ਪਾਰਕਿੰਗ ਨੂੰ ਲੈ ਕੇ ਬਹਿਸ ਕਰ ਰਹੀ ਕੁੜੀ ਨੂੰ ਮਹਿਲਾ SI ਨੇ ਮਾਰਿਆ ਥੱਪੜ, ਵੀਡੀਓ ਵਾਇਰਲ

ਬੈਂਗਲੁਰੂ - ਕਰਨਾਟਕ ਦੇ ਮਾਂਡਿਆ ਸ਼ਹਿਰ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਸ਼ੇਅਰ ਕੀਤਾ ਜਾ ਰਿਹਾ ਹੈ। ਉਸ ਵੀਡੀਓ ਵਿੱਚ ਵੇਖਿਆ ਜਾ ਸਕਦਾ ਹੈ ਕਿ ਸਕੂਟੀ ਸਵਾਰ ਇੱਕ ਕੁੜੀ ਦੀ ਪੁਲਸ ਮੁਲਾਜ਼ਮਾਂ ਨਾਲ ਬਹਿਸ ਹੋ ਰਹੀ ਹੈ। ਨਾਲ ਹੀ ਕੁੜੀ ਮੋਬਾਇਲ ਫੋਨ 'ਤੇ ਕਿਸੇ ਨਾਲ ਗੱਲ ਕਰ ਰਹੀ ਹੈ। ਕੁੜੀ ਸਕੂਟੀ ਛੱਡਣ ਨੂੰ ਤਿਆਰ ਨਹੀਂ ਹੁੰਦੀ ਤਾਂ ਬਹਿਸ ਦੌਰਾਨ ਇੱਕ ਮਹਿਲਾ ਪੁਲਸ ਮੁਲਾਜ਼ਮ ਉਸ ਨੂੰ ਥੱਪੜ ਮਾਰ ਦਿੰਦੀ ਹੈ।

ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਣ ਵਾਲੇ ਇਸ ਵੀਡੀਓ ਨੂੰ ਸ਼ੇਅਰ ਕਰਣ ਵਾਲਿਆਂ ਨੇ ਮਹਿਲਾ ਦਿਵਸ ਨਾਲ ਵੀ ਜੋੜ ਦਿੱਤਾ। ਇਹ ਘਟਨਾ 7 ਮਾਰਚ ਦੀ ਹੈ। ਜਦੋਂ ਮਾਂਡਿਆ ਸ਼ਹਿਰ ਵਿੱਚ ਉਸ ਕੁੜੀ ਨੇ ਆਪਣੀ ਸਕੂਟੀ ਨੋ ਪਾਰਕਿੰਗ ਏਰੀਆ ਵਿੱਚ ਖੜੀ ਕੀਤੀ ਸੀ। ਪੁਲਸ ਨੇ ਸਕੂਟੀ ਨੂੰ ਸੀਜ਼ ਕਰਣ ਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ। ਇਸ ਗੱਲ 'ਤੇ ਉਹ ਕੁੜੀ ਪੁਲਸ ਮੁਲਾਜ਼ਮ ਨਾਲ ਬਹਿਸ ਕਰਣ ਲੱਗੀ।

कर्नाटक के मांडया में नो पार्किंग एरिया में स्कूटी खड़ी करने वाली लड़की की पुलिस के साथ बहस हो गई. इसी बीच एक महिला पुलिसकर्मी ने उसे तमाचा जड़ दिया और उस घटना का ये वीडियो खूब वायरल हो रहा है. हालांकि पुलिस ने बिना कार्रवाई किए लड़की को छोड़ दिया. #Karnatakapolice #mandya pic.twitter.com/GB2CTkOW6D

— Parvez Sagar (@itsparvezsagar) March 9, 2021

ਕੁੜੀ ਦਾ ਕਹਿਣਾ ਸੀ ਕਿ ਪੁਲਸ ਉਸ ਤੋਂ ਜੁਰਮਾਨਾ ਲੈ ਸਕਦੀ ਹੈ ਪਰ ਸਕੂਟੀ ਨੂੰ ਸੀਜ਼ ਨਹੀਂ ਕਰ ਸਕਦੀ। ਵੀਡੀਓ ਵਿੱਚ ਇੱਕ ਪੁਲਸ ਮੁਲਾਜ਼ਮ ਸਕੂਟੀ ਨੂੰ ਉੱਥੋਂ ਲੈ ਜਾਣ ਦੀ ਕੋਸ਼ਿਸ਼ ਵੀ ਕਰਦਾ ਹੈ। ਪਰ ਕੁੜੀ ਅਜਿਹਾ ਨਹੀਂ ਹੋਣ ਦਿੰਦੀ। ਕੁੜੀ ਆਪਣੀ ਸਕੂਟੀ 'ਤੇ ਚੜ੍ਹ ਕੇ ਬੈਠ ਜਾਂਦੀ ਹੈ ਅਤੇ ਤੇਜ਼ ਆਵਾਜ਼ ਵਿੱਚ ਪੁਲਸ ਵਾਲਿਆਂ 'ਤੇ ਚੀਖਣ ਲੱਗਦੀ ਹੈ। ਇਸ ਦੌਰਾਨ ਉੱਥੇ ਮੌਜੂਦ ਇੱਕ ਮਹਿਲਾ ਮੁਲਾਜ਼ਮ ਉਸ ਨੂੰ ਥੱਪੜ ਮਾਰ ਦਿੰਦੀ ਹੈ।

ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਬਾਕਸ ਵਿੱਚ ਦਿਓ ਜਵਾਬ।