19 ਦਸੰਬਰ ਤੋਂ ਬਾਅਦ ਹਿਮਾਚਲ ''ਚ ਕਦੇ ਹੀ ਲੱਗ ਸਕਦੀ ਹੈ ਚੋਣ ਜ਼ਾਬਤਾ : ਜੈਰਾਮ ਠਾਕੁਰ
Wednesday, Dec 16, 2020 - 02:11 PM (IST)
ਸ਼ਿਮਲਾ- ਹਿਮਾਚਲ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਜੈਰਾਮ ਠਾਕੁਰ ਨੇ ਕਿਹਾ ਕਿ 19 ਦਸੰਬਰ ਤੋਂ ਬਾਅਦ ਸੂਬੇ 'ਚ ਕਦੇ ਵੀ ਪੰਚਾਇਤੀ ਚੋਣਾਂ ਨੂੰ ਲੈ ਕੇ ਚੋਣ ਜ਼ਾਬਤਾ ਲੱਗ ਸਕਦੀ ਹੈ। ਮੁੱਖ ਮੰਤਰੀ ਨੇ ਪੰਚਾਇਤ ਚੋਣਾਂ 'ਚ ਲੋਕਾਂ ਨੂੰ ਸਹੀ ਅਤੇ ਈਮਾਨਦਾਰ ਜਨ ਪ੍ਰਤੀਨਿਧੀਆਂ ਦੀ ਚੋਣ ਕਰਨ ਦੀ ਅਪੀਲ ਕੀਤੀ। ਜੈਰਾਮ ਠਾਕੁਰ ਬੁੱਧਵਾਰ ਨੂੰ ਸ਼ਿਮਲਾ ਤੋਂ ਵੀਡੀਓ ਕਾਨਫਰੈਂਸਿੰਗ ਦੇ ਮਾਧਿਅਮ ਨਾਲ ਸਿਰਾਜ ਦੇ ਧੁਨਾਗ 'ਚ ਸਟੇਟ ਬੈਂਕ ਆਫ਼ ਇੰਡੀਆ ਦੀ 325ਵੀਂ ਬਰਾਂਚ ਦਾ ਉਦਘਾਟਨ ਕਰਦੇ ਹੋਏ ਬੋਲ ਰਹੇ ਸਨ।
ਇਹ ਵੀ ਪੜ੍ਹੋ : ਕਿਸਾਨ ਅੰਦੋਲਨ ਹੋਇਆ ਰਾਜਨੀਤਕ, ਵਿਰੋਧੀ ਦਲ ਕਿਸਾਨਾਂ ਨੂੰ ਕਰ ਰਹੇ ਹਨ ਗੁੰਮਰਾਹ : ਗਡਕਰੀ
ਜੈਰਾਮ ਨੇ ਕਿਹਾ ਕਿ ਪੰਚਾਇ ਹੀ ਵਿਕਾਸ ਦੀ ਰੀੜ੍ਹ ਹੈ, ਜਿਸ ਦੀ ਅਗਵਾਈ ਸਹੀ ਹੱਥਾਂ 'ਚ ਹੋਣੀ ਚਾਹੀਦੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਸ ਵਾਰ ਜਨਾਨੀਆਂ ਨੂੰ ਅੱਗੇ ਆਉਣ ਦਾ ਮੌਕਾ ਮਿਲਿਆ ਹੈ, ਜਿਸ ਨਾਲ ਨਾਰੀ ਮਜ਼ਬੂਤੀਕਰਨ ਨੂੰ ਬਲ ਮਿਲੇਗਾ। ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਪੰਚਾਇਤ ਚੋਣਾਂ ਨੂੰ ਲੈ ਕੇ ਪੂਰੀ ਤਰ੍ਹਾਂ ਤਿਆਰ ਹੈ। ਪ੍ਰਦੇਸ਼ ਦੀਆਂ ਪੰਚਾਇਤਾਂ 'ਚ ਸਾਰਿਆਂ ਦੀ ਸਹਿਮਤੀ ਨਾਲ ਜ਼ਿਆਦਾਤਰ ਚੋਣਾਂ ਹੋਣ ਤਾਂ ਪ੍ਰਦੇਸ਼ ਹਿੱਤ 'ਚ ਹੋਵੇਗਾ। ਵਾਰਡ ਤੋਂ ਲੈ ਕੇ ਜ਼ਿਲ੍ਹਾ ਪ੍ਰੀਸ਼ਦ ਤੱਕ ਜਨਤਾ ਸਹੀ ਅਤੇ ਨਿਰਪੱਖ ਉਮੀਦਵਾਰਾਂ ਦੇ ਹੱਥਾਂ 'ਚ ਸਥਾਨਕ ਬਾਡੀਆਂ ਦੀ ਕਮਾਨ ਸੌਂਪੇ।
ਇਹ ਵੀ ਪੜ੍ਹੋ : ਕਿਸਾਨੀ ਘੋਲ : ਸਿੰਘੂ ਸਰਹੱਦ 'ਤੇ ਪ੍ਰਦਰਸ਼ਨ 'ਚ ਸ਼ਾਮਲ ਹੋ ਸਕਦੀਆਂ ਨੇ 2000 ਤੋਂ ਵਧੇਰੇ ਕਿਸਾਨ ਬੀਬੀਆਂ
