ਛੱਤੀਸਗੜ੍ਹ ’ਚ 34 ਨਕਸਲੀਆਂ ਨੇ ਕੀਤਾ ਆਤਮਸਮਰਪਣ

ਬੀਜਾਪੁਰ (ਛੱਤੀਸਗੜ੍ਹ), (ਭਾਸ਼ਾ)- ਛੱਤੀਸਗੜ੍ਹ ਦੇ ਬੀਜਾਪੁਰ ਜ਼ਿਲੇ ਵਿਚ ਮੰਗਲਵਾਰ ਨੂੰ 34 ਨਕਸਲੀਆਂ ਨੇ ਆਤਮਸਮਰਪਣ ਕਰ ਦਿੱਤਾ, ਜਿਨ੍ਹਾਂ ਵਿਚੋਂ 26 ’ਤੇ ਸਮੂਹਿਕ ਤੌਰ ’ਤੇ 84 ਲੱਖ ਰੁਪਏ ਦਾ ਇਨਾਮ ਸੀ। ਬੀਜਾਪੁਰ ਜ਼ਿਲੇ ਦੇ ਪੁਲਸ ਸੁਪਰਡੈਂਟ (ਐੱਸ. ਪੀ.) ਜਤਿੰਦਰ ਯਾਦਵ ਨੇ ਦੱਸਿਆ ਕਿ ਇਨ੍ਹਾਂ ਵਿਚ 7 ਮਹਿਲਾ ਨਕਸਲੀ ਵੀ ਸ਼ਾਮਲ ਹਨ।

ਇਹ ਨਕਸਲੀ ਮਾਓਵਾਦੀਆਂ ਦੀ ਦੰਡਕਾਰਣਿਆ ਸਪੈਸ਼ਲ ਜ਼ੋਨਲ ਕਮੇਟੀ, ਤੇਲੰਗਾਨਾ ਸਟੇਟ ਕਮੇਟੀ ਅਤੇ ਆਂਧਰਾ-ਓਡਿਸ਼ਾ ਬਾਰਡਰ ਡਿਵੀਜ਼ਨ ਵਿਚ ਸਰਗਰਮ ਸਨ। ਅਧਿਕਾਰੀ ਨੇ ਦੱਸਿਆ ਕਿ ਆਤਮਸਮਰਪਣ ਕਰਨ ਵਾਲੇ ਪ੍ਰਮੁੱਖ ਨਕਸਲੀਆਂ ਵਿਚ ਪਾਂਡਰੂ ਪੁਨੇਮ (45), ਰੁਕਨੀ ਹੇਮਲਾ (25), ਦੇਵਾ ਉਈਕਾ (22), ਰਾਮਲਾਲ ਪੋਯਾਮ (27) ਅਤੇ ਮੋਟੂ ਪੁਨੇਮ (21) ਸ਼ਾਮਲ ਹਨ।