ਫਰਾਂਸ ਨੇ ਖੋਲੀ ਪਾਕਿ ਦੇ ਝੂਠ ਦੀ ਪੋਲ! ''ਰਾਫੇਲ ਨੁਕਸਾਨ'' ਤੇ ''Pak ਏਅਰ ਸੁਪੀਰੀਆਰਿਟੀ'' ਦੇ ਦਾਅਵੇ ਨੂੰ ਦੱਸਿਆ ਫਰਜ਼ੀ

ਨਵੀਂ ਦਿੱਲੀ : ਫਰਾਂਸ ਨੇ ਭਾਰਤ ਵਿਰੁੱਧ ਪਾਕਿਸਤਾਨੀ ਮੀਡੀਆ ਦੁਆਰਾ ਫੈਲਾਏ ਜਾ ਰਹੀ 'ਫੇਕ ਨਿਊਜ਼' ਦੀ ਪੋਲ ਖੋਲ੍ਹ ਦਿੱਤੀ ਹੈ। ਫਰਾਂਸੀਸੀ ਨੇਵੀ (French Navy) ਨੇ ਪਾਕਿਸਤਾਨੀ ਮੀਡੀਆ ਦੇ ਉਨ੍ਹਾਂ ਦਾਅਵਿਆਂ ਦਾ ਖੰਡਨ ਕੀਤਾ ਹੈ ਜਿਨ੍ਹਾਂ ਵਿੱਚ ਦਾਅਵਾ ਕੀਤਾ ਗਿਆ ਸੀ ਕਿ ਫਰਾਂਸ ਨੇ ਮਈ 2025 ਦੇ ਸੰਘਰਸ਼ ਦੌਰਾਨ ਪਾਕਿਸਤਾਨ ਦੀ ਹਵਾਈ ਸ਼੍ਰੇਸ਼ਟਤਾ (air superiority) ਦੀ ਪੁਸ਼ਟੀ ਕੀਤੀ ਸੀ ਅਤੇ ਰਾਫੇਲ ਜੈੱਟ ਦੇ ਨੁਕਸਾਨ ਦੀ ਗੱਲ ਕਹੀ ਸੀ।

ਪਾਕਿਸਤਾਨ ਦੇ ਦਾਅਵੇ ਤੇ ਫਰਾਂਸ ਦਾ ਖੰਡਨ
ਫਰਾਂਸੀਸੀ ਜਲ ਸੈਨਾ ਨੇ ਪਾਕਿਸਤਾਨ ਦੇ ਜੀਓ ਟੀਵੀ (Geo TV) ਦੁਆਰਾ ਪ੍ਰਕਾਸ਼ਿਤ ਕੀਤੇ ਗਏ ਇੱਕ ਲੇਖ ਨੂੰ "ਫਰਜ਼ੀ" ਦੱਸਿਆ ਹੈ। ਜੀਓ ਟੀਵੀ ਨੇ ਆਪਣੇ ਲੇਖ ਵਿੱਚ ਦਾਅਵਾ ਕੀਤਾ ਸੀ ਕਿ ਫਰਾਂਸੀਸੀ ਕਮਾਂਡਰ ਕੈਪਟਨ ਜੈਕਵਿਸ ਲਾਉਨੇ ਨੇ 'ਆਪਰੇਸ਼ਨ ਸਿੰਦੂਰ' ਦੌਰਾਨ ਹਵਾਈ ਮੁਕਾਬਲੇ ਵਿੱਚ ਪਾਕਿਸਤਾਨ ਦੀ ਸ਼੍ਰੇਸ਼ਟਤਾ ਦੀ ਪੁਸ਼ਟੀ ਕੀਤੀ ਸੀ। ਲੇਖ ਵਿੱਚ ਇਹ ਵੀ ਦਾਅਵਾ ਕੀਤਾ ਗਿਆ ਸੀ ਕਿ ਪਾਕਿਸਤਾਨੀ ਏਅਰਫੋਰਸ "ਬਿਹਤਰ ਤਿਆਰੀ" ਵਿੱਚ ਸੀ ਅਤੇ ਰਾਫੇਲ ਲੜਾਕੂ ਜਹਾਜ਼ ਨੂੰ ਚੀਨੀ ਜੇ-10ਸੀ (Chinese J-10C) ਲੜਾਕੂ ਜਹਾਜ਼ ਦੀ ਤਕਨੀਕੀ ਸ਼੍ਰੇਸ਼ਟਤਾ ਕਾਰਨ ਨਹੀਂ ਡੇਗਿਆ ਗਿਆ ਸੀ। ਫਰਾਂਸੀਸੀ ਜਲ ਸੈਨਾ ਨੇ ਇਨ੍ਹਾਂ ਰਿਪੋਰਟਾਂ ਨੂੰ ਗਲਤ ਸੂਚਨਾ ਕਰਾਰ ਦਿੱਤਾ ਹੈ। ਫਰਾਂਸ ਨੇ ਪਾਕਿਸਤਾਨ ਦੇ ਇਸ ਝੂਠ ਦੀ ਪੋਲ ਖੋਲ੍ਹਦਿਆਂ ਕਿਹਾ ਕਿ ਇਹ ਬਿਆਨ ਕੈਪਟਨ ਲਾਉਨੇ ਦੇ ਹਵਾਲੇ ਨਾਲ ਦਿੱਤੇ ਗਏ ਹਨ, ਪਰ ਉਨ੍ਹਾਂ ਨੇ ਕਿਸੇ ਵੀ ਤਰ੍ਹਾਂ ਦੇ ਪ੍ਰਕਾਸ਼ਨ ਲਈ ਆਪਣੀ ਸਹਿਮਤੀ ਨਹੀਂ ਦਿੱਤੀ ਸੀ। ਫਰਾਂਸ ਨੇ ਕਿਹਾ ਕਿ ਇਹ ਲੇਖ "ਵਿਆਪਕ ਤੌਰ 'ਤੇ ਗਲਤ ਅਤੇ ਭਰਮਾਊ ਸੂਚਨਾਵਾਂ" ਵਾਲਾ ਹੈ।

The French Navy has called out Pakistan’s Geo TV and its correspondent Hamid Mir for spreading “misinformation and disinformation.”

In his report, Hamid Mir peddled the same old, fabricated claims about Rafales and the so-called May conflict and has now been publicly exposed.… https://t.co/KakWUDSQwU

— Amit Malviya (@amitmalviya) November 23, 2025

ਰਾਜਨੀਤਿਕ ਤੇ ਸਮਾਜਿਕ ਪ੍ਰਤੀਕਰਮ
ਇਸ ਘਟਨਾ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਨਵੀਂ ਬਹਿਸ ਛਿੜ ਗਈ ਹੈ, ਜਿੱਥੇ ਕਈ ਲੋਕਾਂ ਨੇ ਇਸ ਨੂੰ ਪਾਕਿਸਤਾਨੀ ਮੀਡੀਆ ਵਿੱਚ ਭਾਰਤ-ਵਿਰੋਧੀ ਦੁਸ਼ਪ੍ਰਚਾਰ ਕਰਾਰ ਦਿੱਤਾ ਹੈ। ਬੀਜੇਪੀ ਨੇਤਾ ਅਮਿਤ ਮਾਲਵੀਯ ਨੇ ਇਸ ਘਟਨਾ ਨੂੰ ਪਾਕਿਸਤਾਨ ਦੀ ਹਤਾਸ਼ ਗਲਤ ਸੂਚਨਾ ਮਸ਼ੀਨਰੀ ਦਾ ਸਬੂਤ ਦੱਸਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਜਦੋਂ ਅਧਿਕਾਰਤ ਸੰਸਥਾਵਾਂ ਉਨ੍ਹਾਂ ਦੇ ਪ੍ਰਚਾਰ ਨੂੰ ਖਾਰਜ ਕਰਦੀਆਂ ਹਨ, ਤਾਂ ਪਤਾ ਚੱਲਦਾ ਹੈ ਕਿ ਪਾਕਿਸਤਾਨ ਦੀ ਗਲਤ ਸੂਚਨਾ ਮਸ਼ੀਨਰੀ ਕਿੰਨੀ ਹਤਾਸ਼ ਹੋ ਗਈ ਹੈ। ਇਸ ਤੋਂ ਇਲਾਵਾ, ਕਈ ਹੋਰ ਲੋਕਾਂ ਨੇ ਵੀ ਪਾਕਿਸਤਾਨੀ ਮੀਡੀਆ ਦੀ ਇਸ ਗੱਲੋਂ ਆਲੋਚਨਾ ਕੀਤੀ ਕਿ ਉਸ ਦਾ ਭਾਰਤ ਦੇ ਖਿਲਾਫ ਗਲਤ ਸੂਚਨਾ ਫੈਲਾਉਣ ਦਾ ਇਤਿਹਾਸ ਰਿਹਾ ਹੈ।

ਆਪਰੇਸ਼ਨ ਸਿੰਦੂਰ ਦੌਰਾਨ ਕੀਤੇ ਪਾਕਿਸਤਾਨ ਦੇ ਦੰਦ ਖੱਟੇ
ਜ਼ਿਕਰਯੋਗ ਹੈ ਕਿ 'ਆਪਰੇਸ਼ਨ ਸਿੰਦੂਰ' ਤਹਿਤ ਭਾਰਤ ਨੇ ਪਹਿਲਗਾਮ ਅੱਤਵਾਦੀ ਹਮਲੇ ਦੇ ਜਵਾਬ ਵਿੱਚ ਪਾਕਿਸਤਾਨ ਅਤੇ ਪਾਕਿਸਤਾਨ ਅਧਿਕਾਰਤ ਕਸ਼ਮੀਰ (POK) ਵਿੱਚ ਸਥਿਤ ਅੱਤਵਾਦੀ ਕੈਂਪਾਂ 'ਤੇ ਹਮਲਾ ਕੀਤਾ ਸੀ। ਕਈ ਦਿਨਾਂ ਤੱਕ ਚੱਲੇ ਇਸ ਸੰਘਰਸ਼ ਵਿੱਚ ਪਾਕਿਸਤਾਨੀ ਸੈਨਾ ਨੂੰ ਕਾਫ਼ੀ ਨੁਕਸਾਨ ਹੋਇਆ ਸੀ। ਇਸਲਾਮਾਬਾਦ ਦੀ ਅਪੀਲ 'ਤੇ ਦੋਵਾਂ ਧਿਰਾਂ ਵਿਚਾਲੇ ਜੰਗਬੰਦੀ (ਸੀਜਫਾਇਰ) 'ਤੇ ਸਹਿਮਤੀ ਬਣੀ ਸੀ।