ਦੋ ਰੂਹਾਂ ਇਕ ਜਾਨ: 4 ਹੱਥ ਅਤੇ 2 ਸਿਰ ਵਾਲੇ ਜੁੜਵਾ ਭਰਾਵਾਂ ਨੇ ਦੁਨੀਆ ਨੂੰ ਕਿਹਾ ਅਲਵਿਦਾ

ਬਾਲੋਦਾਬਾਜ਼ਾਰ (ਛੱਤੀਸਗੜ੍ਹ)— ਬਾਲੋਦਾਬਾਜ਼ਾਰ ਦੇ ਖੰਡਾ ਪਿੰਡ 'ਚ ਰਹਿਣ ਵਾਲੇ ਜੁੜਵਾ ਭਰਾਵਾਂ ਸ਼ਿਵਨਾਥ ਅਤੇ ਸ਼ਿਵਰਾਮ ਦੀ ਅਨੋਖੀ ਜੋੜੀ ਹੁਣ ਨਜ਼ਰ ਨਹੀਂ ਆਵੇਗੀ। ਸ਼ਨੀਵਾਰ ਦੇਰ ਰਾਤ ਅਚਾਨਕ ਤਬੀਅਤ ਵਿਗੜ ਜਾਣ ਕਾਰਨ ਦੋਵਾਂ ਦੀ ਮੌਤ ਹੋ ਗਈ। ਫਿਲਹਾਲ ਮੌਤ ਸ਼ੱਕੀ ਹਾਲਾਤਾਂ 'ਚ ਹੋਣ ਕਾਰਨ ਪੁਲਸ ਵੀ ਘਟਨਾ ਦੀ ਜਾਂਚ ਕਰ ਰਹੀ ਹੈ। ਸ਼ਿਵਰਾਮ ਅਤੇ ਸ਼ਿਵਨਾਥ ਦੇ ਪਰਿਵਾਰਕ ਮੈਂਬਰਾਂ ਅਨੁਸਾਰ ਬੀਤੀ ਰਾਤ ਇਨ੍ਹਾਂ ਭਰਾਵਾਂ ਨੂੰ ਤੇਜ਼ ਬੁਖਾਰ ਸੀ। ਜਦੋਂ ਸਵੇਰੇ ਪਰਿਵਾਰਕ ਮੈਂਬਰ ਉਨ੍ਹਾਂ ਦੇ ਕਮਰੇ 'ਚ ਪਹੁੰਚੇ ਤਾਂ ਦੋਵਾਂ ਦੀ ਮੌਤ ਹੋ ਚੁੱਕੀ ਸੀ। ਦੋਵਾਂ ਦੀ ਉਮਰ 20 ਸਾਲ ਸੀ। ਦੱਸ ਦੇਈਏ ਕਿ ਇਨ੍ਹਾਂ ਦੋਹਾਂ ਜੁੜਵਾ ਬੱਚਿਆਂ ਨੂੰ ਵੇਖਣ ਲਈ ਦੇਸ਼-ਵਿਦੇਸ਼ ਤੋਂ ਲੋਕ ਆਉਂਦੇ ਸਨ ਪਰ ਅੱਜ ਇਹ ਮਾਸੂਮ ਬੱਚੇ ਇਸ ਦੁਨੀਆ ਵਿਚ ਨਹੀਂ ਹਨ। 

ਇਹ ਵੀ ਪੜ੍ਹੋ : ਲਖੀਮਪੁਰ ਹਿੰਸਾ: ਸੰਯੁਕਤ ਕਿਸਾਨ ਮੋਰਚਾ ਨੇ ਬਣਾਈ 7 ਐਡਵੋਕੇਟਾਂ ਦੀ ਕਮੇਟੀ, ਅਦਾਲਤ ’ਚ ਰੱਖੇਗੀ ਕਿਸਾਨਾਂ ਦਾ ਪੱਖ

ਦਸੰਬਰ 2001 ਵਿੱਚ ਜਨਮੇ ਸ਼ਿਵਨਾਥ ਅਤੇ ਸ਼ਿਵਰਾਮ ਸਰੀਰ ਨਾਲ ਜੁੜੇ ਹੋਏ ਸਨ। ਦੋਹਾਂ ਦੇ 2 ਸਿਰ, 4 ਹੱਥ ਅਤੇ 2 ਲੱਤਾਂ ਸਨ। ਸ਼ਿਵਰਾਮ ਅਤੇ ਸ਼ਿਵਨਾਥ ਆਪਣੇ ਸਾਰੇ ਕੰਮ ਇਕੱਠੇ ਕਰਦੇ ਸਨ। ਸਕੂਟਰ ਦੀ ਸਵਾਰੀ ਹੋਵੇ, ਨਹਾਉਣਾ ਹੋਵੇ, ਸਕੂਲ ਜਾਣਾ ਹੋਵੇ। ਦੋਹਾਂ ਦਾ ਜੁੜਿਆ ਸਰੀਰ ਮਿਲ ਕੇ ਕੰਮ ਕਰਦਾ ਸੀ। ਇਸ ਕਾਰਨ ਉਹ ਦੇਸ਼ ਅਤੇ ਦੁਨੀਆ ਵਿਚ ਦੋ ਰੂਹਾਂ ਇਕ ਜਾਨ ਦੇ ਨਾਮ ਨਾਲ ਜਾਣੇ ਜਾਂਦੇ ਹਨ। ਮਨੁੱਖੀ ਸਰੀਰ ਦੀ ਵਿਲੱਖਣ ਬਣਤਰ 'ਤੇ ਖੋਜ ਕਰਨ ਵਾਲੀਆਂ ਕਈ ਵਿਦੇਸ਼ੀ ਟੀਮਾਂ ਵੀ ਬਾਲੋਦਾਬਾਜ਼ਾਰ ਆਈਆਂ ਸਨ ਅਤੇ ਸ਼ਿਵਨਾਥ ਅਤੇ ਸ਼ਿਵਰਾਮ ਨੂੰ ਮਿਲੀਆਂ ਸਨ। ਦੋਵੇਂ ਪਹਿਲਾਂ ਮੁਸਕਰਾ ਕੇ ਲੋਕਾਂ ਨੂੰ ਮਿਲਦੇ ਸਨ, ਹੁਣ ਉਨ੍ਹਾਂ ਦੀ ਅਚਾਨਕ ਹੋਈ ਮੌਤ ਨੇ ਖੰਡਾ ਪਿੰਡ ਦੇ ਲੋਕਾਂ ਨੂੰ ਵੀ ਸੋਗ ਦੇ ਦਿੱਤਾ ਹੈ।

ਇਹ ਵੀ ਪੜ੍ਹੋ : ਦੁਖ਼ਦ ਖ਼ਬਰ: ਸਾਬਕਾ ਮਿਸ ਕੇਰਲ ਅਤੇ ਦੂਜੇ ਸਥਾਨ ’ਤੇ ਰਹੀ ਕੁੜੀ ਦੀ ਸੜਕ ਹਾਦਸੇ ’ਚ ਮੌਤ

ਦੋਵਾਂ ਨੇ ਕਿਹਾ ਕਿ ਅਸੀਂ ਵੱਖ ਨਹੀਂ ਹੋਵਾਂਗੇ। ਜੁੜਵਾਂ ਸਰੀਰ ਹੋਣ ਕਾਰਨ ਦੋਵਾਂ ਨੂੰ ਕਾਫੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਰੋਜ਼ਾਨਾ ਦੇ ਕੰਮਾਂ ਵਿਚ ਵੀ ਮੁਸ਼ਕਲ ਆਈ ਪਰ ਹਾਲ ਹੀ ਵਿੱਚ ਇਕ ਇੰਟਰਵਿਊ ਵਿੱਚ ਦੋਵਾਂ ਨੇ ਕਿਹਾ ਸੀ ਕਿ ਉਹ ਵੱਖ ਨਹੀਂ ਹੋਣਾ ਚਾਹੁੰਦੇ ਹਨ। ਕਈ ਮਸ਼ਹੂਰ ਮੈਡੀਕਲ ਸੰਸਥਾਵਾਂ ਨੇ ਉਸ ਦੇ ਸਰੀਰ ਦੀ ਜਾਂਚ ਕੀਤੀ ਹੈ। ਹਾਲਾਂਕਿ ਡਾਕਟਰਾਂ ਨੇ ਕਿਹਾ ਸੀ ਕਿ ਦੋਵਾਂ ਦੇ ਸਰੀਰਾਂ ਨੂੰ ਵੱਖ ਕਰਨ ਵਿੱਚ ਸਿਹਤ ਨਾਲ ਸਬੰਧਤ ਕਈ ਜੋਖਮ ਦੇ ਕਾਰਕ ਹੋ ਸਕਦੇ ਹਨ। ਇਸ ਲਈ ਪਰਿਵਾਰਕ ਮੈਂਬਰ ਫਿਲਹਾਲ ਉਨ੍ਹਾਂ ਦੀਆਂ ਲਾਸ਼ਾਂ ਨੂੰ ਵੱਖ ਕਰਨ ਬਾਰੇ ਵਿਚਾਰ ਨਹੀਂ ਕਰ ਰਹੇ ਸਨ। ਦੋਵੇਂ ਭਰਾ ਵੀ ਨਹੀਂ ਚਾਹੁੰਦੇ ਸਨ ਕਿ ਉਹ ਅਜਿਹੀ ਸਰਜਰੀ ਤੋਂ ਵੱਖ ਹੋ ਜਾਣ। ਉਹ ਤਮਾਮ ਮੁਸ਼ਕਿਲਾਂ ਦੇ ਬਾਵਜੂਦ ਵੀ ਇਕੱਠੇ ਖੁਸ਼ੀ ਨਾਲ ਆਪਣੀ ਜ਼ਿੰਦਗੀ ਬਤੀਤ ਕਰ ਰਹੇ ਸਨ।

ਇਹ ਵੀ ਪੜ੍ਹੋ : ਅਯੁੱਧਿਆ ’ਚ ਦੀਵਾਲੀ ਦੀਪ ਉਤਸਵ ਦਾ ਹੋਇਆ ‘ਸ਼੍ਰੀਗਣੇਸ਼’, 12 ਲੱਖ ਦੀਵੇ ਰਚਣਗੇ ਨਵਾਂ ਵਿਸ਼ਵ ਰਿਕਾਰਡ

ਓਧਰ ਪਿੰਡ ਵਾਸੀਆਂ ਦਾ ਕਹਿਣਾ ਹੈ ਕਿ ਦੋਵੇਂ ਬੱਚੇ ਪਿੰਡ ਦਾ ਮਾਣ ਸਨ। ਦੋਹਾਂ ਦੀਆਂ ਕਿਲਕਾਰੀਆਂ ਨਾਲ ਪਿੰਡ ਹਮੇਸ਼ਾ ਗੂੰਜਦਾ ਰਹਿੰਦਾ ਸੀ। ਦੋਵੇਂ ਸ਼ਰਾਰਤੀ ਹੋਣ ਦੇ ਨਾਲ-ਨਾਲ ਮਿਲਣਸਾਰ ਸਨ। ਦੋਹਾਂ ਤੋਂ ਜਦੋਂ ਪੁੱਛਿਆ ਜਾਂਦਾ ਸੀ ਕਿ ਕੀ ਤੁਸੀਂ ਵੱਖ ਹੋਣਾ ਚਾਹੁੰਦੇ ਹੋ ਤਾਂ ਦੋਵੇਂ ਕਹਿੰਦੇ ਸਨ ਕਿ ਅਸੀਂ ਇਕੱਠਿਆਂ ਹੀ ਜ਼ਿੰਦਗੀ ਬਿਤਾਵਾਂਗੇ। ਦੋਹਾਂ ਬੱਚਿਆਂ ਦੀ ਸੋਸ਼ਲ ਮੀਡੀਆ ’ਚ ਵੀ ਖੂਬ ਪ੍ਰਸਿੱਧੀ ਸੀ। ਕਈ ਚੈਨਲਾਂ ’ਚ ਇਨ੍ਹਾਂ ਦੀ ਜ਼ਿੰਦਗੀ ਦੀ ਕਹਾਣੀ ਨੂੰ ਲੋਕਾਂ ਨੇ ਖੂਬ ਸਰਾਹਿਆ ਹੈ। ਦੋਹਾਂ ਦੀ ਮੌਤ ਕਾਰਨ ਪੂਰਾ ਪਿੰਡ ਸੋਗ ਵਿਚ ਡੁੱਬ ਗਿਆ ਹੈ। ਪਿੰਡ ਵਿਚ ਹੀ ਉਨ੍ਹਾਂ ਨੂੰ ਮੁੱਖ ਅਗਨੀ ਦਿੱਤੀ ਗਈ। 

ਇਹ ਵੀ ਪੜ੍ਹੋ : ਰਾਕੇਸ਼ ਟਿਕੈਤ ਦਾ ਵੱਡਾ ਫ਼ੈਸਲਾ, ਕੇਂਦਰ ਸਰਕਾਰ ਨੂੰ ਦਿੱਤਾ 26 ਨਵੰਬਰ ਤੱਕ ਦਾ ਅਲਟੀਮੇਟਮ