ਪੁਣੇ ਹਵਾਈ ਅੱਡੇ ਦੇ ਬੰਦ ਰਹਿਣ ਦੌਰਾਨ ਟੀਕੇ ਦੀ ਖੇਪ ਪਹੁੰਚਾਉਣਾ ਜਾਰੀ ਰੱਖਾਂਗੇ: ਹਵਾਈ ਫੌਜ

ਪੁਣੇ - ਹਵਾਈ ਫੌਜ ਨੇ ਬੁੱਧਵਾਰ ਨੂੰ ਕਿਹਾ ਕਿ ਉਹ ਇਹ ਯਕੀਨੀ ਕਰੇਗੀ ਕਿ ਪੁਣੇ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ 14 ਦਿਨਾਂ ਲਈ ਰਨਵੇ ਬੰਦ ਰਹਿਣ ਦੌਰਾਨ ਕੋਵਿਸ਼ੀਲਡ ਟੀਕੇ ਦੀ ਖੇਪ ਪਹੁੰਚਾਉਣ ਦਾ ਕੰਮ ਬੰਦ ਨਾ ਹੋਵੇ।  ਅਧਿਕਾਰੀਆਂ ਨੇ ਮੰਗਲਵਾਰ ਨੂੰ ਸੂਚਿਤ ਕੀਤਾ ਕਿ ਹਵਾਈ ਅੱਡਾ 16 ਤੋਂ 29 ਅਕਤੂਬਰ ਤੱਕ ਬੰਦ ਰਹੇਗਾ ਕਿਉਂਕਿ ਹਵਾਈ ਫੌਜ ਰਨਵੇ ਦੀ ਮੁਰੰਮਤ ਦਾ ਕੰਮ ਕਰੇਗੀ। ਇਹ ਹਵਾਈ ਅੱਡਾ ਹਵਾਈ ਫੌਜ ਦੇ ਲੋਹੇਗਾਂਵ ਬੇਸ ਦਾ ਹਿੱਸਾ ਹੈ। ਹਵਾਈ ਫੌਜ ਨੇ ਇੱਕ ਬਿਆਨ ਵਿੱਚ ਕਿਹਾ, ਰਨਵੇ ਦੇ ਪੂਰੀ ਤਰ੍ਹਾਂ ਬੰਦ ਹੋਣ ਦੇ ਮਿਆਦ ਦੌਰਾਨ ਹਵਾਈ ਫੌਜ ਨਿਰਵਿਘਨ ਸਪਲਾਈ ਯਕੀਨੀ ਕਰਨ ਦੇ ਉਦੇਸ਼ ਨਾਲ ਉਪਯੁਕਤ ਪ੍ਰਬੰਧਾਂ ਦੇ ਜ਼ਰੀਏ ਟੀਕੇ ਦੀ ਖੇਪ ਪੁਣੇ ਤੋਂ ਮੁੰਬਈ ਪੰਹੁਚਾਉਣਾ ਯਕੀਨੀ ਕਰੇਗੀ।

ਨੋਟ - ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।