ਸਰਹੱਦ 'ਤੇ ਹੋਈ ਤਾਇਨਾਤੀ ਤਾਂ ਰੋਣ ਲੱਗੇ ਚੀਨੀ ਫੌਜੀ, ਵੀਡੀਓ 'ਚ ਦਾਅਵਾ

ਤਾਇਪੇ - ਲੱਦਾਖ ਵਿਚ ਭਾਰਤ ਅਤੇ ਚੀਨ ਵਿਚਾਲੇ ਜਾਰੀ ਤਣਾਅ ਘੱਟ ਹੋਣ ਦਾ ਨਾਂ ਨਹੀਂ ਲੈ ਰਿਹਾ। ਦੋਵੇਂ ਦੇਸ਼ ਇਸ ਇਲਾਕੇ ਵਿਚ ਸਰਦੀਆਂ ਸ਼ੁਰੂ ਹੋਣ ਦੇ ਬਾਵਜੂਦ ਆਪਣੇ ਫੌਜੀਆਂ ਦੀ ਗਿਣਤੀ ਨੂੰ ਦਿਨੋਂ-ਦਿਨ ਵਧਾ ਰਹੇ ਹਨ। ਇਸ ਵਿਚਾਲੇ ਚੀਨੀ ਫੌਜ ਦੇ ਜਵਾਨਾਂ ਦੀ ਇਕ ਵੀਡੀਓ ਕਾਫੀ ਵਾਇਰਲ ਹੋ ਰਹੀ ਹੈ ਜਿਸ ਵਿਚ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਫੌਜੀ ਭਾਰਤ ਦੀ ਸਰਹੱਦ 'ਤੇ ਆਪਣੀ ਪੋਸਟਿੰਗ ਹੋਣ ਕਾਰਨ ਰੋ ਰਹੇ ਹਨ। ਇਸ ਵੀਡੀਓ ਨੂੰ ਪਹਿਲਾਂ ਚੀਨੀ ਸੋਸ਼ਲ ਮੀਡੀਆ ਵੀ-ਚੈਟ 'ਤੇ ਪੋਸਟ ਕੀਤਾ ਗਿਆ ਸੀ ਪਰ ਬੇਇੱਜ਼ਤੀ ਹੋਣ ਦੇ ਡਰ ਕਾਰਨ ਚੀਨੀ ਪ੍ਰਸ਼ਾਸਨ ਨੇ ਇਸ ਨੂੰ ਡਿਲੀਟ ਕਰ ਦਿੱਤਾ ਸੀ।

ਭਾਰਤ ਸਰਹੱਦ 'ਤੇ ਤਾਇਨਾਤੀ ਦੌਰਾਨ ਰੌਂਦੇ ਦਿਖੇ ਚੀਨੀ ਫੌਜੀ
ਤਾਈਵਾਨ ਨਿਊਜ਼ ਦੀ ਰਿਪੋਰਟ ਵਿਚ ਦਾਅਵਾ ਕੀਤਾ ਗਿਆ ਹੈ ਕਿ ਇਸ ਵੀਡੀਓ ਨੂੰ ਫੂਯਾਂਗ ਰੇਲਵੇ ਸਟੇਸ਼ਨ ਜਾਂਦੇ ਵੇਲੇ ਬਸ ਵਿਚ ਸ਼ੂਟ ਕੀਤਾ ਗਿਆ ਸੀ। ਫੌਜ ਵਿਚ ਭਰਤੀ ਇਨਾਂ ਨਵੇਂ ਜਵਾਨਾਂ ਨੂੰ ਇਥੋਂ ਟ੍ਰੇਨਿੰਗ ਤੋਂ ਬਾਅਦ ਭਾਰਤੀ ਨਾਲ ਲੱਗਦੀ ਸਰਹੱਦ 'ਤੇ ਪੋਸਟਿੰਗ ਲਈ ਭੇਜਿਆ ਜਾ ਰਿਹਾ ਸੀ। ਇਨਾਂ ਜਵਾਨਾਂ ਨੂੰ ਪਹਿਲਾਂ ਹੁਬੇਈ ਸੂਬੇ ਦੇ ਇਕ ਮਿਲਟਰੀ ਕੈਂਪ ਜਾਣਾ ਸੀ। ਉਥੇ ਇਨਾਂ ਦੀ ਪੋਸਟਿੰਗ ਭਾਰਤੀ ਸਰਹੱਦ 'ਤੇ ਹੋਣੀ ਸੀ।

上车后被告知上前线
炮灰们哭的稀里哗啦！pic.twitter.com/wHLMqFeKIa

— 自由的鐘聲🗽 (@waynescene) September 20, 2020

ਵੀ-ਚੈਟ ਤੋਂ ਚੀਨੀ ਸਰਕਾਰ ਨੇ ਡਿਲੀਟ ਕਰਵਾਈ ਸੀ ਪੋਸਟ
ਇਸ ਵੀਡੀਓ ਨੂੰ ਪਹਿਲੀ ਵਾਰ ਫੂਯਾਂਗ ਸਿਟੀ ਵੀਕਲੀ ਦੇ ਵੀ-ਚੈਟ ਪੇਜ਼ 'ਤੇ ਪੋਸਟ ਕੀਤਾ ਗਿਆ ਸੀ। ਪਰ ਬਾਅਦ ਵਿਚ ਬੇਇੱਜ਼ਤੀ ਦੇ ਡਰ ਨਾਲ ਜਲਦੀ ਡਿਲੀਟ ਕਰਾ ਦਿੱਤਾ ਗਿਆ। ਫੂਯਾਂਗ ਸਿਟੀ ਵੀਕਲੀ ਦੇ ਪੋਸਟ ਵਿਚ ਚੀਨ ਦੇ ਅਨਹੁਈ ਸੂਬੇ ਦੇ ਫੂਯਾਂਗ ਸਿਟੀ ਵਿਚ ਸਥਿਤ ਯਿੰਗਝੋਓ ਜ਼ਿਲੇ ਦੇ ਰਹਿਣ ਵਾਲੇ ਇਨਾਂ 10 ਰੰਗਰੂਟਾਂ ਨੂੰ ਦਿਖਾਇਆ ਗਿਆ ਸੀ। ਇਹ ਉਹੀ ਰੰਗਰੂਟ ਸਨ ਜੋ ਇਸ ਵੀਡੀਓ ਵਿਚ ਰੋਂਦੇ ਹੋਏ ਦਿਖਾਈ ਦੇ ਰਹੇ ਹਨ।

ਕਾਲਜ ਦੇ ਵਿਦਿਆਰਥੀ ਹਨ ਇਹ ਰੰਗਰੂਟ
ਵੀਡੀਓ ਵਿਚ ਦਿਖਾਈ ਦੇ ਰਹੇ ਚੀਨੀ ਫੌਜ ਦੇ ਰੰਗਰੂਟ ਕਾਲਜ ਦੇ ਵਿਦਿਆਰਥੀ ਹਨ। ਇਨਾਂ ਦੀ ਟੀਮ ਵਿਚੋਂ 5 ਜਵਾਨ ਤਿੱਬਤ ਵਿਚ ਸੇਵਾ ਕਰਨ ਲਈ ਸਵੈ-ਇੱਛਾ ਨਾਲ ਸਵੈ-ਸੇਵਕ ਵੀ ਰਹਿ ਚੁੱਕੇ ਹਨ। ਵੀਡੀਓ ਵਿਚ ਚੀਨੀ ਫੌਜੀ ਲੜਖੜਾਉਂਦੀ ਆਵਾਜ਼ ਵਿਚ ਚੀਨੀ ਫੌਜ ਪੀ. ਐੱਲ. ਏ. ਦਾ ਗੀਤ 'ਗ੍ਰੀਨ ਫਲਾਵਰਸ ਇਨ ਦਿ ਆਰਮੀ' ਗਾਉਂਦੇ ਦਿਖਾਈ ਦੇ ਰਹੇ ਹਨ। ਇਸ ਦੌਰਾਨ ਰੋਣ ਕਾਰਨ ਉਨ੍ਹਾਂ ਦੇ ਮੂੰਹ ਤੋਂ ਆਵਾਜ਼ ਨਹੀਂ ਨਿਕਲ ਰਹੀ ਹੈ।

ਗਲਵਾਨ ਝੜਪ ਤੋਂ ਬਾਅਦ ਚੀਨੀ ਫੌਜ ਵਿਚ ਡਰ ਦਾ ਮਾਹੌਲ
ਗਲਵਾਨ ਵਿਚ ਭਾਰਤੀ ਫੌਜ ਦੇ ਨਾਲ 15 ਜੂਨ ਨੂੰ ਹੋਈ ਝੜਪ ਤੋਂ ਬਾਅਦ ਹੀ ਚੀਨੀ ਫੌਜ ਵਿਚ ਡਰ ਦਾ ਮਾਹੌਲ ਹੈ। ਉਨ੍ਹਾਂ ਦੇ ਫੌਜੀ ਭਾਰਤੀ ਫੌਜੀਆਂ ਨਾਲ ਭਿੜਣ ਤੋਂ ਹੁਣ ਘਬਰਾਉਂਦੇ ਹੋਏ ਦਿਖ ਰਹੇ ਹਨ। ਇਸ ਦੀ ਤਾਜ਼ਾ ਉਦਾਹਰਣ ਪੈਂਗੋਂਗ ਝੀਲ ਦੇ ਦੱਖਣੀ ਹਿੱਸੇ ਵਿਚ ਦੇਖਣ ਨੂੰ ਮਿਲੀ ਹੈ। ਜਿਥੇ ਭਾਰਤੀ ਫੌਜ ਨੇ ਕਈ ਚੋਟੀਆਂ 'ਤੇ ਕਬਜ਼ਾ ਕਰ ਲਿਆ ਹੈ।