ਡੀ.ਐੱਮ. ਨੇ ਆਮ ਸ਼ਰਧਾਲੂ ਬਣ ਕੇ ਲਿਆ ਬਦਰੀਨਾਥ ਯਾਤਰਾ ਦਾ ਜਾਇਜ਼ਾ

ਚਮੋਲੀ- ਉੱਤਰਾਖੰਡ ਦੇ ਚਮੋਲੀ ਦੇ ਜ਼ਿਲ੍ਹਾ ਅਧਿਕਾਰੀ ਹਿਮਾਂਸ਼ੁ ਖੁਰਾਨਾ ਨੇ ਆਮ ਸ਼ਰਧਾਲੂ ਬਣ ਕੇ ਬਦਰੀਨਾਥ 'ਚ ਦਰਸ਼ਨ ਪਥ 'ਤੇ ਟੋਕਨ ਲੈ ਕੇ ਭਗਵਾਨ ਬਦਰੀ ਵਿਸ਼ਾਲ ਦੇ ਦਰਸ਼ਨ ਕੀਤੇ ਅਤੇ ਲਾਈਨ 'ਚ ਲੱਗ ਕੇ ਦਰਸ਼ਨ ਲਈ ਆਪਣੀ ਵਾਰੀ ਦਾ ਇੰਤਜ਼ਾਰ ਕੀਤਾ। ਇਸ ਤੋਂ ਇਲਾਵਾ ਉਨ੍ਹਾਂ ਸਾਇਨੇਜ, ਬਿਜਲੀ, ਪਾਣੀ, ਪਖਾਨੇ ਆਦਿ ਦੇ ਮੁੱਢਲੇ ਪ੍ਰਬੰਧਾਂ ਦਾ ਵੀ ਜਾਇਜ਼ਾ ਲਿਆ। ਦਰਸ਼ਨ ਤੋਂ ਬਾਅਦ ਜ਼ਿਲ੍ਹਾ ਅਧਿਕਾਰੀ ਨੇ ਯਾਤਰਾ ਵਿਵਸਥਾਵਾਂ ਦਾ ਭੌਤਿਕ ਨਿਰੀਖਣ ਕਰਕੇ ਜੋ ਕਮੀਆਂ ਪਾਈਆਂ, ਉਨ੍ਹਾਂ ਨੂੰ ਠੀਕ ਕਰਨ ਦੇ ਨਿਰਦੇਸ਼ ਦਿੱਤੇ। ਉਹ ਬਿਨਾਂ ਸਰਕਾਰੀ ਵਾਹਨ ਦੇ ਬਦਰੀਨਾਥ ਪਹੁੰਚੇ ਅਤੇ ਨਾ ਹੀ ਆਪਣਾ ਪ੍ਰੋਗਰਾਮ ਕਿਸੇ ਨੂੰ ਦੱਸਿਆ। ਇਸ ਲਈ ਕਿਸੇ ਨੂੰ ਉਨ੍ਹਾਂ ਦੇ ਬਦਰੀਨਾਥ ਆਉਣ ਅਤੇ ਦਰਸ਼ਨ ਦੀ ਭਨਕ ਤਕ ਨਹੀਂ ਲੱਗੀ। ਖੁਰਾਨਾ ਨੇ ਬਦਰੀਨਾਥ ਧਾਮ 'ਚ ਨਵੀਨ ਕਿਊ ਮੈਨੇਜਮੈਂਟ ਸਿਸਟਮ ਅਧੀਨ ਟੋਕਨ ਪ੍ਰਾਪਤ ਕਰਕੇ ਦਰਸ਼ਨ ਕੀਤੇ। 

जिलाधिकारी ने कहा कि आमतौर पर जब निरीक्षण होता है उस समय व्यवस्था में मौजूद कुछ खामियां नजर नहीं आती। इसलिए उन्होंने एक तीर्थयात्री बनकर यात्रा व्यवस्थाओं का स्वयं अनुभव किया। कहा कि उक्त अनुभव आगामी यात्रा को श्रद्धालुओं के लिए सुगम बनाने के प्रयासों में सहायक रहेगा। @DIPR_UK pic.twitter.com/nu4UQuk6dp

— DM Chamoli (@ChamoliDm) May 5, 2023

ਜ਼ਿਲ੍ਹਾ ਅਧਿਕਾਰੀ ਨੇ ਕਿਹਾ ਕਿ ਆਮਤੌਰ 'ਤੇ ਜਦੋਂ ਨਿਰੀਖਣ ਹੁੰਦਾ ਹੈ, ਉਸ ਸਮੇਂ ਵਿਵਸਥਾ 'ਚ ਮੌਜੂਦ ਕੁਝ ਖਾਮੀਆਂ ਨਜ਼ਰ ਨਹੀਂ ਆਉਂਦੀਆਂ। ਇਸ ਲਈ ਉਨ੍ਹਾਂ ਨੇ ਇਕ ਸ਼ਰਧਾਲੂ ਬਣ ਕੇ ਯਾਤਰਾ ਵਿਵਸਥਾਵਾਂ ਦਾ ਖ਼ੁਦ ਅਨੁਭਵ ਕੀਤਾ। ਉਨ੍ਹਾਂ ਇਹ ਵੀ ਕਿਹਾ ਕਿ ਇਹ ਅਨੁਭਵ ਭਵਿੱਖ 'ਚ ਯਾਤਰਾ ਨੂੰ ਸ਼ਰਧਾਲੂਆਂ ਲਈ ਸੁਖਾਲਾ ਬਣਾਉਣ ਦੇ ਯਤਰਾਂ 'ਚ ਮਦਦਗਾਰ ਹੋਵੇਗਾ।