70 ਕਰੋੜ ਔਰਤਾਂ ਦੇ ਹੱਕਾਂ ਦੀ ਹੋਈ 'ਭਰੂਣ ਹੱਤਿਆ' : ਤਰੁਣ ਚੁੱਘ
Sunday, Apr 19, 2026 - 07:12 PM (IST)
ਨਵੀਂ ਦਿੱਲੀ: ਲੋਕ ਸਭਾ ਵਿੱਚ ਸੰਵਿਧਾਨ (131ਵੀਂ ਸੋਧ) ਬਿੱਲ ਦੇ ਪਾਸ ਨਾ ਹੋਣ ਤੋਂ ਬਾਅਦ ਦੇਸ਼ ਦੀ ਸਿਆਸਤ ਗਰਮਾ ਗਈ ਹੈ। ਭਾਜਪਾ ਦੇ ਰਾਸ਼ਟਰੀ ਜਨਰਲ ਸਕੱਤਰ ਤਰੁਣ ਚੁੱਘ ਨੇ ਵਿਰੋਧੀ ਪਾਰਟੀਆਂ 'ਤੇ ਗੰਭੀਰ ਦੋਸ਼ ਲਾਉਂਦਿਆਂ ਕਿਹਾ ਕਿ ਕਾਂਗਰਸ, ਡੀ.ਐੱਮ.ਕੇ. (DMK), ਟੀ.ਐੱਮ.ਸੀ. (TMC), ਸਪਾ (SP) ਅਤੇ ਵਿਰੋਧੀ ਪਾਰਟੀਆਂ ਨੇ ਮਿਲ ਕੇ ਸਿਰਫ਼ ਇੱਕ ਬਿੱਲ ਨੂੰ ਹੀ ਨਹੀਂ ਹਰਾਇਆ, ਸਗੋਂ ਦੇਸ਼ ਦੀਆਂ 70 ਕਰੋੜ ਮਾਵਾਂ, ਭੈਣਾਂ ਅਤੇ ਧੀਆਂ ਦੇ ਸੁਪਨਿਆਂ ਅਤੇ ਅਧਿਕਾਰਾਂ ਦਾ ਕਤਲ ਕੀਤਾ ਹੈ।
Delhi: On the defeat of Constitution (131st Amendment) Bill in Lok Sabha, BJP National General Secretary Tarun Chugh says, "Congress, DMK, TMC, SP, and AAP did not just defeat one bill in Parliament. They have brutally crushed the dreams and rights of 70 crore mothers, sisters,… pic.twitter.com/rq1p43xy39
— IANS (@ians_india) April 19, 2026
ਤਰੁਣ ਚੁੱਘ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਬਿਆਨ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਕਿ ਵਿਰੋਧੀ ਧਿਰ ਦਾ ਇਹ ਕਦਮ ਮਹਿਲਾ ਅਧਿਕਾਰਾਂ ਦੀ 'ਭਰੂਣ ਹੱਤਿਆ' ਦੇ ਬਰਾਬਰ ਹੈ। ਉਨ੍ਹਾਂ ਕਿਹਾ ਕਿ ਜਿੱਥੇ ਪ੍ਰਧਾਨ ਮੰਤਰੀ ਨੇ ਦੇਸ਼ ਦੀਆਂ ਧੀਆਂ ਦੇ ਸੁਪਨਿਆਂ ਨੂੰ ਪੂਰਾ ਕਰਨ ਲਈ ਅਣਥੱਕ ਕੋਸ਼ਿਸ਼ਾਂ ਕੀਤੀਆਂ, ਉੱਥੇ ਹੀ ਵਿਰੋਧੀ ਧਿਰ ਨੇ ਇਨ੍ਹਾਂ ਸੁਪਨਿਆਂ ਨੂੰ ਕੁਚਲਣ ਦਾ ਕੰਮ ਕੀਤਾ ਹੈ। ਚੁੱਘ ਨੇ ਅੱਗੇ ਕਿਹਾ ਕਿ ਜਿਨ੍ਹਾਂ ਨੇ ਔਰਤਾਂ ਦੇ ਹੱਕ ਖੋਹ ਕੇ ਸੰਸਦ ਵਿੱਚ ਤਾਲੀਆਂ ਵਜਾਈਆਂ ਅਤੇ ਲੱਡੂ ਵੰਡੇ, ਜਨਤਾ ਉਨ੍ਹਾਂ ਦਾ 'ਬੈਂਡ-ਬਾਜਾ' ਜ਼ਰੂਰ ਵਜਾਏਗੀ।
ਪਰਿਵਾਰਵਾਦੀ ਸਿਆਸਤ 'ਤੇ ਨਿਸ਼ਾਨਾ
ਤਰੁਣ ਚੁੱਘ ਨੇ ਦੋਸ਼ ਲਾਇਆ ਕਿ ਪਰਿਵਾਰਵਾਦੀ ਦਲਾਂ ਨੂੰ ਇਸ ਗੱਲ ਦਾ ਡਰ ਸਤਾ ਰਿਹਾ ਹੈ ਕਿ ਜੇਕਰ ਆਮ ਪਰਿਵਾਰਾਂ ਦੀਆਂ ਔਰਤਾਂ ਲੋਕ ਸਭਾ ਅਤੇ ਵਿਧਾਨ ਸਭਾਵਾਂ ਵਿੱਚ ਪਹੁੰਚ ਗਈਆਂ, ਤਾਂ ਉਨ੍ਹਾਂ ਦੀ ਖਾਨਦਾਨੀ ਅਤੇ ਵੰਸ਼ਵਾਦੀ ਸਿਆਸਤ ਦਾ ਕਬਜ਼ਾ ਢਹਿ-ਢੇਰੀ ਹੋ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਦੇਸ਼ ਦੀ 50 ਫੀਸਦੀ ਆਬਾਦੀ ਨੂੰ ਉਨ੍ਹਾਂ ਦੇ ਬਣਦੇ ਹੱਕ ਮਿਲ ਰਹੇ ਸਨ, ਪਰ ਵਿਰੋਧੀ ਧਿਰ ਨੇ ਰੁਕਾਵਟ ਬਣ ਕੇ ਇਹ ਮੌਕਾ ਖੋਹ ਲਿਆ ਹੈ।
ਉਨ੍ਹਾਂ ਨੇ ਇਸ ਦਿਨ ਨੂੰ ਇਤਿਹਾਸ ਦਾ ਸਭ ਤੋਂ ਵੱਡਾ 'ਕਾਲਾ ਦਿਨ' ਕਰਾਰ ਦਿੰਦਿਆਂ ਕਿਹਾ ਕਿ ਦੇਸ਼ ਦੀਆਂ ਨਾਰੀ ਸ਼ਕਤੀਆਂ ਇਸ ਅਪਮਾਨ ਦਾ ਬਦਲਾ ਰਾਜਨੀਤਿਕ ਦੰਡ ਦੇ ਕੇ ਲੈਣਗੀਆਂ ਅਤੇ ਦੇਸ਼ ਉਨ੍ਹਾਂ ਨੂੰ ਕਦੇ ਮੁਆਫ਼ ਨਹੀਂ ਕਰੇਗਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
