ਵੱਡਾ ਧਮਾਕਾ ; CRPF ਜਵਾਨ ਹੋਇਆ ਸ਼ਹੀਦ, 2 ਹੋਰ ਜ਼ਖ਼ਮੀ

ਨੈਸ਼ਨਲ ਡੈਸਕ : ਝਾਰਖੰਡ ਦੇ ਪੱਛਮੀ ਸਿੰਘਭੂਮ ਜ਼ਿਲ੍ਹੇ ਦੇ ਸ਼ੁੱਕਰਵਾਰ ਨੂੰ ਸੰਘਣੇ ਸਰੰਡਾ ਜੰਗਲ ਵਿੱਚ ਹੋਏ ਦੋ ਆਈਈਡੀ ਧਮਾਕੇ ਵਿੱਚ ਸੀਆਰਪੀਐਫ 60ਵੀਂ ਬਟਾਲੀਅਨ ਦੇ ਜਵਾਨ ਗੰਭੀਰ ਜ਼ਖਮੀ ਹੋ ਗਏ। ਹੈੱਡ ਕਾਂਸਟੇਬਲ (ਜੀਡੀ) ਮਹਿੰਦਰ ਲਸ਼ਕਰ ਦੀ ਬੀਤੀ ਰਾਤ ਇਲਾਜ ਦੌਰਾਨ ਮੌਤ ਹੋ ਗਈ। ਸ਼ਹੀਦ ਸਿਪਾਹੀ ਅਸਾਮ ਦਾ ਰਹਿਣ ਵਾਲਾ ਸੀ। ਇਸ ਦੌਰਾਨ ਇੰਸਪੈਕਟਰ (ਜੀਡੀ) ਕੇ.ਕੇ. ਮਿਸ਼ਰਾ ਅਤੇ ਏਐਸਆਈ (ਜੀਡੀ) ਰਾਮਕ੍ਰਿਸ਼ਨ ਗਗਰਾਈ ਜ਼ਖਮੀ ਹੋ ਗਏ ਹਨ ਅਤੇ ਉਨ੍ਹਾਂ ਦਾ ਅਪੋਲੋ ਹਸਪਤਾਲ ਰੁੜਕੇਲਾ ਵਿੱਚ ਇਲਾਜ ਚੱਲ ਰਿਹਾ ਹੈ। ਦੋਵਾਂ ਦੀ ਹਾਲਤ ਹੁਣ ਖ਼ਤਰੇ ਤੋਂ ਬਾਹਰ ਦੱਸੀ ਜਾ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਜ਼ਖਮੀ ਸਿਪਾਹੀ ਰਾਮਕ੍ਰਿਸ਼ਨ ਗਗਰਾਈ ਖਰਸਾਵਾਂ ਦੇ ਵਿਧਾਇਕ ਦਸ਼ਰਥ ਗਗਰਾਈ ਦਾ ਭਰਾ ਹੈ।
ਇੱਕ ਸੀਨੀਅਰ ਪੁਲਸ ਅਧਿਕਾਰੀ ਨੇ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਕਿਹਾ ਕਿ ਇਹ ਵਿਸਫੋਟਕ ਪਾਬੰਦੀਸ਼ੁਦਾ ਸੀਪੀਆਈ (ਮਾਓਵਾਦੀ) ਦੁਆਰਾ ਲਗਾਏ ਗਏ ਸਨ, ਜੋ ਝਾਰਖੰਡ ਵਿੱਚ ਸੁਰੱਖਿਆ ਬਲਾਂ ਨੂੰ ਨਿਸ਼ਾਨਾ ਬਣਾਉਣ ਲਈ 'ਵਿਰੋਧ ਹਫ਼ਤਾ' ਮਨਾ ਰਿਹਾ ਹੈ। 
ਡਿਪਟੀ ਇੰਸਪੈਕਟਰ ਜਨਰਲ ਆਫ਼ ਪੁਲਸ (ਕੋਲਹਨ) ਅਨੁਰੰਜਨ ਕਿਸਪੋਟਾ ਨੇ ਦੱਸਿਆ ਕਿ ਝਰੀਆਕੇਲਾ ਪੁਲਸ ਸਟੇਸ਼ਨ ਖੇਤਰ ਦੇ ਅਧੀਨ ਬਾਬੂਡੀਹ ਖੇਤਰ ਵਿੱਚ ਹੋਏ ਧਮਾਕਿਆਂ ਵਿੱਚ ਕੇਂਦਰੀ ਰਿਜ਼ਰਵ ਪੁਲਸ ਫੋਰਸ (ਸੀਆਰਪੀਐਫ) ਦਾ ਇੱਕ ਇੰਸਪੈਕਟਰ ਅਤੇ ਇੱਕ ਜਵਾਨ ਜ਼ਖਮੀ ਹੋ ਗਏ ਸਨ। ਉਨ੍ਹਾਂ ਕਿਹਾ ਕਿ ਜ਼ਖਮੀ ਇੰਸਪੈਕਟਰ ਨੂੰ ਗੁਆਂਢੀ ਓਡੀਸ਼ਾ ਦੇ ਰਾਉਰਕੇਲਾ ਦੇ ਇੱਕ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਸੀ।
 ਝਾਰਖੰਡ ਪੁਲਸ ਨੇ 8 ਅਕਤੂਬਰ ਨੂੰ ਸੀਪੀਆਈ (ਮਾਓਵਾਦੀ) ਵੱਲੋਂ ਸ਼ੁਰੂ ਕੀਤੇ ਗਏ 'ਵਿਰੋਧ ਹਫ਼ਤੇ' ਦੇ ਮੱਦੇਨਜ਼ਰ ਰਾਜ ਭਰ ਵਿੱਚ ਸੁਰੱਖਿਆ ਸਖ਼ਤ ਕਰ ਦਿੱਤੀ ਹੈ। ਸੰਗਠਨ ਨੇ 15 ਅਕਤੂਬਰ ਨੂੰ ਬੰਦ ਦਾ ਸੱਦਾ ਵੀ ਦਿੱਤਾ ਹੈ। ਪੁਲਸ ਇੰਸਪੈਕਟਰ ਜਨਰਲ (ਆਪਰੇਸ਼ਨ) ਮਾਈਕਲ ਰਾਜ ਨੇ ਵੀਰਵਾਰ ਨੂੰ ਦੱਸਿਆ ਸੀ ਕਿ ਸੁਰੱਖਿਆ ਵਧਾਉਣ ਲਈ ਕੇਂਦਰੀ ਰਿਜ਼ਰਵ ਪੁਲਸ ਫੋਰਸ ਦੀਆਂ 12 ਬਟਾਲੀਅਨਾਂ ਅਤੇ ਝਾਰਖੰਡ ਆਰਮਡ ਪੁਲਿਸ (ਜੇਏਪੀ) ਤੇ ਭਾਰਤੀ ਰਿਜ਼ਰਵ ਬਟਾਲੀਅਨ (ਆਈਆਰਬੀ) ਦੀਆਂ 20 ਟੁਕੜੀਆਂ ਤਾਇਨਾਤ ਕੀਤੀਆਂ ਗਈਆਂ ਹਨ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8