ਮੰਗਣੀ ਤੋੜਨ ਤੋਂ ਨਾਰਾਜ਼ ਮੁੰਡੇ ਵਾਲਿਆਂ ਨੇ ਕੁੜੀ ਦੇ ਪਿਓ ਦਾ ਵੱਢਿਆ ਨੱਕ
08/11/2022 3:39:58 PM
ਬਾੜਮੇਰ (ਬਿਊਰੋ)– ਰਾਜਸਥਾਨ ਦੇ ਬਾੜਮੇਰ ਸ਼ਿਵ ਥਾਣਾ ਖੇਤਰ ’ਚ ਮੰਗਣੀ ਤੋੜਨ ਤੋਂ ਨਾਰਾਜ਼ ਮੁੰਡੇ ਦੇ ਪਰਿਵਾਰਕ ਮੈਂਬਰਾਂ ਨੇ ਕੁੜੀ ਦੇ ਪਿਓ ’ਤੇ ਤੇਜ਼ਧਾਰ ਹਥਿਆਰਾਂ ਨਾਲ ਹਮਲਾ ਕਰ ਦਿੱਤਾ ਅਤੇ ਉਸ ਦਾ ਨੱਕ ਵੱਢ ਦਿੱਤਾ। ਇਹ ਘਟਨਾ ਸ਼ਿਵ ਥਾਣਾ ਖੇਤਰ ਦੇ ਝਾਪਲੀ ਪਿੰਡ ਦਾ ਹੈ। ਪੁਲਸ ਮੁਤਾਬਕ ਪੀੜਤ ਕਮਲ ਸਿੰਘ ਭਾਟੀ ਨੂੰ ਇਲਾਜ ਲਈ ਜ਼ਿਲ੍ਹਾ ਹਸਪਤਾਲ ਵਿਚ ਦਾਖ਼ਲ ਕਰਵਾਇਆ ਗਿਆ ਹੈ।
ਕਮਲ ਸਿੰਘ ਭਾਟੀ ਨੇ ਪੁਲਸ ਨੂੰ ਦੱਸਿਆ ਕਿ ਉਨ੍ਹਾਂ ਨੇ ਆਪਣੀ ਧੀ ਦੀ ਮੰਗਣੀ ਅਜਿਹੀ ਪਰਿਵਾਰ ਵਿਚ ਤੈਅ ਕੀਤੀ ਸੀ, ਜਿਸ ’ਚ ਉਨ੍ਹਾਂ ਦੀ ਭਤੀਜੀ ਦਾ ਪਹਿਲਾਂ ਵਿਆਹ ਹੋਇਆ ਸੀ। ਉਨ੍ਹਾਂ ਦੋਸ਼ ਲਾਇਆ ਕਿ ਉਸ ਦੀ ਭਤੀਜੀ ਦਾ ਉਸ ਦੇ ਸਹੁਰੇ ਪਰਿਵਾਰ ਨੇ ਦਾਜ ਲਈ ਤੰਗ-ਪਰੇਸ਼ਾਨ ਕਰਨ ਕਰ ਕੇ ਕਤਲ ਕਰ ਦਿੱਤਾ ਸੀ, ਇਸ ਲਈ ਉਸ ਪਰਿਵਾਰ ਵਿਚ ਆਪਣੀ ਧੀ ਦਾ ਵਿਆਹ ਕਰਨ ਤੋਂ ਇਨਕਾਰ ਕਰ ਦਿੱਤਾ ਅਤੇ ਮੰਗਣੀ ਤੋੜ ਦਿੱਤੀ।
ਪੁਲਸ ਨੇ ਦੱਸਿਆ ਕਿ ਇਸ ਗੱਲ ਤੋਂ ਨਾਰਾਜ਼ ਹੋ ਕੇ ਮੁੰਡੇ ਪੱਖ ਵਾਲੇ ਲੱਗਭਗ 10-15 ਲੋਕ ਚਾਰ ਗੱਡੀਆਂ ’ਚ ਸਵਾਰ ਹੋ ਕੇ ਕੁੜੀ ਵਾਲਿਆਂ ਦੇ ਘਰ ਪਹੁੰਚੇ ਅਤੇ ਭਾਟੀ ’ਤੇ ਡੰਡਿਆਂ ਅਤੇ ਤੇਜ਼ਧਾਰ ਹਥਿਆਰਾਂ ਨਾਲ ਹਮਲਾ। ਹਮਲਾਵਰਾਂ ਨੇ ਭਾਟੀ ਦੀ ਨੱਕ ਵੱਢ ਦਿੱਤੀ। ਪੁਲਸ ਨੇ ਇਸ ਸਬੰਧ ’ਚ ਮਾਮਲਾ ਦਰਜ ਕਰ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
