਕਾਤ ਕੀਤੀ।
United States Secretary of Defense James N. Mattis and Defence Minister Nirmala Sitharaman hold bilateral meeting in Delhi. pic.twitter.com/mi4ehjWf3h
— ANI (@ANI) September 6, 2018
ਜ਼ਿਕਰਯੋਗ ਹੈ ਕਿ ਅਮਰੀਕਾ ਦੀ ਅਪੀਲ 'ਤੇ ਇਸ ਤੋਂ ਪਹਿਲਾਂ 2+2 ਵਾਰਤਾ ਦੋ ਵਾਰ ਮੁਲਤਵੀ ਹੋ ਚੁੱਕੀ ਹੈ। ਪਹਿਲੀ ਵਾਰ ਇਹ ਵਾਰਤਾ ਅਪ੍ਰੈਲ ਵਿਚ ਵਿਦੇਸ਼ ਵਿਭਾਗ ਦੀ ਅਗਵਾਈ ਰੈਕਸ ਟਿਲਰਸਨ ਤੋਂ ਪੋਂਪਿਓ ਨੂੰ ਦਿੱਤੇ ਜਾਣ ਦੌਰਾਨ ਮੁਲਤਵੀ ਹੋ ਗਈ ਸੀ। ਪੋਂਪਿਓ ਨੇ ਕਿਹਾ,''ਦੂਜੀ ਵਾਰ ਮੇਰੇ ਕੋਲੋਂ ਗਲਤੀ ਹੋਈ ਸੀ। ਇਸ ਦਾ ਮੈਨੂੰ ਦੁੱਖ ਹੈ।''
