''''1 ਮਹੀਨੇ ''ਚ ਹਿੰਦੀ ਸਿੱਖ ਲੈ ਨਹੀਂ ਤਾਂ..!'''', ਅਫ਼ਰੀਕੀ ਕੋਚ ਨੂੰ ਧਮਕੀ ਦੇਣ ਵਾਲੀ ਭਾਜਪਾ ਕੌਂਸਲਰ ਨੂੰ ਮੰਗਣੀ ਪਈ ਮੁਆਫ਼ੀ

ਨਵੀਂ ਦਿੱਲੀ : ਦਿੱਲੀ ਦੇ ਪਟਪੜਗੰਜ ਤੋਂ ਭਾਜਪਾ ਕੌਂਸਲਰ ਰੇਣੂ ਚੌਧਰੀ ਨੇ ਇੱਕ ਅਫ਼ਰੀਕੀ ਫੁੱਟਬਾਲ ਕੋਚ ਨੂੰ ਹਿੰਦੀ ਨਾ ਬੋਲਣ ਕਾਰਨ ਧਮਕਾਉਣ ਦੇ ਮਾਮਲੇ ਵਿੱਚ ਮੰਗਲਵਾਰ ਨੂੰ ਜਨਤਕ ਤੌਰ 'ਤੇ ਮੁਆਫ਼ੀ ਮੰਗ ਲਈ ਹੈ। ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈ ਇੱਕ ਵੀਡੀਓ ਵਿੱਚ ਚੌਧਰੀ ਨੂੰ ਕੋਚ ਨੂੰ ਇਹ ਚਿਤਾਵਨੀ ਦਿੰਦੇ ਹੋਏ ਦੇਖਿਆ ਗਿਆ ਸੀ ਕਿ ਉਹ ਇੱਕ ਮਹੀਨੇ ਦੇ ਅੰਦਰ ਹਿੰਦੀ ਸਿੱਖ ਲਵੇ ਜਾਂ ਦਿੱਲੀ ਛੱਡ ਦੇਵੇ।

ਇਹ ਘਟਨਾ ਮਯੂਰ ਵਿਹਾਰ ਦੇ 'ਲਵਲੀ ਪਾਰਕ' ਵਿੱਚ ਵਾਪਰੀ, ਜਿੱਥੇ ਇੱਕ ਅਫ਼ਰੀਕੀ ਨਾਗਰਿਕ ਬੱਚਿਆਂ ਨੂੰ ਫੁੱਟਬਾਲ ਦੀ ਕੋਚਿੰਗ ਦੇ ਰਿਹਾ ਸੀ। ਸਥਾਨਕ ਲੋਕਾਂ ਅਨੁਸਾਰ, ਇਹ ਕੋਚ ਪਿਛਲੇ 15 ਸਾਲਾਂ ਤੋਂ ਇਲਾਕੇ ਦੇ ਲੋੜਵੰਦ ਬੱਚਿਆਂ ਨੂੰ ਟ੍ਰੇਨਿੰਗ ਦੇ ਰਿਹਾ ਹੈ।

ਵੀਡੀਓ ਵਾਇਰਲ ਹੋਣ ਅਤੇ ਚੌਤਰਫਾ ਆਲੋਚਨਾ ਹੋਣ ਤੋਂ ਬਾਅਦ, ਦਿੱਲੀ ਭਾਜਪਾ ਦੇ ਪ੍ਰਧਾਨ ਵੀਰੇਂਦਰ ਸਚਦੇਵਾ ਨੇ ਕੌਂਸਲਰ ਨੂੰ ਤਲਬ ਕੀਤਾ। ਸਚਦੇਵਾ ਨੇ ਕਿਹਾ ਕਿ ਖੇਡਾਂ ਦੀ ਕੋਈ ਭਾਸ਼ਾ ਨਹੀਂ ਹੁੰਦੀ ਅਤੇ ਕੌਂਸਲਰ ਦਾ ਵਿਵਹਾਰ ਬਿਲਕੁਲ ਗਲਤ ਸੀ। ਉਨ੍ਹਾਂ ਕੌਂਸਲਰ ਨੂੰ ਪਾਰਟੀ ਹਾਈਕਮਾਂਡ ਦੇ ਨਿਰਦੇਸ਼ਾਂ 'ਤੇ ਆਪਣੀ ਗਲਤੀ ਸੁਧਾਰਨ ਲਈ ਕਿਹਾ।

Social Media has a funny way of humbling people.

This absolutely arrogant foul mouth BJP councillor had to apologise after her video harassing and threatening an African man went viral on the internet, it even reached Africa.

Result : She had to apologise.

This is why I say,… https://t.co/V7tg3ZiYD4 pic.twitter.com/7fx9V2HUfT

— Roshan Rai (@RoshanKrRaii) December 23, 2025

ਪਾਰਟੀ ਪ੍ਰਧਾਨ ਨਾਲ ਮੁਲਾਕਾਤ ਤੋਂ ਬਾਅਦ, ਰੇਣੂ ਚੌਧਰੀ ਨੇ ਇੱਕ ਵੀਡੀਓ ਜਾਰੀ ਕਰਕੇ ਅਫ਼ਸੋਸ ਪ੍ਰਗਟ ਕੀਤਾ। ਉਨ੍ਹਾਂ ਕਿਹਾ, "ਜੇਕਰ ਮੇਰੀ ਭਾਸ਼ਾ ਨਾਲ ਕਿਸੇ ਦੀਆਂ ਭਾਵਨਾਵਾਂ ਨੂੰ ਠੇਸ ਪਹੁੰਚੀ ਹੈ, ਤਾਂ ਮੈਂ ਮੁਆਫ਼ੀ ਮੰਗਦੀ ਹਾਂ। ਮੈਂ ਚਾਹੁੰਦੀ ਹਾਂ ਕਿ ਬੱਚੇ ਪਾਰਕ ਵਿੱਚ ਖੇਡਦੇ ਰਹਿਣ ਅਤੇ ਅਸੀਂ ਉੱਥੇ ਸਾਰੀਆਂ ਲੋੜੀਂਦੀਆਂ ਸਹੂਲਤਾਂ ਦੇਵਾਂਗੇ।"

ਇਸ ਤੋਂ ਪਹਿਲਾਂ ਚੌਧਰੀ ਨੇ ਦਾਅਵਾ ਕੀਤਾ ਸੀ ਕਿ ਕੋਚ ਬਿਨਾਂ ਇਜਾਜ਼ਤ ਵਪਾਰਕ ਗਤੀਵਿਧੀਆਂ ਕਰ ਰਿਹਾ ਸੀ ਅਤੇ ਭਾਸ਼ਾ ਦੇ ਪਾੜੇ ਕਾਰਨ ਐਮ.ਸੀ.ਡੀ (MCD) ਸਟਾਫ ਨੂੰ ਕੰਮ ਕਰਨ ਵਿੱਚ ਮੁਸ਼ਕਲ ਆ ਰਹੀ ਸੀ। ਭਾਜਪਾ ਨੇ ਸਥਾਨਕ ਇਕਾਈ ਨੂੰ ਕੋਚ ਅਤੇ ਬੱਚਿਆਂ ਨਾਲ ਮੁਲਾਕਾਤ ਕਰਨ ਅਤੇ ਪਾਰਕ ਵਿੱਚ ਸਹੂਲਤਾਂ ਦਾ ਜਾਇਜ਼ਾ ਲੈਣ ਦੇ ਨਿਰਦੇਸ਼ ਵੀ ਦਿੱਤੇ ਹਨ।