App ਅਧਾਰਿਤ ਰਾਈਡ ਕੰਪਨੀਆਂ ਦੇ ਕਿਰਾਏ ਵੱਖੋ-ਵੱਖਰੋ ਕਿਉਂ? ਕਿਰਾਏ ਦੇ ਫਰਕ ਸਬੰਧੀ ਹੋਵੇਗੀ ਜਾਂਚ

ਵੈੱਬ ਡੈਸਕ : ਖਪਤਕਾਰ ਮਾਮਲਿਆਂ ਦੇ ਮੰਤਰੀ ਪ੍ਰਹਿਲਾਦ ਜੋਸ਼ੀ ਨੇ ਵੀਰਵਾਰ ਨੂੰ ਕਿਹਾ ਕਿ ਐਂਡਰਾਇਡ ਅਤੇ ਐਪਲ ਫੋਨਾਂ 'ਤੇ ਐਪਸ ਰਾਹੀਂ ਰਾਈਡ ਬੁਕਿੰਗ ਸੇਵਾਵਾਂ ਪ੍ਰਦਾਨ ਕਰਨ ਵਾਲੀਆਂ ਕੰਪਨੀਆਂ ਦੀ ਕਥਿਤ ਤੌਰ 'ਤੇ ਇੱਕੋ ਮੰਜ਼ਿਲ ਲਈ ਵੱਖ-ਵੱਖ ਕਿਰਾਏ ਵਸੂਲਣ ਦੀ ਜਾਂਚ ਕੀਤੀ ਜਾਵੇਗੀ। ਇਹ ਜਾਂਚ ਕੇਂਦਰੀ ਖਪਤਕਾਰ ਸੁਰੱਖਿਆ ਅਥਾਰਟੀ (ਸੀਸੀਪੀਏ) ਵੱਲੋਂ ਕੀਤੀ ਜਾਵੇਗੀ। ਦੱਸ ਦਈਏ ਕਿ ਬੀਤੇ ਸਮੇਂ ਵਿਚ ਦੇਸ਼ ਵਿਚ ਸਭ ਤੋਂ ਵਧੇਰੇ ਵਰਤੀਆਂ ਜਾਣ ਵਾਲੀਆਂ ਰਾਈਡ ਐਪਸ ਓਲਾ, ਓਬਰ ਤੇ ਰੈਪਿਡੋ ਉੱਤੇ ਵੱਖੋ-ਵੱਖਰੇ ਕਿਰਾਏ ਵਸੂਲੇ ਜਾਣ ਦੇ ਦੋਸ਼ ਲੱਗਦੇ ਰਹੇ ਹਨ।
 

Zero tolerance for consumer exploitation!!

This Prima Facie looks like Unfair Trade Practice where the cab-aggregators are alleged to be using Differential Pricing based on the factors mentioned in the article below. If so, this is blatant dis-regard to Consumer’s right to know.… https://t.co/Iq7FXE6ROc

— Pralhad Joshi (@JoshiPralhad) December 26, 2024

ਜੋਸ਼ੀ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਐਕਸ' 'ਤੇ ਲਿਖਿਆ ਕਿ ਇਹ ਪਹਿਲੀ ਨਜ਼ਰੇ ਗਲਤ ਕਾਰੋਬਾਰੀ ਅਭਿਆਸ ਲੱਗਦਾ ਹੈ। ਇਹ ਪਾਰਦਰਸ਼ਤਾ ਦੇ ਖਪਤਕਾਰਾਂ ਦੇ ਅਧਿਕਾਰ ਦੀ ਅਣਦੇਖੀ ਹੈ। ਕੇਂਦਰੀ ਖਪਤਕਾਰ ਸੁਰੱਖਿਆ ਅਥਾਰਟੀ ਨੂੰ ਇਸ ਦੀ ਵਿਸਤ੍ਰਿਤ ਜਾਂਚ ਕਰਨ ਅਤੇ ਜਲਦੀ ਤੋਂ ਜਲਦੀ ਰਿਪੋਰਟ ਸੌਂਪਣ ਦੇ ਨਿਰਦੇਸ਼ ਦਿੱਤੇ ਗਏ ਹਨ।

ਖਾਣ-ਪੀਣ ਦੀਆਂ ਵਸਤੂਆਂ ਦੀ ਡਿਲਿਵਰੀ ਅਤੇ ਟਿਕਟ ਬੁਕਿੰਗ ਐਪ ਸਮੇਤ ਹੋਰ ਖੇਤਰ ਜਾਂਚ ਦੇ ਦਾਇਰੇ 'ਚ ਆਉਣਗੇ। ਜੋਸ਼ੀ ਨੇ ਕਿਹਾ ਕਿ ਸਰਕਾਰ ਖਪਤਕਾਰਾਂ ਦੇ ਸ਼ੋਸ਼ਣ ਨੂੰ ਬਿਲਕੁਲ ਵੀ ਬਰਦਾਸ਼ਤ ਨਹੀਂ ਕਰੇਗੀ। ਇੱਕੋ ਯਾਤਰਾ ਲਈ ਵੱਖ-ਵੱਖ ਮੋਬਾਈਲ ਪਲੇਟਫਾਰਮਾਂ 'ਤੇ ਕੀਮਤਾਂ ਦੇ ਅੰਤਰ ਬਾਰੇ ਮੀਡੀਆ ਰਿਪੋਰਟਾਂ ਦੇ ਆਧਾਰ 'ਤੇ ਜਾਂਚ ਕੀਤੀ ਜਾ ਰਹੀ ਹੈ।