96 ਫ਼ੀਸਦੀ ਭਾਰਤੀ ਖਤਰਨਾਕ ਹਵਾ ਵਿਚ ਲੈਂਦੇ ਹਨ ਸਾਹ : ਅਧਿਐਨ

ਮੁੰਬਈ– ਭਾਰਤ ’ਚ ਘੱਟੋ-ਘੱਟ 200 ਮਿਲੀਅਨ ਲੋਕ ਬਹੁਤ ਗਰੀਬੀ ’ਚ ਰਹਿੰਦੇ ਹਨ ਅਤੇ ਹਵਾ ਪ੍ਰਦੂਸ਼ਣ ਦੇ ਖ਼ਤਰਨਾਕ ਪੱਧਰਾਂ ਦਾ ਸਾਹਮਣਾ ਕਰ ਰਹੇ ਹਨ। ਵਿਸ਼ਵ ਬੈਂਕ ਦੇ ਮਾਹਰਾਂ ਵਲੋਂ ਕੀਤੇ ਇਕ ਤਾਜ਼ਾ ਅਧਿਐਨ ’ਚ ਇਹ ਗੱਲ ਸਾਹਮਣੇ ਆਈ ਹੈ। ਅਧਿਐਨ ’ਚ ਇਹ ਵੀ ਅਨੁਮਾਨ ਲਾਇਆ ਗਿਆ ਹੈ ਕਿ ਦੇਸ਼ ਦੇ 2.8 ਬਿਲੀਅਨ ਲੋਕਾਂ ਵਿਚੋਂ 47% ਨੂੰ ਖਤਰਨਾਕ ਗੁਣਵੱਤਾ ਵਾਲੀ ਹਵਾ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਵਿਸ਼ਵ ਬੈਂਕ ਦੇ ਮਾਹਰਾਂ ਵਲੋਂ ਕੀਤੇ ਗਏ ਅਧਿਐਨ ਦੇ ਅੰਦਾਜ਼ੇ ਮੁਤਾਬਕ ਲਗਭਗ 1.33 ਬਿਲੀਅਨ ਲੋਕ, ਜੋ ਕਿ ਭਾਰਤ ਦੇ ਅੰਦਾਜ਼ਨ 1.39 ਬਿਲੀਅਨ ਲੋਕਾਂ ਦਾ 96% ਹੈ, ਖਤਰਨਾਕ ਹਵਾ ਵਿਚ ਸਾਹ ਲੈਂਦੇ ਹਨ।

ਅਧਿਐਨ ’ਚ ਕਿਹਾ ਗਿਆ ਹੈ ਕਿ ਦੁਨੀਆ ਦਾ ਜ਼ਿਆਦਾਤਰ ਹਿੱਸਾ WHO ਦੇ ਸੁਰੱਖਿਅਤ ਮਾਪਦੰਡਾਂ ਨੂੰ ਪੂਰਾ ਨਹੀਂ ਕਰਦਾ ਹੈ। ਗਲੋਬਲ ਆਬਾਦੀ ਦਾ 96.4 ਫ਼ੀਸਦੀ ਗੰਦਲੀ ਹਵਾ ਦੇ ਸੰਪਰਕ ’ਚ ਹੈ। ਜ਼ਿਆਦਾਤਰ ਭਾਰਤ ਅਤੇ ਚੀਨ ਵਰਗੇ ਮੱਧ ਆਮਦਨ ਵਾਲੇ ਦੇਸ਼ਾਂ ਦੇ ਲੋਕਾਂ ’ਚ ਇਹ ਜ਼ੋਖਮ ਵਧੇਰੇ ਖ਼ਤਰਨਾਕ ਹੈ। ਇਨ੍ਹਾਂ ’ਚ ਸਭ ਤੋਂ ਵਧੇਰੇ ਜ਼ੋਖਮ ਗਰੀਬਾਂ ਨੂੰ ਹੈ। 

ਘੱਟ ਆਮਦਨ ਵਾਲੀ ਆਬਾਦੀ ਸਮੂਹ ’ਚ ਸਰੀਰਕ ਅਤੇ ਬਾਹਰੀ ਮਜ਼ਦੂਰਾਂ ਦੇ ਇਕ ਉੱਚ ਅਨੁਪਾਤ ਦਾ ਮਤਲਬ ਹੈ ਕਿ ਉਨ੍ਹਾਂ ਨੂੰ ਪ੍ਰਦੂਸ਼ਕਾਂ ਦੇ ਵੱਧਦੇ ਹੋਏ ਜ਼ੋਖਮ ਅਤੇ ਦਾਖ਼ਲੇ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਰਿਪੋਰਟ ’ਚ ਕਿਹਾ ਗਿਆ ਹੈ ਕਿ ਸਿਹਤ ਸੰਭਾਲ ਪ੍ਰਬੰਧਾਂ ਦੀ ਪਹੁੰਚ, ਉਪਲੱਬਧਤਾ ਅਤੇ ਗੁਣਵੱਤਾ ਵਿਚ ਰੁਕਾਵਟਾਂ ਗਰੀਬ ਲੋਕਾਂ ’ਚ ਹਵਾ ਪ੍ਰਦੂਸ਼ਣ ਨਾਲ ਸਬੰਧਤ ਮੌਤ ਦਰ ਨੂੰ ਅੱਗੇ ਵਧਾਉਂਦੀਆਂ ਹਨ।