ਚੀਨ ਨੇ ਮੰਗਿਆ ਵੈਕਸੀਨ ਟ੍ਰਾਇਲ ਦਾ ਖਰਚ, ਬੰਗਲਾਦੇਸ਼ ਨੇ ਭਾਰਤ ਤੋਂ ਮੰਗੇ ਕੋਰੋਨਾ ਟੀਕੇ

ਨਵੀਂ ਦਿੱਲੀ- ਚੀਨ ਸਿਰਫ ਭਾਰਤ ਨਾਲ ਹੀ ਨਹੀਂ ਹੋਰ ਦੇਸ਼ਾਂ ਨਾਲ ਵੀ ਧੋਖਾ ਕਰਦਾ ਹੈ। ਇੱਥੇ ਭਾਰਤ ਨੇ ਵੱਡਾ ਦਿਲ ਦਿਖਾਉਂਦੇ ਹੋਏ ਆਪਣੇ ਗੁਆਂਢੀ ਦੇਸ਼ਾਂ ਨੂੰ ਮੁਫਤ ’ਚ ਕੋਰੋਨਾ ਵੈਕਸੀਨ ਦੀ ਲੱਖਾਂ ਡੋਜ਼ ਦਿੱਤੀ ਹੈ। ਉੱਥੇ ਹੀ ਦੂਜੇ ਪਾਸੇ ਚੀਨ ਆਪਣੇ ਸਹਿਯੋਗੀ ਦੇਸ਼ਾਂ ਤੋਂ ਕਲੀਨੀਕਲ ਟ੍ਰਾਇਲ ਲਈ ਵੀ ਖਰਚ ਮੰਗ ਰਿਹਾ ਹੈ। ਚੀਨ ਦੀ ਇਸ ਹਰਕਤ ਦੇ ਚੱਲਦੇ ਬੰਗਲਾਦੇਸ਼ ਨੇ ਭਾਰਤ ਤੋਂ ਵੈਕਸੀਨ ਮੰਗੀ ਹੈ। ਬੰਗਲਾਦੇਸ਼ ਦੀ ਪ੍ਰਧਾਨ ਮੰਤਰੀ ਸ਼ੇਖ ਹਸੀਨਾ ਦੇ ਇਕ ਵਾਰ ਕਹਿਣ ’ਤੇ ਹੀ ਭਾਰਤ ਨੇ ਉਸ ਨੂੰ 20 ਲੱਖ ਤੋਂ ਜ਼ਿਆਦਾ ਕੋਰੋਨਾ ਵੈਕਸੀਨ ਦੀ ਡੋਜ਼ ਭੇਜੀ ਹੈ। ਉੱਥੇ ਹੀ ਸ਼ੇਖ ਹਸੀਨਾ ਨੇ ਆਪਣੇ ਦੇਸ਼ ਨੂੰ ਤੋਹਫੇ ਦੇ ਰੂਪ ’ਚ ਮਿਲੀ ਇਸ ਵੈਕਸੀਨ ਦੇ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਧੰਨਵਾਦ ਕੀਤਾ ਹੈ।

ਭਾਰਤ ਤੋਂ ਵੈਕਸੀਨ ਖਰੀਦੇਗਾ ਵੀ ਬੰਗਲਾਦੇਸ਼
ਭਾਰਤ ਨੇ ਵੀਰਵਾਰ ਨੂੰ ‘ਕੋਵਿਡਸ਼ੀਲਡ’ ਟੀਕੇ ਦੀ 20 ਲੱਖ ਤੋਂ ਜ਼ਿਆਦਾ ਖੁਰਾਕ ਰਸਮੀ ਰੂਪ ਨਾਲ ਬੰਗਲਾਦੇਸ਼ ਨੂੰ ਸੌਂਪੀ। ਇਹ ਟੀਕਾ ਭਾਰਤ ’ਚ ਬਣਾਇਆ ਗਿਆ ਹੈ। ਹਸੀਨ ਨੇ ਢਾਕਾ ਯੂਨੀਵਰਸਿਟੀ ਦੇ ਸ਼ਤਾਬਦੀ ਸਾਲ ਦੇ ਯਾਦਗਾਰ ’ਚ ਆਯੋਜਿਤ ਇਕ ਅੰਤਰਰਾਸ਼ਟਰੀ ਆਨਲਾਈਨ ਪ੍ਰੋਗਰਾਮ ’ਚ ਕਿਹਾ ਕਿ ਸਾਨੂੰ ਤੋਹਫੇ ਦੇ ਰੂਪ ’ਚ ਟੀਕਾ ਭੇਜਣ ਦੇ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਧੰਨਵਾਦ ਕਰਦੀ ਹਾਂ। ਤੋਹਫੇ ਦੇ ਰੂਪ ’ਚ ਮਿਲੀ ਟੀਕੇ ਦੀ ਖੇਪ ਤਿੰਨ ਕਰੋੜ ਖੁਰਾਕ ਦੀ ਖਰੀਦ ਵੀ ਕਰਨ ਵਾਲੇ ਹਨ। ਹਸੀਨ ਨੇ ਉਮੀਦ ਜਤਾਈ ਹੈ ਕਿ ਭਾਰਤ ਤੋਂ ਬੰਗਲਾਦੇਸ਼ ਵਲੋਂ ਖਰੀਦੇ ਗਏ ਟੀਕੇ 25-26 ਜਨਵਰੀ ਤੱਕ ਪਹੁੰਚ ਜਾਣਗੇ।

ਨੋਟ- ਇਸ ਖਬਰ ਸਬੰਧੀ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ।