ਧਾਰਮਿਕ ਪ੍ਰੋਗਰਾਮ ਦੌਰਾਨ ਵੱਡਾ ਹਾਦਸਾ! 120 ਫੁੱਟ ਉੱਚਾ ਰੱਥ ਡਿੱਗਾ, ਹਜ਼ਾਰਾਂ ਸ਼ਰਧਾਲੂ ਲੈ ਰਹੇ ਸੀ ਹਿੱਸਾ

ਬੈਂਗਲੁਰੂ, (ਇੰਟ.)- ਇਥੇ ਅਨੇਕਲ ਦੇ ਨੇੜੇ ਇਕ ਧਾਰਮਿਕ ਅਤੇ ਸੱਭਿਆਚਾਰਕ ਪ੍ਰੋਗਰਾਮ ਦੌਰਾਨ ਸ਼ਨੀਵਾਰ ਨੂੰ 120 ਫੁੱਟ ਉੱਚਾ ਮੰਦਰ ਦਾ ਰੱਥ ਡਿੱਗ ਗਿਆ। ਜਦੋਂ ਇਹ ਘਟਨਾ ਵਾਪਰੀ ਤਾਂ 10 ਤੋਂ ਵੱਧ ਪਿੰਡਾਂ ਦੇ ਹਜ਼ਾਰਾਂ ਸ਼ਰਧਾਲੂ ਹੁਸਕੁਰ ਮਦੂਰੰਮਾ ਮੰਦਰ ਦੇ ਸਾਲਾਨਾ ਮੇਲੇ ’ਚ ਹਿੱਸਾ ਲੈ ਰਹੇ ਸਨ।

#WATCH | Karnataka: Devotees had a narrow escape after a temple chariot fell while it was being carried during the Madduramma Devi Jatre festival at Bengaluru's Huskur. pic.twitter.com/RJ8LtB1w7Z

— ANI (@ANI) April 6, 2024

ਸੈਂਕੜੇ ਸ਼ਰਧਾਲੂ ਚਾਰੇ ਪਾਸੇ ਬੰਨ੍ਹੀਆਂ ਰੱਸੀਆਂ ਦੀ ਮਦਦ ਨਾਲ ਵਿਸ਼ਾਲ ਅਤੇ ਸ਼ਾਨਦਾਰ ਤਰੀਕੇ ਨਾਲ ਸਜੇ ਰੱਥ ਨੂੰ ਚੁੱਕਣ ਦੀ ਕੋਸ਼ਿਸ਼ ਕਰ ਰਹੇ ਸਨ, ਤਾਂ ਇਸ ਦਾ ਸੰਤੁਲਨ ਵਿਗੜ ਗਿਆ ਅਤੇ ਜ਼ਮੀਨ ’ਤੇ ਆ ਡਿੱਗਾ। ਘਟਨਾ ’ਚ ਕਿਸੇ ਨੂੰ ਕੋਈ ਸੱਟ ਨਹੀਂ ਲੱਗੀ। ਬਾਅਦ ’ਚ ਟਰੈਕਟਰਾਂ ਅਤੇ ਬੈਲ ਗੱਡੀਆਂ ਦੀ ਮਦਦ ਨਾਲ ਰੱਥ ਨੂੰ ਵਾਪਸ ਉਸ ਦੀ ਮੂਲ ਸਥਿਤੀ ’ਚ ਲਿਆਂਦਾ ਗਿਆ। ਹੁਸਕੁਰ ਮਦੂਰੰਮਾ ਮੇਲਾ ਇਕ ਪ੍ਰਸਿੱਧ ਸਾਲਾਨਾ ਰੱਥ ਮੇਲਾ ਹੈ, ਜਿੱਥੇ ਇਹ ਰੱਥ ਮੁੱਖ ਆਕਰਸ਼ਣ ਹੁੰਦੇ ਹਨ। ਇਕ ਦਹਾਕਾ ਪਹਿਲਾਂ ਤੱਕ, ਸੌ ਤੋਂ ਵੱਧ ਰੱਥ ਇਸ ਪ੍ਰਸਿੱਧ ਤਿਉਹਾਰ ਦੀ ਸ਼ੋਭਾ ਵਧਾਉਂਦੇ ਸਨ ਪਰ ਹਾਲ ਹੀ ਦੇ ਸਾਲਾਂ ’ਚ ਇਹ ਗਿਣਤੀ ਬਹੁਤ ਘਟ ਕੇ ਸਿਰਫ 10 ਤੋਂ 15 ਰਹਿ ਗਈ ਹੈ।