SC ਦੇ ਕਾਲੇਜੀਅਮ ਦੀ ਸਿਫਾਰਸ਼, ਭੱਟਾਚਾਰਜੀ ਨੂੰ ਨਿਯੁਕਤ ਕੀਤਾ ਜਾਵੇ ਮੇਘਾਲਿਆ ਹਾਈ ਕੋਰਟ ਦਾ ਜੱਜ

ਸ਼ਿਲਾਂਗ- ਸੁਪਰੀਮ ਕੋਰਟ ਦੇ ਕਾਲੇਜੀਅਮ ਨੇ ਵਕੀਲ ਵਿਸ਼ਵਦੀਪ ਭੱਟਾਚਾਰਜੀ ਨੂੰ ਮੇਘਾਲਿਆ ਹਾਈ ਕੋਰਟ ਦੇ ਜੱਜ ਦੇ ਰੂਪ ’ਚ ਨਿਯੁਕਤ ਕਰਨ ਦੀ ਸਿਫਾਰਿਸ਼ ਕੀਤੀ ਹੈ। ਵਕੀਲ ਭੱਟਾਚਾਰਜੀ ਮੌਜੂਦਾ ’ਚ ਮੇਘਾਲਿਆ ਦੇ ਐਡੀਸ਼ਨਲ ਐਡਵੋਕੇਟ ਜਨਰਲ ਵੀ ਹਨ। ਭੱਟਾਚਾਰਜੀ ਦਾ ਨਾਂ ਜੱਜ ਲਈ 12 ਅਗਸਤ, 2022 ਨੂੰ ਮੇਘਾਲਿਆ ਹਾਈ ਕੋਰਟ ਦੇ ਕਾਲੇਜੀਅਮ ਵੱਲੋਂ ਪ੍ਰਸਤਾਵਿਤ ਕੀਤਾ ਗਿਆ ਸੀ। ਮੇਘਾਲਿਆ ਸੂਬੇ ਦੇ ਸੰਵਿਧਾਨਕ ਅਧਿਕਾਰੀਆਂ ਨੇ ਹਾਲਾਂਕਿ ਹਾਈ ਕੋਰਟ ਦੇ ਕਾਲੇਜੀਅਮ ਦੇ ਪ੍ਰਸਤਾਵ ’ਤੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਸੀ।

ਸੁਪਰੀਮ ਕੋਰਟ ਦੇ ਕਾਲੇਜੀਅਮ ਨੇ ਕਿਹਾ,‘‘ਉਮੀਦਵਾਰ (ਭੱਟਾਚਾਰਜੀ) ਕੋਲ ਬਾਰ ’ਚ ਲਗਭਗ 30 ਸਾਲਾਂ ਦਾ ਤਜਰਬਾ ਹੈ ਅਤੇ ਉਹ ਕਈ ਸਿਵਲ, ਅਪਰਾਧਿਕ, ਸੇਵਾ ਅਤੇ ਸੰਵਿਧਾਨਕ ਮਾਮਲਿਆਂ ’ਚ ਹਾਈ ਕੋਰਟ ਦੇ ਸਾਹਮਣੇ ਬਹਿਸ ਵੀ ਕਰ ਚੁੱਕੇ ਹਨ।’’ ਵਿਸ਼ਵਦੀਪ ਭੱਟਾਚਾਰਜੀ 2018 ਤੋਂ ਮੇਘਾਲਿਆ ਸਰਕਾਰ ਦੇ ਐਡੀਸ਼ਨਲ ਐਡਵੋਕੇਟ ਜਨਰਲ ਦਾ ਅਹੁਦਾ ਸੰਭਾਲ ਰਹੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8