ਦੌੜਾਕ ਸਿਮਰਨ ਨੇ 100 ਮੀਟਰ T12 ਸਪਰਧਾ ''ਚ ਨਵੇਂ ਰਿਕਾਰਡ ਨਾਲ ਜਿੱਤਿਆ ਦੂਜਾ ਸੋਨ ਤਗਮਾ

ਨਾਗੋਆ : ਭਾਰਤੀ ਫਰਰਾਟਾ ਦੌੜਾਕ ਸਿਮਰਨ ਨੇ 12.02 ਸੈਕਿੰਡ ਦੇ ਖੇਡ ਰਿਕਾਰਡ ਸਮੇਂ ਨਾਲ ਮਹਿਲਾਵਾਂ ਦੀ 100 ਮੀਟਰ T12 ਸਪਰਧਾ ਜਿੱਤ ਕੇ ਏਸ਼ੀਆਈ ਪੈਰਾ ਖੇਡਾਂ ਵਿੱਚ ਆਪਣਾ ਦੂਜਾ ਸੋਨ ਤਗਮਾ ਆਪਣੇ ਨਾਂ ਕੀਤਾ ਹੈ। ਇਸ ਤੋਂ ਪਹਿਲਾਂ ਮੰਗਲਵਾਰ ਨੂੰ ਸਿਮਰਨ ਨੇ ਖੇਡਾਂ ਦੇ ਨਵੇਂ ਰਿਕਾਰਡ ਨਾਲ 200 ਮੀਟਰ ਸਪਰਧਾ ਵਿੱਚ ਵੀ ਸੋਨ ਤਗਮਾ ਜਿੱਤਿਆ ਸੀ। 100 ਮੀਟਰ ਮੁਕਾਬਲੇ ਵਿੱਚ ਸਿਮਰਨ ਨੇ ਈਰਾਨ ਦੀ ਹਜਰ ਸਫ਼ਰਜ਼ਾਦੇਹ ਨੂੰ ਪਿੱਛੇ ਛੱਡਿਆ, ਜੋ 12.30 ਸੈਕਿੰਡ ਦੇ ਸਮੇਂ ਨਾਲ ਦੂਜੇ ਸਥਾਨ 'ਤੇ ਰਹੀ। ਜਦਕਿ ਇੰਡੋਨੇਸ਼ੀਆ ਦੀ ਮੇਡ ਨੀ ਪੁਤਰੀ ਨੇ 12.51 ਸੈਕਿੰਡ ਦੇ ਸਮੇਂ ਨਾਲ ਕਾਂਸੀ ਦਾ ਤਗਮਾ ਹਾਸਲ ਕੀਤਾ।

ਦੱਸਣਯੋਗ ਹੈ ਕਿ T12 ਸ਼੍ਰੇਣੀ ਵਿੱਚ ਉਨ੍ਹਾਂ ਦ੍ਰਿਸ਼ਟੀਬਾਧਿਤ ਖਿਡਾਰੀਆਂ ਨੂੰ ਸ਼ਾਮਲ ਕੀਤਾ ਜਾਂਦਾ ਹੈ ਜਿਨ੍ਹਾਂ ਦੀ ਸਮੱਸਿਆ ਜ਼ਿਆਦਾ ਗੰਭੀਰ ਨਹੀਂ ਹੁੰਦੀ। 26 ਸਾਲਾ ਸਿਮਰਨ ਨੇ 2024 ਪੈਰਿਸ ਪੈਰਾ-ਓਲੰਪਿਕ ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ ਸੀ। ਉਹ ਆਪਣੇ ਨਵੇਂ ਗਾਈਡ ਸ਼ਿਵਮ ਨਾਲ ਮੈਦਾਨ 'ਤੇ ਵਾਪਸੀ ਕਰ ਰਹੀ ਹੈ, ਕਿਉਂਕਿ ਉਨ੍ਹਾਂ ਦੇ ਪੁਰਾਣੇ ਗਾਈਡ ਉਮਰ ਸੈਫ਼ੀ 'ਤੇ ਡੋਪਿੰਗ ਉਲੰਘਣਾ ਦੇ ਦੋਸ਼ਾਂ ਕਾਰਨ ਪਾਬੰਦੀ ਲਗਾਈ ਗਈ ਸੀ। ਇਸ ਤੋਂ ਪਹਿਲਾਂ ਸਿਮਰਨ ਨੇ 2023 ਵਿੱਚ ਹਾਂਗਝੋਉ ਵਿਖੇ ਹੋਈਆਂ ਏਸ਼ੀਆਈ ਪੈਰਾ ਖੇਡਾਂ ਵਿੱਚ ਆਪਣੀਆਂ ਦੋਵਾਂ ਸਪਰਧਾਵਾਂ ਵਿੱਚ ਚਾਂਦੀ ਦੇ ਤਗਮੇ ਜਿੱਤੇ ਸਨ।