''ਮੈਨੂੰ ਅਜਿਹੀਆਂ ਕੁੜੀਆਂ ਪਸੰਦ ਨਹੀਂ ਜੋ...'', ਮੰਤਰੀ ਦਾ ਅਜੀਬ ਬਿਆਨ

ਨੈਸ਼ਨਲ ਡੈਸਕ - ਭਾਰਤੀ ਜਨਤਾ ਪਾਰਟੀ ਦੇ ਨੇਤਾ ਅਤੇ ਮੱਧ ਪ੍ਰਦੇਸ਼ ਸਰਕਾਰ ਦੇ ਮੰਤਰੀ ਕੈਲਾਸ਼ ਵਿਜੇਵਰਗੀਆ ਔਰਤਾਂ ਬਾਰੇ ਆਪਣੇ ਬਿਆਨ ਲਈ ਫਿਰ ਸੁਰਖੀਆਂ ਵਿੱਚ ਹਨ। ਇੰਦੌਰ ਵਿੱਚ ਇੱਕ ਜਨਤਕ ਸਮਾਗਮ ਵਿੱਚ ਬੋਲਦਿਆਂ ਵਿਜੇਵਰਗੀਆ ਨੇ ਕਿਹਾ ਕਿ ਮੈਨੂੰ ਉਹ ਕੁੜੀਆਂ ਪਸੰਦ ਨਹੀਂ ਹਨ ਜੋ ਛੋਟੇ ਕੱਪੜੇ ਪਾਉਂਦੀਆਂ ਹਨ। ਉਨ੍ਹਾਂ ਦਾ ਬਿਆਨ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।

ਸਮਾਚਾਰ ਏਜੰਸੀ ਪੀਟੀਆਈ ਦੀ ਰਿਪੋਰਟ ਦੇ ਅਨੁਸਾਰ, ਸ਼ਹਿਰੀ ਵਿਕਾਸ ਮੰਤਰੀ ਨੇ ਪ੍ਰੋਗਰਾਮ ਵਿੱਚ ਕਿਹਾ, 'ਇੱਥੇ ਕੀ ਹੁੰਦਾ ਹੈ ਕਿ ਜੇਕਰ ਕੋਈ ਕੁੜੀ ਵਧੀਆ ਕੱਪੜੇ ਪਾਉਂਦੀ ਹੈ, ਚੰਗਾ ਮੇਕਅੱਪ ਕਰਦੀ ਹੈ ਅਤੇ ਚੰਗੇ ਗਹਿਣੇ ਅਤੇ ਸੁੰਦਰ ਕੱਪੜੇ ਪਾਉਂਦੀ ਹੈ, ਤਾਂ ਉਸਨੂੰ ਬਹੁਤ ਸੁੰਦਰ ਮੰਨਿਆ ਜਾਂਦਾ ਹੈ। ਪਰ ਵਿਦੇਸ਼ਾਂ ਵਿੱਚ, ਘੱਟ ਕੱਪੜੇ ਪਾਉਂਦੀਆਂ ਨੂੰ ਬਹੁਤ ਚੰਗਾ ਮੰਨਿਆ ਜਾਂਦਾ ਹੈ। ਕਿਹਾ ਜਾਂਦਾ ਹੈ ਕਿ ਜਿਸ ਤਰ੍ਹਾਂ ਘੱਟ ਕੱਪੜੇ ਪਾਉਂਦੀ ਕੁੜੀ ਸੁੰਦਰ ਹੁੰਦੀ ਹੈ, ਉਸੇ ਤਰ੍ਹਾਂ ਘੱਟ ਭਾਸ਼ਣ ਦੇਣ ਵਾਲਾ ਨੇਤਾ ਵੀ ਬਹੁਤ ਵਧੀਆ ਹੁੰਦਾ ਹੈ। ਵਿਦੇਸ਼ਾਂ ਵਿੱਚ ਅਜਿਹੀ ਕਹਾਵਤ ਹੈ ਅਤੇ ਮੈਂ ਇੱਥੇ ਇਸਦਾ ਪਾਲਣ ਨਹੀਂ ਕਰਦਾ।'

VIDEO | Here is what MP Minister Kailash Vijayvargiya (@KailashOnline ) says on women who wear skimpy clothes: "I believe women should dress beautifully in Indian attire, as it is highly regarded in our culture. But, in some other countries, women who wear less clothes are often… pic.twitter.com/3FhKERsHNX

— Press Trust of India (@PTI_News) June 5, 2025

ਭਾਜਪਾ ਨੇਤਾ ਨੇ ਕੀ ਕਿਹਾ?
ਭਾਰਤੀ ਜਨਤਾ ਪਾਰਟੀ ਦੇ ਨੇਤਾ ਕੈਲਾਸ਼ ਵਿਜੇਵਰਗੀਆ ਨੇ ਅੱਗੇ ਕਿਹਾ, 'ਮੇਰਾ ਮੰਨਣਾ ਹੈ ਕਿ ਸਾਡੇ ਦੇਸ਼ ਵਿੱਚ ਔਰਤਾਂ ਦੇਵੀ ਦਾ ਰੂਪ ਹਨ। ਚੰਗੇ ਕੱਪੜੇ ਪਾਓ ਅਤੇ ਮੈਨੂੰ ਉਹ ਕੁੜੀਆਂ ਪਸੰਦ ਨਹੀਂ ਜੋ ਘੱਟ ਕੱਪੜੇ ਪਾਉਂਦੀਆਂ ਹਨ। ਕਈ ਵਾਰ ਕੁੜੀਆਂ ਮੇਰੇ ਨਾਲ ਸੈਲਫੀ ਲੈਣ ਆਉਂਦੀਆਂ ਹਨ। ਮੈਂ ਉਨ੍ਹਾਂ ਨੂੰ ਕਹਿੰਦਾ ਹਾਂ, ਬੇਟਾ, ਅਗਲੀ ਵਾਰ ਸਹੀ ਕੱਪੜੇ ਪਾ ਕੇ ਆਵੀਂ, ਫਿਰ ਅਸੀਂ ਫੋਟੋ ਖਿੱਚਵਾਵਾਂਗੇ।