ਸਿਹਤ ਮੰਤਰੀ ਨੂੰ ਨਹੀਂ ਪਛਾਣ ਸਕੇ ਪੁਲਸ ਅਧਿਕਾਰੀ, ਗੁੱਸੇ ''ਚ ਮੁਅੱਤਲ ਕਰਨ ਦੀ ਦਿੱਤੀ ਧਮਕੀ

ਸੀਵਾਨ— ਬਿਹਾਰ ਦੇ ਸਾਬਕਾ ਭਾਜਪਾ ਪ੍ਰਦੇਸ਼ ਪ੍ਰਧਾਨ ਅਤੇ ਮੌਜੂਦਾ ਸਿਹਤ ਮੰਤਰੀ ਮੰਗਲ ਪਾਂਡੇ ਨੂੰ ਇਕ ਪੁਲਸ ਅਧਿਕਾਰੀ ਨਹੀਂ ਪਛਾਣ ਸਕਿਆ ਅਤੇ ਉਨ੍ਹਾਂ ਨੂੰ ਪ੍ਰੋਗਰਾਮ 'ਚ ਜਾਣ ਤੋਂ ਰੋਕ ਦਿੱਤਾ। ਇਸ ਤੋਂ ਬਾਅਦ ਗੁੱਸੇ 'ਚ ਮੰਤਰੀ ਜੀ ਨੇ ਉਸ ਨੂੰ ਮੁਅੱਤਲ ਕਰਨ ਦੀ ਧਮਕੀ ਦੇ ਦਿੱਤੀ। ਦਰਅਸਲ ਵੀਰਵਾਰ ਨੂੰ ਹਸਪਤਾਲ ਦੇ ਉਦਘਾਟਨ ਪ੍ਰੋਗਰਾਮ 'ਚ ਰਾਜਪਾਲ ਸਮੇਤ ਸਿਹਤ ਮੰਤਰੀ ਸੀਵਾਨ ਪੁੱਜੇ ਸਨ। ਇਸ ਦੌਰਾਨ ਇਕ ਰਾਜਪਾਲ ਦੀ ਸੁਰੱਖਿਆ 'ਚ ਲੱਗੇ ਇਕ ਪੁਲਸ ਅਧਿਕਾਰੀ ਨੇ ਉਨ੍ਹਾਂ ਨੂੰ ਨਹੀਂ ਪਛਾਣ ਪਾਉਣ ਕਾਰਨ ਪ੍ਰੋਗਰਾਮ 'ਚ ਜਾਣ ਤੋਂ ਰੋਕ ਦਿੱਤਾ। ਇਸ 'ਤੇ ਮੰਗਲ ਪਾਂਡੇ ਨਾਰਾਜ਼ ਹੋ ਗਏ ਅਤੇ ਉਨ੍ਹਾਂ ਨੇ ਏ.ਐੱਸ.ਆਈ. ਗਣੇਸ਼ ਚੌਹਾਨ ਨੂੰ ਮੁਅੱਤਲ ਕਰਨ ਦੀ ਧਮਕੀ ਦਿੱਤੀ।

#WATCH Bihar Health Minister Mangal Pandey asks for suspension of a police officer who fails to recognise the minister; The police officer was deputed for security at the foundation stone laying ceremony of a hospital in Siwan yesterday. pic.twitter.com/gsG71WwsdD

— ANI (@ANI) February 15, 2020

ਰਾਜਪਾਲ ਫਾਗੂ ਚੌਹਾਨ ਦੀ ਸੁਰੱਖਿਆ ਦੇ ਮੱਦੇਨਜ਼ਰ ਪੁਲਸ ਹਰ ਕਿਸੇ ਦੀ ਤਲਾਸ਼ੀ ਲੈ ਰਹੀ ਸੀ ਅਤੇ ਵੀ.ਆਈ.ਪੀ. ਦੇ ਵੀ ਅੰਦਰ ਜਾਣ 'ਤੇ ਬਾਰੀਕ ਨਜ਼ਰ ਰੱਖ ਰਹੀ ਸੀ। ਇਸ ਵਿਚ ਬਿਹਾਰ ਸਰਕਾਰ ਦੇ ਸਿਹਤ ਮੰਤਰੀ ਮੰਗਲ ਪਾਂਡੇ ਦੀ ਵਾਰੀ ਆਈ ਤਾਂ ਡਿਊਟੀ 'ਤੇ ਤਾਇਨਾਤ ਏ.ਐੱਸ.ਆਈ. ਗਣੇਸ਼ ਚੌਹਾਨ ਨੇ ਉਨ੍ਹਾਂ ਨੂੰ ਪ੍ਰੋਗਰਾਮ ਦੇ ਅੰਦਰ ਜਾਣ ਤੋਂ ਰੋਕ ਦਿੱਤਾ। ਇਸ 'ਤੇ ਮੰਤਰੀ ਮੰਗਲ ਪਾਂਡੇ ਦਾ ਗੁੱਸਾ 7ਵੇਂ ਆਸਮਾਨ 'ਤੇ ਪਹੁੰਚ ਗਿਆ। ਉਨ੍ਹਾਂ ਨੇ ਗੁੱਸੇ 'ਚ ਡਿਊਟੀ 'ਤੇ ਤਾਇਨਾਤ ਏ.ਐੱਸ.ਆਈ. ਨੂੰ ਜੰਮ ਕੇ ਫਟਕਾਰ ਲਗਾਈ ਅਤੇ ਮੁਅੱਤਲ ਕਰਨ ਦੀ ਧਮਕੀ ਦੇ ਦਿੱਤੀ। ਉਨ੍ਹਾਂ ਨੇ ਐੱਸ.ਡੀ.ਪੀ.ਓ. ਜਿਤੇਂਦਰ ਪਾਂਡੇ ਤੋਂ ਏ.ਐੱਸ.ਆਈ. ਗਣੇਸ਼ ਚੌਹਾਨ ਨੂੰ ਤੁਰੰਤ ਸਸਪੈਂਡ ਕਰਨ ਨੂੰ ਕਿਹਾ।