ਅਹਿਮਦਾਬਾਦ 'ਚ ਡਿੱਗੀ ਚਾਰ ਮੰਜਿਲਾ ਇਮਾਰਤ, 4 ਨੂੰ ਬਚਾਇਆ ਗਿਆ, ਕਈ ਲੋਕਾਂ ਦੇ ਫਸੇ ਹੋਣ ਦਾ ਸ਼ੱਕ

ਅਹਿਮਦਾਬਾਦ— ਸ਼ਹਿਰ ਦੇ ਓਢਵ ਇਲਾਕੇ 'ਚ ਕਰੀਬ ਦੋ ਦਹਾਕੇ ਪਹਿਲਾਂ ਇਕ ਸਰਕਾਰੀ ਘਰ ਯੋਜਨਾ ਤਹਿਤ ਬਣੀਆਂ ਦੋ ਚਾਰ ਮੰਜਿਲਾ ਇਮਾਰਤਾਂ ਢਹਿ ਗਈਆਂ, ਜਿਸ 'ਚ ਚਾਰ ਲੋਕਾਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ ਹੈ ਜਦਕਿ ਕਈ ਲੋਕਾਂ ਦੇ ਫਸੇ ਹੋਣ ਦਾ ਸ਼ੱਕ ਹੈ। ਗ੍ਰਹਿ ਰਾਜਮੰਤਰੀ ਪ੍ਰਦੀਪ ਸਿੰਘ ਜਡੇਜਾ ਨੇ ਕਿਹਾ ਕਿ ਰਾਸ਼ਟਰੀ ਐੱਨ.ਡੀ.ਆਰ.ਐੱਫ. ਅਤੇ ਸਥਾਨਕ ਫਾਇਰ ਬਿਗ੍ਰੇਡ ਦੀਆਂ ਟੀਮਾਂ ਨੂੰ ਮਲਬੇ 'ਚੋਂ ਲੋਕਾਂ ਨੂੰ ਕੱਢਣ ਲਈ ਤਾਇਨਾਤ ਕੀਤਾ ਗਿਆ ਹੈ। ਦੋਵੇਂ ਇਮਾਰਤਾਂ ਚਾਰ-ਚਾਰ ਮੰਜਿਲਾ ਸਨ। ਉਨ੍ਹਾਂ ਨੇ ਕਿਹਾ ਕਿ ਇਹ ਟੀਮਾਂ ਬਚਾਅ ਮੁਹਿੰਮ ਲਈ ਆਧੁਨਿਕ ਸਮਾਨਾਂ ਦੀ ਵਰਤੋਂ ਕਰ ਰਹੀ ਹੈ।

#LatestVisuals from Ahmedabad's Odhav area where a four-storey building collapsed last night. 3 people have been rescued, at least five still feared trapped under the debris. Rescue operation is underway. #Gujarat pic.twitter.com/g2ZEPE2Ka5

— ANI (@ANI) August 27, 2018

ਜਡੇਜਾ ਨੇ ਕਿਹਾ ਕਿ ਦੋਵਾਂ ਇਮਾਰਤਾਂ ਨੂੰ ਅਹਿਮਦਾਬਾਦ ਨਗਰ ਨਿਗਮ ਦੇ ਅਧਿਕਾਰੀਆਂ ਵੱਲੋਂ ਉਸ ਸਮੇਂ ਖਾਲੀ ਕਰਵਾਇਆ ਗਿਆ ਸੀ ਜਦੋਂ ਉਨ੍ਹਾਂ ਨੂੰ ਲੱਗਾ ਸੀ ਕਿ ਇਮਾਰਤਾਂ ਕਦੀ ਵੀ ਡਿੱਗ ਸਕਦੀਆਂ ਹਨ ਪਰ ਕੁਝ ਵਾਸੀ ਅੱਜ ਵਾਪਸ ਆ ਗਏ ਅਤੇ ਇਨ੍ਹਾਂ ਦੇ ਢਹਿਣ ਦੇ ਸਮੇਂ ਇਮਾਰਤ ਦੇ ਅੰਦਰ ਹੀ ਸਨ। ਜਡੇਜਾ ਨੇ ਕਿਹਾ ਕਿ ਮਲਬੇ 'ਚ 8-10 ਲੋਕਾਂ ਦੇ ਫਸੇ ਹੋਣ ਦਾ ਸ਼ੱਕ ਹੈ।