ਸ਼੍ਰੀਲੰਕਾ 'ਚ 69 ਲੋਕਾਂ ਦੀ ਜਾਨ ਲੈਣ ਮਗਰੋਂ ਭਾਰਤ ਵੱਲ ਆ ਰਿਹੈ 'ਦਿਤਵਾ' ! Alert ਜਾਰੀ, ਸਕੂਲ-ਕਾਲਜ ਬੰਦ

Saturday, Nov 29, 2025 - 11:24 AM (IST)

ਸ਼੍ਰੀਲੰਕਾ 'ਚ 69 ਲੋਕਾਂ ਦੀ ਜਾਨ ਲੈਣ ਮਗਰੋਂ ਭਾਰਤ ਵੱਲ ਆ ਰਿਹੈ 'ਦਿਤਵਾ' ! Alert ਜਾਰੀ, ਸਕੂਲ-ਕਾਲਜ ਬੰਦ

ਇੰਟਰਨੈਸ਼ਨਲ ਡੈਸਕ- ਚੱਕਰਵਾਤੀ ਤੂਫਾਨ ‘ਦਿਤਵਾ’ ਨੇ ਸ਼੍ਰੀਲੰਕਾ ’ਚ ਭਿਆਨਕ ਤਬਾਹੀ ਮਚਾਈ ਹੈ ਅਤੇ ਹੁਣ ਤੱਕ 69 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ, ਜਦਕਿ 21 ਲੋਕ ਲਾਪਤਾ ਅਤੇ 14 ਜ਼ਖ਼ਮੀ ਹਨ। ਆਫਤ ਪ੍ਰਬੰਧਨ ਕੇਂਦਰ ਅਨੁਸਾਰ ਚੱਕਰਵਾਤੀ ਤੂਫਾਨ ਨਾਲ ਲੱਗਭਗ 50,000 ਲੋਕ ਪ੍ਰਭਾਵਿਤ ਹੋਏ ਹਨ।

ਕੇਲਾਨੀ ਨਦੀ ਘਾਟੀ ਦੇ ਕਈ ਹੇਠਲੇ ਇਲਾਕਿਆਂ ’ਚ ਅਗਲੇ 48 ਘੰਟਿਆਂ ਦੇ ਅੰਦਰ ਹੜ੍ਹ ਦਾ ਖਦਸ਼ਾ ਪ੍ਰਗਟਾਉਂਦੇ ਹੋਏ ਰਾਜਧਾਨੀ ਕੋਲੰਬੋ ਸਮੇਤ ਕਈ ਖੇਤਰਾਂ ਨੂੰ ਅਲਰਟ ’ਤੇ ਰੱਖਿਆ ਗਿਆ ਹੈ। ਇਸ ਦਰਮਿਆਨ ਭਾਰਤ ਨੇ ਸ਼੍ਰੀਲੰਕਾ ’ਚ ਆਪ੍ਰੇਸ਼ਨ ‘ਸਾਗਰ ਬੰਧੂ’ ਸ਼ੁਰੂ ਕਰ ਕੇ ਤਤਕਾਲ ਰਾਹਤ ਸਮੱਗਰੀ ਦੀ ਪਹਿਲੀ ਖੇਪ ਭੇਜੀ ਹੈ।

ਓਧਰ, ਤੂਫਾਨ ‘ਦਿਤਵਾ’ ਨੇ ਚੇਨਈ ਤਟ ਵੱਲ ਵਧਣਾ ਸ਼ੁਰੂ ਕਰ ਦਿੱਤਾ। ਮੌਸਮ ਵਿਭਾਗ ਨੇ ਤਾਮਿਲਨਾਡੂ ’ਚ ਅਗਲੇ 3 ਦਿਨਾਂ ਲਈ ਬਹੁਤ ਭਾਰੀ ਮੀਂਹ ਦਾ ਅੰਦਾਜ਼ਾ ਪ੍ਰਗਟਾਇਆ ਹੈ ਅਤੇ ਕਈ ਜ਼ਿਲਿਆਂ ਲਈ ਰੈੱਡ ਤੇ ਓਰੈਂਜ ਅਲਰਟ ਜਾਰੀ ਕੀਤਾ ਹੈ। ਇਸ ਦੌਰਾਨ ਤਾਮਿਲਨਾਡੂ ਦੇ ਕਈ ਜ਼ਿਲ੍ਹਿਆਂ 'ਚ ਸੁਰੱਖਿਆ ਦੇ ਮੱਦੇਨਜ਼ਰ ਸਕੂਲ-ਕਾਲਜ ਬੰਦ ਕਰਨ ਦੇ ਨਿਰਦੇਸ਼ ਜਾਰੀ ਕੀਤੇ ਗਏ ਹਨ ਤੇ ਨਾਲ ਹੀ ਮਛੇਰਿਆਂ ਨੂੰ ਸਮੁੰਦਰ ਵੱਲ ਨਾ ਜਾਣ ਦੀ ਅਪੀਲ ਕੀਤੀ ਗਈ ਹੈ।


author

Harpreet SIngh

Content Editor

Related News