ਸਾਈਬਰ ਠੱਗੀ ਦਾ ਵੱਡਾ ਪਰਦਾਫਾਸ਼: ਵਟਸਐਪ ''ਤੇ ''ਬੌਸ'' ਬਣ ਕੇ ਮਾਰੀ 5.30 ਕਰੋੜ ਦੀ ਠੱਗੀ, 17 ਗ੍ਰਿਫਤਾਰ

ਨੈਸ਼ਨਲ ਡੈਸਕ : ਰਾਜਸਥਾਨ ਪੁਲਸ ਨੇ ਇੱਕ ਵੱਡੇ ਅੰਤਰਰਾਜੀ ਸਾਈਬਰ ਠੱਗ ਗਿਰੋਹ ਦਾ ਪਰਦਾਫਾਸ਼ ਕਰਦਿਆਂ 17 ਸਾਈਬਰ ਠੱਗਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਇਨ੍ਹਾਂ ਮੁਲਜ਼ਮਾਂ ਨੇ ਵਟਸਐਪ 'ਤੇ ਇੱਕ ਕੰਪਨੀ ਦੇ ਚੇਅਰਮੈਨ ਦੀ ਫੋਟੋ ਅਤੇ ਨਾਮ ਦੀ ਵਰਤੋਂ ਕਰਕੇ ਅਕਾਊਂਟੈਂਟ ਨੂੰ ਧੋਖੇ ਵਿੱਚ ਰੱਖਿਆ ਅਤੇ 5 ਕਰੋੜ 30 ਲੱਖ ਰੁਪਏ ਦੀ ਠੱਗੀ ਮਾਰੀ। ਸਾਈਬਰ ਅਪਰਾਧ ਦੇ ਡੀਆਈਜੀ ਸ਼ਾਂਤਨੂ ਕੁਮਾਰ ਸਿੰਘ ਨੇ ਦੱਸਿਆ ਕਿ ਅਕਾਊਂਟੈਂਟ ਦੀਪੇਂਦਰ ਸਿੰਘ ਨੇ 24 ਅਪ੍ਰੈਲ 2026 ਨੂੰ ਸ਼ਿਕਾਇਤ ਦਰਜ ਕਰਵਾਈ ਸੀ। ਦੀਪੇਂਦਰ ਨੂੰ ਕੰਪਨੀ ਦੇ ਮਾਲਕ ਦੇ ਨਾਮ ਅਤੇ ਫੋਟੋ ਵਾਲੇ ਇੱਕ ਦੂਜੇ ਵਟਸਐਪ ਨੰਬਰ ਤੋਂ ਮੈਸੇਜ ਮਿਲਿਆ, ਜਿਸ ਵਿੱਚ ਦੋ ਵੱਖ-ਵੱਖ ਬੈਂਕ ਖਾਤਿਆਂ ਵਿੱਚ ਤੁਰੰਤ ਪੈਸੇ ਜਮ੍ਹਾਂ ਕਰਾਉਣ ਦੇ ਨਿਰਦੇਸ਼ ਦਿੱਤੇ ਗਏ ਸਨ। ਆਪਣੇ ਬੌਸ 'ਤੇ ਭਰੋਸਾ ਕਰ ਕੇ ਅਕਾਊਂਟੈਂਟ ਨੇ 5.30 ਕਰੋੜ ਰੁਪਏ ਜਮ੍ਹਾਂ ਕਰ ਦਿੱਤੇ, ਜੋ ਬਾਅਦ ਵਿੱਚ ਠੱਗੀ ਨਿਕਲੇ।
ਪੁਲਸ ਜਾਂਚ ਵਿੱਚ ਸਾਹਮਣੇ ਆਇਆ ਕਿ ਠੱਗੀ ਦੀ ਰਕਮ ਕਈ ਬੈਂਕ ਖਾਤਿਆਂ ਵਿੱਚ ਘੁਮਾਈ ਗਈ ਅਤੇ ਬਾਅਦ ਵਿੱਚ ਨਕਦੀ ਕਢਵਾ ਕੇ 'USDT' (ਕ੍ਰਿਪਟੋਕੁਰੰਸੀ) ਅਤੇ ਹਵਾਲਾ ਰਾਹੀਂ ਟਿਕਾਣੇ ਲਗਾਈ ਗਈ। ਪੁਲਸ ਨੇ ਕੋਟਾ, ਪਾਲੀ, ਬਾਂਸਵਾੜਾ, ਜੋਧਪੁਰ ਅਤੇ ਬਾੜਮੇਰ ਪੁਲਿਸ ਦੇ ਸਹਿਯੋਗ ਨਾਲ ਕਾਰਵਾਈ ਕਰਦੇ ਹੋਏ ਉਹਨਾਂ ਲੋਕਾਂ ਨੂੰ ਫੜਿਆ ਹੈ ਜੋ ਬੈਂਕ ਖਾਤੇ ਮੁਹੱਈਆ ਕਰਵਾਉਣ, ਨਕਦੀ ਕਢਵਾਉਣ ਅਤੇ ਕ੍ਰਿਪਟੋ ਰਾਹੀਂ ਪੈਸੇ ਟ੍ਰਾਂਸਫਰ ਕਰਨ ਦਾ ਕੰਮ ਕਰਦੇ ਸਨ।
ਫੜੇ ਗਏ 17 ਮੁਲਜ਼ਮਾਂ ਵਿੱਚ ਕੋਟਾ, ਬਾਂਸਵਾੜਾ, ਜੋਧਪੁਰ, ਪਾਲੀ ਅਤੇ ਬਾੜਮੇਰ ਦੇ ਵਸਨੀਕ ਸ਼ਾਮਲ ਹਨ। ਹੈਰਾਨੀਜਨਕ ਗੱਲ ਇਹ ਹੈ ਕਿ ਇਹਨਾਂ ਵਿੱਚ ਵਕਾਲਤ ਦਾ ਇੱਕ ਵਿਦਿਆਰਥੀ, ਸੈਲੂਨ ਕਰਮਚਾਰੀ ਅਤੇ ਆਟੋ ਪਾਰਟਸ ਵੇਚਣ ਵਾਲਾ ਦੁਕਾਨਦਾਰ ਵੀ ਸ਼ਾਮਲ ਹਨ। ਪੁਲਸ ਅਨੁਸਾਰ, ਇਹ ਲੋਕ ਸ਼ੱਕ ਤੋਂ ਬਚਣ ਲਈ ਬੈਂਕ ਖਾਤੇ, ਚੈੱਕਬੁੱਕ ਅਤੇ ਡੈਬਿਟ ਕਾਰਡ ਦੇ ਲੈਣ-ਦੇਣ ਲਈ ਚਾਹ ਦੀਆਂ ਦੁਕਾਨਾਂ 'ਤੇ ਮਿਲਦੇ ਸਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e