ਹਾਫ਼ ਮੈਰਾਥਨ ''ਚ ਦੌੜਦੇ Runner ਨੂੰ ਆ ਗਿਆ ਹਾਰਟ ਅਟੈਕ ! ਹਸਪਤਾਲ ''ਚ ਨਿਕਲੀ ਜਾਨ

ਪੁਣੇ (ਏਜੰਸੀ)- ਮਹਾਰਾਸ਼ਟਰ ਦੇ ਸਾਤਾਰਾ ਜ਼ਿਲ੍ਹੇ 'ਚ ਹਾਫ ਮੈਰਾਥਨ ਦੌਰਾਨ ਪੁਣੇ ਦੇ 65 ਸਾਲਾ ਇਕ ਸਾਬਕਾ ਵਿਗਿਆਨੀ ਦੀ ਦਿਲ ਦਾ ਦੌਰਾ ਪੈਣ ਨਾਲ ਮੌਤ ਹੋ ਗਈ। ਪੱਛਮੀ ਘਾਟ 'ਚ ਖੜ੍ਹੀ ਚੜ੍ਹਾਈ ਅਤੇ ਤਿੱਖੀ ਢਲਾਣ ਕਾਰਨ ਦੇਸ਼ ਦੀ ਸਭ ਤੋਂ ਮੁਸ਼ਕਲ ਦੌੜ 'ਚੋਂ ਇਕ ਮੰਨੀ ਜਾਣ ਵਾਲੀ 'ਸਾਤਾਰਾ ਹਿਲ ਹਾਫ ਮੈਰਾਥਨ' ਐਤਵਾਰ ਨੂੰ ਆਯੋਜਿਤ ਕੀਤੀ ਗਈ, ਜਿਸ 'ਚ 7,700 ਦੌੜਾਕਾਂ ਨੇ 21.1 ਕਿਲੋਮੀਟਰ ਦੀ ਦੌੜ ਪੂਰੀ ਕੀਤੀ।

ਆਯੋਜਕਾਂ ਨੇ ਦੱਸਿਆ ਕਿ ਪਹਿਲੀ 'ਚ ਇਸ 'ਚ ਹਿੱਸਾ ਲੈ ਰਹੇ ਸੰਜੇ ਕਦਮ ਨੂੰ ਸਵੇਰੇ 9 ਤੋਂ 10 ਵਜੇ ਵਿਚਾਲੇ ਹੇਠਾਂ ਆਉਂਦੇ ਸਮੇਂ ਬੇਚੈਨੀ ਮਹਿਸੂਸ ਹੋਈ। ਆਯੋਜਕ ਦੇ ਚੇਅਰਮੈਨ ਉਪੇਂਦਰ ਪੰਡਿਤ ਨੇ ਦੱਸਿਆ,''ਉਨ੍ਹਾਂ ਨਾਲ ਦੌੜ ਰਹੇ ਮਿਰਜ ਮਿਰਜ ਦੇ ਦਿਲ ਦੇ ਰੋਗ ਮਾਹਿਰ ਰਿਆਜ਼ ਮੁਜਾਵਰ ਨੇ ਤੁਰੰਤ ਉਨ੍ਹਾਂ ਨੂੰ ਸੀਪੀਆਰ ਦਿੱਤੀ। ਨਾਲ ਚੱਲ ਰਹੀ ਐਂਬੂਲੈਂਸ ਵੀ ਮੌਕੇ 'ਤੇ ਪਹੁੰਚ ਗਈ ਅਤੇ ਉਨ੍ਹਾਂ ਨੂੰ ਐਮਰਜੈਂਸੀ ਇਲਾਜ ਦਿੱਤਾ ਗਿਆ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਉਨ੍ਹਾਂ ਦੀ ਐਂਜੀਓਗ੍ਰਾਫ਼ੀ ਹੋਈ।'' ਅਧਿਕਾਰੀ ਨੇ ਕਿਹਾ ਕਿ ਕਦਮ ਦੀ ਇਕ ਮੁੱਖ ਧਮਨੀ ਪੂਰੀ ਤਰ੍ਹਾਂ ਨਾਲ ਬੰਦ ਹੋ ਗਈ ਸੀ। ਇਸ ਤੋਂ ਬਾਅਦ ਐਂਜੀਓਪਲਾਸਟੀ ਕੀਤੀ ਗਈ ਅਤੇ ਸਟੈਂਟ ਪਾਇਆ ਗਿਆ, ਜਿਸ ਤੋਂ ਬਾਅਦ ਉਨ੍ਹਾਂ ਦੀ ਹਾਲਤ 'ਚ ਸੁਧਾਰ ਹੋਇਆ ਅਤੇ ਉਹ ਸਥਿਰ ਹੋ ਗਏ। ਉਨ੍ਹਾਂ ਕਿਹਾ,''ਚਾਰ ਘੰਟਿਆਂ ਬਾਅਦ ਦਿਲ ਦਾ ਦੌਰਾ ਪਿਆ ਅਤੇ ਉਨ੍ਹਾਂ ਦਾ ਦਿਹਾਂਤ ਹੋ ਗਿਆ।''

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e