ਆਂਧਰਾ ਪ੍ਰਦੇਸ਼ : ਹਾਥੀ ਖੂਹ ''ਚ ਡਿੱਗਿਆ, ਇਸ ਤਰ੍ਹਾਂ ਕੀਤਾ ਗਿਆ ਰੈਸਕਿਊ (ਵੀਡੀਓ)

ਆਂਧਰਾ ਪ੍ਰਦੇਸ਼ (ਵਾਰਤਾ)- ਚਿੱਤੂਰ ਦੇ ਗੁੰਡਲਾ ਪੱਲੇ ਪਿੰਡ 'ਚ ਸੋਮਵਾਰ ਰਾਤ ਇਕ ਹਾਥੀ ਖੂਹ 'ਚ ਡਿੱਗ ਗਿਆ। ਇਲਾਕੇ ਦੇ ਸਥਾਨਕ ਲੋਕਾਂ ਨੇ ਹਾਥੀ ਨੂੰ ਦੇਖਿਆ ਅਤੇ ਜੰਗਲਾਤ ਵਿਭਾਗ ਅਤੇ ਫਾਇਰ ਬ੍ਰਿਗੇਡ ਨੂੰ ਇਸ ਦੀ ਸੂਚਨਾ ਦਿੱਤੀ। ਜਿਸ ਤੋਂ ਬਾਅਦ ਬਚਾਅ ਅਧਿਕਾਰੀਆਂ ਦੀ ਸੰਯੁਕਤ ਟੀਮ ਮੌਕੇ 'ਤੇ ਪਹੁੰਚੀ ਅਤੇ ਬਚਾਅ ਕੰਮ ਸ਼ੁਰੂ ਕੀਤਾ। ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਏ ਬਚਾਅ ਮੁਹਿੰਮ ਦੇ ਇਸ ਵੀਡੀਓ 'ਚ ਹਾਥੀ ਨੂੰ ਖੂਹ 'ਚੋਂ ਬਾਹਰ ਕੱਢਣ ਦੀ ਕੋਸ਼ਿਸ਼ ਕਰਦੇ ਹੋਏ ਦੇਖਿਆ ਜਾ ਸਕਦਾ ਹੈ।

#WATCH | An elephant that fell into a well Monday night in Gundla Palle village of Andhra Pradesh's Chittoor is rescued by a joint team of forest officials & fire brigade pic.twitter.com/S8tSB4OL6V

— ANI (@ANI) November 15, 2022

ਜੰਗਲਾਤ ਅਧਿਕਾਰੀ ਇਕ ਖੋਦਾਈ ਕਰਨ ਵਾਲੇ ਨੂੰ ਲੈ ਕੇ ਆਏ ਅਤੇ ਖੂਹ ਦੇ ਚਾਰੇ ਪਾਸਿਓਂ ਇੱਟ ਦੀਆਂ ਕੰਧਾਂ ਦੇ ਇਕ ਹਿੱਸੇ ਨੂੰ ਤੋੜ ਦਿੱਤਾ, ਜਿਸ ਨਾਲ ਹਾਥੀ ਬਾਹਰ ਨਿਕਲ ਸਕੇ। ਹਾਥੀ ਦੇ ਖੂਹ 'ਚੋਂ ਬਾਹਰ ਨਿਕਲਣ 'ਤੇ ਉਸ ਦੀ ਇਕ ਝਲਕ ਪਾਉਣ ਲਈ ਸਥਾਨਕ ਪਿੰਡ ਵਾਸੀਆਂ ਸਮੇਤ ਵੱਡੀ ਗਿਣਤੀ 'ਚ ਲੋਕ ਵੀ ਜਮ੍ਹਾ ਹੋ ਗਏ। ਖੂਹ 'ਚੋਂ ਬਾਹਰ ਨਿਕਲਦੇ ਹੀ ਹਾਥੀ ਜੰਗਲ ਵੱਲ ਚੱਲਾ ਗਿਆ।

ਨੋਟ : ਇਸ ਖ਼ਬਰ ਸੰਬੰਧੀ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਬਾਕਸ 'ਚ ਦਿਓ ਜਵਾਬ