ਪਤਨੀ ਨੂੰ ਪੜ੍ਹਾ-ਲਿਖਾ ਬਣਾਇਆ ਕਾਬਿਲ, ਹੁਣ ਉਹੀ ਦੇਣ ਲੱਗੀ ਧਮਕੀਆਂ, ਕਹਿੰਦੀ-''ਤੇਰਾ ਤਾਂ...''

ਛੱਤਰਪੁਰ- ਮੱਧ ਪ੍ਰਦੇਸ਼ ਦੇ ਛੱਤਰਪੁਰ 'ਚ ਇਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਥੇ ਵਿਆਹ ਤੋਂ ਬਾਅਦ ਪਤਨੀ ਪੜ੍ਹਾਈ ਕਰਨ ਤੋਂ ਬਾਅਦ ਆਪਣੇ ਪਤੀ ਨਾਲ ਰਹਿਣ ਲਈ ਤਿਆਰ ਨਹੀਂ ਹੈ। ਪਤੀ ਦਾ ਦੋਸ਼ ਹੈ ਕਿ ਉਹ ਉਸ ਨੂੰ ਬਦਸੂਰਤ ਦੱਸ ਕੇ ਆਪਣੇ ਪੇਕੇ ਚਲੀ ਗਈ ਹੈ ਅਤੇ ਵਾਪਸ ਆਉਣ ਤੋਂ ਇਨਕਾਰ ਕਰ ਰਹੀ ਹੈ। ਹੁਣ ਪਤੀ ਠੱਗਿਆ ਹੋਇਆ ਮਹਿਸੂਸ ਕਰ ਰਿਹਾ ਹੈ ਅਤੇ ਕਾਰਵਾਈ ਦੀ ਮੰਗ ਕਰ ਰਿਹਾ ਹੈ।

ਦਰਅਸਲ, ਸ਼ਹਿਰ ਦੇ ਓਰਛਾ ਰੋਡ ਥਾਣਾ ਖੇਤਰ ਦੇ ਇਕ ਵਿਅਕਤੀ ਨੇ ਆਪਣੀ ਪਤਨੀ 'ਤੇ ਪੜ੍ਹ-ਲਿਖ ਕੇ ਸਾਥ ਛੱਡਣ ਅਤੇ ਬਦਸੂਰਤ ਦੱਸ ਕੇ ਜਾਨੋਂ ਮਾਰਨ ਦੀ ਧਮਕੀ ਦੇਣ ਦਾ ਦੋਸ਼ ਲਗਾਇਆ ਹੈ। ਪੀੜਤ ਨੇ ਪੁਲਸ ਸੁਪਰਡੈਂਟ ਦਫ਼ਤਰ 'ਚ ਸ਼ਿਕਾਇਤ ਅਰਜ਼ੀ ਦੇ ਕੇ ਕਾਰਵਾਈ ਦੀ ਅਪੀਲ ਕੀਤੀ ਹੈ। 

ਪਿੰਡ ਭਗਵੰਤਪੁਰਾ ਦੇ ਨਿਵਾਸੀ ਵਿਨੋਦ ਅਹੀਰਵਾਰ ਨੇ ਕਿਹਾ ਕਿ ਉਸ ਦਾ ਵਿਆਹ ਜੂਨ 2023 'ਚ ਗੋਮਤੀ ਅਹੀਰਵਾਰ ਨਾਲ ਹੋਇਆ ਸੀ, ਜੋ ਉਸ ਸਮੇਂ 12ਵੀਂ ਤੱਕ ਪੜ੍ਹੀ ਸੀ। ਵਿਨੋਦ ਨੇ ਸਖ਼ਤ ਮਿਹਨਤ ਕੀਤੀ ਅਤੇ ਆਪਣੀ ਪਤਨੀ ਨੂੰ ਅੱਗੇ ਪੜ੍ਹਾਇਆ ਪਰ ਹੁਣ ਗੋਮਤੀ ਪੜ੍ਹਾਈ ਕਰਨ ਤੋਂ ਬਾਅਦ ਉਸ ਨਾਲ ਨਹੀਂ ਰਹਿਣਾ ਚਾਹੁੰਦੀ। ਗੋਮਤੀ ਕਹਿੰਦੀ ਹੈ ਕਿ ਵਿਨੋਦ ਸੋਹਣਾ ਨਹੀਂ ਹੈ, ਇਸ ਲਈ ਉਹ ਉਸ ਨਾਲ ਨਹੀਂ ਰਹੇਗੀ।
ਵਿਨੋਦ ਨੇ ਕਿਹਾ ਕਿ ਉਹ ਲੰਬੇ ਸਮੇਂ ਤੋਂ ਆਪਣੇ ਮਾਪਿਆਂ ਦੇ ਘਰ ਰਹਿ ਰਹੀ ਹੈ ਅਤੇ ਆਪਣੇ ਸਹੁਰੇ ਘਰ ਵਾਪਸ ਜਾਣ ਲਈ ਤਿਆਰ ਨਹੀਂ ਹੈ। ਵਿਨੋਦ ਨੇ ਇਹ ਵੀ ਦੋਸ਼ ਲਗਾਇਆ ਹੈ ਕਿ ਗੋਮਤੀ ਉਸ ਨੂੰ ਜਾਨੋਂ ਮਾਰਨ ਦੀਆਂ ਧਮਕੀ ਵੀ ਦੇ ਰਹੀ ਹੈ। ਵਿਨੋਦ ਨੇ ਪੁਲਸ ਸੁਪਰਡੈਂਟ ਤੋਂ ਸ਼ਿਕਾਇਤ ਕਰ ਕੇ ਨਿਆਂ ਦੀ ਮੰਗ ਕੀਤੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8