ਨਵੇਂ ਸਾਲ ਦੇ ਜਸ਼ਨ ’ਚ ਆਨਲਾਈਨ ਆਰਡਰ ’ਚ ਬਿਰਯਾਨੀ ਟਾਪ ’ਤੇ, ਦੌੜ ’ਚ ਪਿੱਛੇ ਰਹਿ ਗਿਆ ਪੀਜ਼ਾ

ਨੈਸ਼ਨਲ ਡੈਸਕ- ਨਵੇ ਸਾਲ ਦੀ ਪੂਰਵ ਸੰਧਿਆ ’ਤੇ ਆਨਲਾਈਨ ਫੂਡ ਡਿਲੀਵਰੀ ਪਲੇਟਫਾਰਮ ਬੈਕ-ਟੂ-ਬੈਕ ਆਰਡਰਾਂ ਨਾਲ ਬੇਹੱਦ ਰੁੱਝਿਆ ਰਿਹਾ। ਜ਼ੋਮੈਟੋ ਅਤੇ ਸਵਿਗੀ ਨੇ ਖੁਲਾਸਾ ਕੀਤਾ ਕਿ ਉਨ੍ਹਾਂ ਨੂੰ ਭਾਰਤੀ ਸ਼ਹਿਰਾਂ ਤੋਂ 5 ਲੱਖ ਤੋਂ ਵੱਧ ਆਰਡਰ ਮਿਲੇ ਅਤੇ ਡਿਲੀਵਰ ਕੀਤੇ ਗਏ ਕਿਉਂਕਿ ਲੋਕਾਂ ਨੇ ਆਪਣੇ ਮਨਪਸੰਦ ਭੋਜਨ ਖਾਣ ਲਈ ਨਵੇਂ ਸਾਲ ਦੀਆਂ ਪਾਰਟੀਆਂ ਦੀ ਯੋਜਨਾ ਬਣਾਈ। ਨਵੇਂ ਸਾਲ ਦੀ ਸ਼ਾਮ ਦੇ ਅੰਕੜਿਆਂ ਨੂੰ ਸਾਂਝਾ ਕਰਦੇ ਹੋਏ, ਸਵਿਗੀ ਅਤੇ ਜ਼ੋਮੈਟੋ ਦੋਵਾਂ ਨੇ ਸਾਂਝਾ ਕੀਤਾ ਕਿ ਭਾਰਤੀ ਪਾਰਟੀ ਲਈ ਕੀ ਆਰਡਰ ਕਰ ਰਹੇ ਸਨ। ਸਵਿਗੀ ਨੇ ਖੁਲਾਸਾ ਕੀਤਾ ਕਿ ਉਸ ਦੀ ਡਿਲੀਵਰੀ ਟੀਮ ਨੇ 2022 ਦੇ ਆਖਰੀ ਦਿਨ ਦੇਸ਼ ਭਰ ’ਚ ਸਭ ਤੋਂ ਵੱਧ 3.5 ਲੱਖ ਬਿਰਯਾਨੀ ਅਤੇ 2.5 ਲੱਖ ਪੀਜ਼ਾ ਡਿਲੀਵਰ ਕੀਤੇ।

15 ਟਨ ਬਿਰਯਾਨੀ ਦੇ ਆਰਡਰ

ਦੂਜੇ ਪਾਸੇ ਜ਼ੋਮੈਟੋ ਨੂੰ 16,514 ਬਿਰਯਾਨੀ ਦੇ ਆਰਡਰ ਮਿਲੇ ਹਨ, ਜੋ ਕਿ 31 ਦਸੰਬਰ ਨੂੰ ਲਗਭਗ 15 ਟਨ ਹੈ। ਜ਼ੋਮੈਟੋ ਦੇ ਸੀਈਓ ਦੀਪਿੰਦਰ ਗੋਇਲ ਨੇ ਟਵੀਟ ਕੀਤਾ ਕਿ ਭਾਰਤ ਦੇ ਖੂਬਸੂਰਤ ਲੋਕਾਂ ਨੂੰ ਖੁਸ਼ ਕਰਨ ਲਈ ਹਿੱਸੇਦਾਰ। ਖਾਣ ’ਚ ਜਿੱਥੇ ਬਿਰਯਾਨੀ ਸਭ ਤੋਂ ਉਪਰ ਸੀ, ਉਥੇ ਪੀਜ਼ਾ ਨੇ ਵੀ ਰੈਸਟੋਰੈਂਟ ਨੂੰ ਬਲਕ ਆਰਡਰ ਨਾਲ ਰੁੱਝਿਆ ਰੱਖਿਆ। ਸਵਿਗੀ ਨੇ ਟਵੀਟ ਕੀਤਾ, \"@ਡੋਮਿਨੋਜ਼_ਇੰਡੀਆ, 61,287 ਪੀਜ਼ਾ ਡਿਲੀਵਰ ਕੀਤੇ ਜਾ ਚੁੱਕੇ ਹਨ, ਅਸੀਂ ਸਿਰਫ ਕਲਪਨਾ ਕਰ ਸਕਦੇ ਹਾਂ ਕਿ ਓਰੇਗੈਨੋ ਦੇ ਕਿੰਨੇ ਪੈਕੇਟ ਜਾ ਰਹੇ ਹਨ।’’ ਨਾ ਸਿਰਫ ਰੈਸਟੋਰੈਂਟਾਂ ਤੋਂ ਖਾਣਾ ਹੀ ਨਹੀਂ, ਲੋਕਾਂ ਨੇ ਫੂਡ ਡਿਲਿਵਰੀ ਕੰਪਨੀਆਂ ਤੋਂ ਚਿਪਸ ਸਮੇਤ ਪਾਰਟੀ ਸਪਲਾਈ ਦਾ ਆਰਡਰ ਵੀ ਕੀਤਾ। ਸਵਿਗੀ ਨੇ ਸ਼ੇਅਰ ਕੀਤਾ, ਨਾਚੋਸ ਦੇ 13,984 ਪੈਕੇਟ, 14,453 ਨਿੰਬੂ, 14,890 ਸੋਡਾ ਨੂੰ ਹੁਣ ਤੱਕ ਡਿਲੀਵਰ ਕੀਤਾ ਜਾ ਚੁੱਕਾ ਹੈ।

ਆਰਡਰ ’ਚ 47 ਫੀਸਦੀ ਹੋਇਆ ਵਾਧਾ

ਜੋਮੈਟੋ ਨੇ ਇਹ ਵੀ ਸਾਂਝਾ ਕੀਤਾ ਕਿ ਕੰਪਨੀ ਨੇ ਪਿਛਲੇ ਸਾਲ ਦੇ ਮੁਕਾਬਲੇ ਨਵੇਂ ਸਾਲ ਦੀ ਸ਼ਾਮ ’ਤੇ ਆਰਡਰਾਂ ’ਚ 47 ਫੀਸਦੀ ਵਾਧਾ ਦੇਖਿਆ ਗਿਆ ਹੈ। ਡਿਲੀਵਰੀ ਦੀ ਖੁਸ਼ੀ ’ਚ ਸ਼ਾਮਲ ਹੋ ਕੇ ਜ਼ੋਮੈਟੋ ਦੇ ਸੀਈਓ ਦੀਪਿੰਦਰ ਗੋਇਲ ਡਿਲੀਵਰੀ ਬਾਈਕ ’ਤੇ ਸਵਾਰ ਹੋ ਗਏ ਅਤੇ ਇਕ ਦਿਨ ਲਈ ਡਿਲੀਵਰੀ ਏਜੰਟ ਬਣ ਗਏ। ਉਨ੍ਹਾਂ ਨੇ ਮਾਈਕ੍ਰੋ ਬਲਾਗਿੰਗ ਵੈੱਬਸਾਈਟ ’ਤੇ ਲਿਖਿਆ ਕਿ ਫਿਲਹਾਲ ਮੈਂ ਖੁਦ ਕੁਝ ਆਰਡਰ ਡਿਲੀਵਰ ਕਰਨ ਜਾ ਰਿਹਾ ਹਾਂ। ਇਕ-ਇਕ ਘੰਟੇ ’ਚ ਵਾਪਸ ਆ ਜਾਣਾ ਚਾਹੀਦਾ ਹੈ। ਦਿਲਚਸਪ ਗੱਲ ਇਹ ਹੈ ਕਿ, ਉਨ੍ਹਾਂ ਨੇ ਆਪਣਾ ਪਹਿਲਾ ਫੂਡ ਆਰਡਰ ਜ਼ੋਮੈਟੋ ਦੇ ਹੈੱਡਕੁਆਰਟਰ ’ਤੇ ਡਿਲੀਵਰ ਕੀਤਾ।