ਵਾਦੀ 'ਚ ਅੱਤਵਾਦੀਆਂ ਦਾ ਛੇਤੀ ਸਫ਼ਾਇਆ ਕਰਨ ਦੇ ਫ਼ੌਜ ਮੁਖੀ ਉਪੇਂਦਰ ਦਿਵੇਦੀ ਨੇ ਦਿੱਤੇ ਸਾਫ਼ ਨਿਰਦੇਸ਼
Tuesday, Jul 23, 2024 - 07:22 AM (IST)
![](https://static.jagbani.com/multimedia/2024_7image_23_13_219022583amrychief.jpg)
ਨੈਸ਼ਨਲ ਡੈਸਕ : ਭਾਰਤੀ ਫ਼ੌਜ ਮੁਖੀ ਜਨਰਲ ਉਪੇਂਦਰ ਦਿਵੇਦੀ ਨੇ ਫ਼ੌਜ ਦੇ ਉੱਚ ਅਧਿਕਾਰੀਆਂ ਨਾਲ ਇਕ ਉੱਚ ਪੱਧਰੀ ਮੀਟਿੰਗ ਕੀਤੀ। ਉਨ੍ਹਾਂ ਨੇ ਉੱਤਰੀ ਫ਼ੌਜ ਦੇ ਕਮਾਂਡਰ ਲੈਫਟੀਨੈਂਟ ਜਨਰਲ ਐੱਮਵੀ ਸੁਚੀਦਰ ਕੁਮਾਰ ਨੂੰ ਕੋਈ ਵੀ ਫੈਸਲਾ ਲੈਣ ਦੀ ਖੁੱਲ੍ਹ ਦਿੱਤੀ ਹੈ। ਫ਼ੌਜ ਦੇ ਮੁਖੀ ਜਨਰਲ ਨੇ ਕਿਹਾ ਕਿ ਅੱਤਵਾਦੀਆਂ ਨੂੰ ਜਲਦੀ ਖਤਮ ਕੀਤਾ ਜਾਣਾ ਚਾਹੀਦਾ ਹੈ। ਕਸ਼ਮੀਰ 'ਚ ਇਸ ਸਮੇਂ 16ਵੀਂ ਕੋਰ ਦੇ ਕਮਾਂਡਰ ਅਤੇ ਉਨ੍ਹਾਂ ਦੇ ਨਾਲ ਡੈਲਟਾ ਅਤੇ ਰੋਮੀਓ ਫੋਰਸ ਦੇ ਕਮਾਂਡਰ ਨੂੰ ਅੱਤਵਾਦੀਆਂ ਨੂੰ ਖਤਮ ਕਰਨ ਦੇ ਸਿੱਧੇ ਨਿਰਦੇਸ਼ ਦਿੱਤੇ ਗਏ ਹਨ।
ਰਾਸ਼ਟਰੀ ਰਾਈਫਲਜ਼ ਦੇ ਜਵਾਨਾਂ ਦੀ ਹੈ ਤਾਇਨਾਤੀ
ਜੰਮੂ-ਕਸ਼ਮੀਰ ਪੁਲਸ ਦੀ SOG ਟੀਮ ਅੱਤਵਾਦੀਆਂ ਨੂੰ ਖਤਮ ਕਰਨ ਦੇ ਆਪ੍ਰੇਸ਼ਨ 'ਚ ਅਹਿਮ ਭੂਮਿਕਾ ਨਿਭਾਅ ਰਹੀ ਹੈ। ਉਹ ਖੁਫੀਆ ਜਾਣਕਾਰੀ ਇਕੱਠੀ ਕਰ ਰਹੇ ਹਨ ਅਤੇ ਭਾਰਤੀ ਫੌਜ ਦੀਆਂ ਵੱਖ-ਵੱਖ ਰਾਸ਼ਟਰੀ ਰਾਈਫਲ ਯੂਨਿਟਾਂ ਨਾਲ ਸਾਂਝੇ ਆਪਰੇਸ਼ਨ ਚਲਾ ਰਹੇ ਹਨ। ਵਰਤਮਾਨ ਵਿਚ ਭਾਰਤੀ ਫ਼ੌਜ ਦੀ ਰਾਸ਼ਟਰੀ ਰਾਈਫਲਜ਼ ਦੇ ਜਵਾਨ ਪੂਰੇ ਜੰਮੂ ਖੇਤਰ ਵਿਚ ਤਾਇਨਾਤ ਹਨ, ਜਿਨ੍ਹਾਂ ਦੀ ਗਿਣਤੀ ਹਜ਼ਾਰਾਂ ਵਿਚ ਹੈ।
ਇਹ ਵੀ ਪੜ੍ਹੋ : ਮੌਸਮ ਵਿਭਾਗ ਨੇ ਮਹਾਰਾਸ਼ਟਰ ਤੇ ਗੁਜਰਾਤ ਲਈ ਜਾਰੀ ਕੀਤਾ Red Alert, ਯੂਪੀ 'ਚ ਹੋਵੇਗੀ ਭਾਰੀ ਬਾਰਿਸ਼
ਫ਼ੌਜ ਦੀ ਕਾਰਵਾਈ ਕਾਰਨ ਅੱਤਵਾਦੀਆਂ 'ਚ ਖੌਫ਼
ਫ਼ੌਜ ਦੀ ਠੋਸ ਕਾਰਵਾਈ ਤੋਂ ਅੱਤਵਾਦੀ ਡਰੇ ਹੋਏ ਹਨ। ਇਸੇ ਕਾਰਨ ਅੱਜ ਅੱਤਵਾਦੀਆਂ ਨੇ ਸ਼ੌਰਿਆ ਚੱਕਰ ਨਾਲ ਸਨਮਾਨਿਤ ਪਿੰਡ ਦੇ ਰੱਖਿਆ ਗਾਰਡ ਪੁਰਸ਼ੋਤਮ ਕੁਮਾਰ ਦੇ ਘਰ ਨੇੜੇ ਭਾਰਤੀ ਫ਼ੌਜ ਦੀ ਰਾਸ਼ਟਰੀ ਰਾਈਫਲਜ਼ ਯੂਨਿਟ ਦੀ ਟੀਮ 'ਤੇ ਵੀ ਹਮਲਾ ਕੀਤਾ। ਇਸ ਦੇ ਮੱਦੇਨਜ਼ਰ ਫ਼ੌਜ ਨੇ ਅੱਤਵਾਦੀਆਂ ਨੂੰ ਚਾਰੋਂ ਪਾਸਿਓਂ ਘੇਰ ਲਿਆ ਹੈ।
ਫ਼ੌਜ ਦਾ ਸਾਥ ਦੇ ਰਹੀ ਪੁਲਸ ਤੇ SOG ਦੀ ਟੀਮ
ਦੱਸਣਯੋਗ ਹੈ ਕਿ ਇਹ ਆਪਰੇਸ਼ਨ ਵਾਦੀ ਵਿਚ ਅਤੇ ਐੱਲਓਸੀ ਦੇ ਨੇੜੇ ਇਸ ਲਈ ਚਲਾਏ ਜਾ ਰਹੇ ਹਨ ਕਿਉਂਕਿ ਇੱਥੋਂ ਦੇ ਲੋਕਾਂ ਨੂੰ ਭਾਰਤੀ ਫ਼ੌਜ ਵਿਚ ਵਿਸ਼ਵਾਸ ਹੈ। ਹਰ ਕੋਈ ਦਿਨ-ਰਾਤ ਭਾਰਤੀ ਫ਼ੌਜ ਦਾ ਸਾਥ ਦੇ ਰਿਹਾ ਹੈ। ਇਸ ਤੋਂ ਇਲਾਵਾ ਉਹ ਅੱਤਵਾਦੀਆਂ ਨੂੰ ਗੁਪਤ ਸੂਚਨਾਵਾਂ ਵੀ ਪ੍ਰਦਾਨ ਕਰ ਰਹੇ ਹਨ। ਇਸ ਵਿਚ ਸਥਾਨਕ ਲੋਕਾਂ ਦੇ ਨਾਲ-ਨਾਲ ਜੰਮੂ-ਕਸ਼ਮੀਰ ਪੁਲਸ ਦੀ SOG ਅਤੇ ਪਿੰਡ ਦੇ ਲੋਕਾਂ ਦਾ ਵੀ ਅਹਿਮ ਯੋਗਦਾਨ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8