ਅਮਿਤ ਸ਼ਾਹ ਦੋ ਦਿਨਾਂ ਦੌਰੇ ’ਤੇ ਪੱਛਮੀ ਬੰਗਾਲ ਪਹੁੰਚੇ, ਖੁਦੀਰਾਮ ਬੋਸ ਨੂੰ ਕੀਤਾ ਨਮਨ

ਕੋਲਕਾਤਾ– ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਪੱਛਮੀ ਬੰਗਾਲ ਦੇ ਦੋ ਦਿਨਾਂ ਦੇ ਦੌਰੇ ’ਤੇ ਕੋਲਕਾਤਾ ਪਹੁੰਚ ਗਏ ਹਨ। ਬੰਗਾਲ ’ਚ ਸਿਆਸੀ ਉਤਾਰ-ਚੜਾਅ ਦਰਮਿਆਨ ਅਮਿਤ ਸ਼ਾਹ ਦਾ ਇਹ ਦੌਰਾ ਕਾਫੀ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਹੈ। ਇਸ ਦੌਰੇ ਦੌਰਾਨ ਅਮਿਦ ਸ਼ਾਹ ਜਿਥੇ ਜਨਤਾ ਨਾਲ ਸੰਵਾਂਦ ਕਰਨਗੇ ਉਥੇ ਹੀ ਤ੍ਰਿਣਮੂਲ ਕਾਂਗਰਸ ਦੇ ਅਸੰਤੁਸ਼ਟ ਕਈ ਨੇਤਾਵਾਂ ਦੇ ਬੀ.ਜੇ.ਪੀ. ’ਚ ਸ਼ਾਮਲ ਹੋਣਦੀ ਵੀ ਖ਼ਬਰ ਹੈ। ਇਨ੍ਹਾਂ ’ਚ ਸਾਬਕਾ ਮੰਤਰੀ ਅਤੇ ਵਿਧਾਇਕ ਸ਼ੁਭੇਂਦੁ ਅਧਿਕਾਰੀ ਦਾ ਨਾਮ ਵੀ ਸ਼ਾਮਲ ਹੈ। 

ਸੁਤੰਤਰਾ ਸੇਨਾਨੀ ਖੁਦੀਰਾਮ ਬੋਸ ਨੂੰ ਨਮਨ
ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਮਿਦਨਾਪੁਰ ’ਚ ਸੁਤੰਤਰਾ ਸੇਨਾਨੀ ਖੁਦੀਰਾਮ ਬੋਸ ਦੇ ਘਰ ਪਹੁੰਚੇ ਅਤੇ ਉਨ੍ਹਾਂ ਦੇ ਪਰਿਵਾਰ ਵਾਲਿਆਂ ਨਾਲ ਮੁਲਾਕਾਤ ਕੀਤੀ। ਇਸ ਤੋਂ ਪਹਿਲਾਂ ਅਮਿਤ ਸ਼ਾਹ ਨੇ ਖੁਦੀਰਾਮ ਬੋਸ ਦੇ ਬੁੱਤ ਨੂੰ ਫੁੱਲਾਂ ਦੀ ਮਾਲਾ ਪਾਈ। ਅਮਿਤ ਸ਼ਾਹ ਨੇ ਕਿਹਾ ਕਿ ਉਨ੍ਹਾਂ ਨੂੰ ਸ਼ਹੀਦ ਖੁਦੀਰਾਮ ਬੋਸ ਦੇ ਜਨਮ ਸਥਾਨ ਦੀ ਮਿੱਟੀ ਨੂੰ ਮੱਥੇ ’ਤੇ ਲਗਾਉਣ ਦਾ ਸੌਭਾਗ ਮਿਲਿਆ। 

West Bengal: Union Home Minister Amit Shah pays homage to Khudiram Bose with flowers at his (Bose's) native village in Pashchim Midnapore and meets with Bose's family members and felicitates them with honorary garbs pic.twitter.com/DdnNGfG5VW

— ANI (@ANI) December 19, 2020

ਅਮਿਤ ਸ਼ਾਹ ਨੇ ਕਿਹਾ ਕਿ ਬੰਗਾਲ ਦੇ ਅੰਦਰ ਜੋ ਗੰਦੀ ਰਾਜਨੀਤੀ ਕਰਦੇ ਹਨ ਉਨ੍ਹਾਂ ਨੂੰ ਮੈਂ ਦੱਸਣਾ ਚਾਹੁੰਦਾ ਹਾਂ ਕਿ ਖੁਦੀਰਾਮ ਬੋਸ ਜਿੰਨੇ ਬੰਗਾਲ ਦੇ ਸਨ ਓਨੇ ਹੀ ਪੂਰੇ ਭਾਰ ਦੇ ਸਨ। ਇਸ ਤੋਂ ਇਲਾਵਾ ਉਨ੍ਹਾਂ ਕਿਹਾ ਕਿ ਪੰਡਿਤ ਰਾਮ ਪ੍ਰਸਾਦ ਬਿਸਮਿਲ ਜਿੰਨੇ ਯੂ.ਪੀ. ਦੇ ਸਨ ਓਨੇ ਹੀ ਉਹ ਬੰਗਾਲ ਲਈ ਸਨ। ਅਮਿਤ ਸ਼ਾਹ ਨੇ ਕਿਹਾ ਕਿ ਅੱਜ ਪੰਡਿਤ ਰਾਮ ਪ੍ਰਸਾਦ ਬਿਸਮਿਲ, ਅਸ਼ਫਾਕ ਉੱਲ੍ਹਾ ਖਾਂ ਨੂੰ ਅੰਗਰੇਜਾਂ ਨੇ ਫਾਂਸੀ ਦਿੱਤੀ ਸੀ। ਅੱਜ ਦੇ ਦਿਨ ਉਨ੍ਹਾਂ ਨੂੰ ਘੱਟੋ-ਘੱਟ ਦੇਸ਼ ਦੇ ਸ਼ਹੀਦਾਂ ਦੇ ਨਾਮ ’ਤੇ ਰਾਜਨੀਤੀ ਨਹੀਂ ਕਰਨੀ ਚਾਹੀਦੀ।

West Bengal: Union Home Minister Amit Shah offers prayers at Siddheshwari Kali Temple in Midnapore pic.twitter.com/1uLumnkLyO

— ANI (@ANI) December 19, 2020

ਖੁਦੀਰਾਮ ਦੇ ਪਰਿਵਾਰ ਵਾਲਿਆਂ ਨਾਲ ਮੁਲਾਕਾਤ ਤੋਂ ਬਾਅਦ ਅਮਿਤ ਸ਼ਾਹ ਸਿੱਧੇਸ਼ਵਰੀ ਮੰਦਰ ਪਹੁੰਚੇ। ਇਥੇ ਉਨ੍ਹਾਂ ਨੇ ਦੇਵੀ ਸਿੱਧੇਸ਼ਵਰੀ ਦੀ ਪੂਜਾ ਕੀਤੀ। ਇਸ ਦੌਰਾਨ ਵੱਡੀ ਗਿਣਤੀ ’ਚ ਬੀ.ਜੇ.ਪੀ. ਵਰਕਰ ਵੀ ਮੌਜੂਦ ਰਹੇ। 

ਅਮਿਤ ਸ਼ਾਹ ਨੇ ਕਿਸਾਨ ਦੇ ਘਰ ਕੀਤਾ ਭੋਜਨ
ਗ੍ਰਹਿ ਮੰਤਰੀ ਅਮਿਤ ਸ਼ਾਹ, ਬੀ.ਜੇ.ਪੀ. ਨੇਤਾਵਾਂ ਨਾਲ ਮਿਦਨਾਪੁਰ ’ਚ ਕਿਸਾਨ ਸਨਾਤਨ ਸਿੰਘ ਦੇ ਘਰ ਭੋਜਨ ਕਰਨ ਪਹੁੰਚੇ। ਅਮਿਤ ਸ਼ਾਹ  ਇਥੇ ਉਸ ਸਮੇਂ ਭੋਜਨ ਕਰਨ ਪਹੁੰਚੇ ਹਨ ਜਦੋਂ ਦਿੱਲੀ ’ਚ ਖੇਤੀ ਕਾਨੂੰਨਾਂ ਖ਼ਿਲਾਫ਼ ਪਿਛਲੇ 23 ਦਿਨਾਂ ਤੋਂ ਕਿਸਾਨਾਂ ਦਾ ਅੰਦੋਲਨ ਚੱਲ ਰਿਹਾ ਹੈ।

West Bengal: Union Home Minister Amit Shah, BJP General Secretary Kailash Vijayvargiya and state BJP chief Dilip Ghosh having lunch at a farmer's house in Belijuri village in Paschim Medinipur district. pic.twitter.com/yMSmIsan6P

— ANI (@ANI) December 19, 2020