ਬਿਲਡਿੰਗ ਮਟੀਰੀਅਲ ਦੀ ਦੁਕਾਨ ‘ਚੋਂ ਚੋਰਾਂ ਨੇ ਹਜ਼ਾਰਾਂ ਰੁਪਏ ਦਾ ਸਮਾਨ ਉਡਾਇਆ

ਤਪਾ ਮੰਡੀ (ਸ਼ਾਮ,ਗਰਗ) : ਰਾਤ ਨੂੰ ਲੱਗੇ ਲਾਕਡਾਊਨ ਦੇ ਬਾਵਜੂਦ ਚੋਰਾਂ ਦੇ ਹੌਂਸਲੇ ਇਨ੍ਹੇ ਬੁਲੰਦ ਹਨ ਕਿ ਰਾਤ ਸਮੇਂ ਅੰਦਰਲੀ ਗਊਸ਼ਾਲਾ ਨਜਦੀਕ ਚੋਰਾਂ ਨੇ ਪਿਛਲੇ ਪਾਸੇ ਤੋਂ ਪੌੜੀ ਲਗਾਕੇ ਬਿਲਡਿੰਗ ਮਟੀਰੀਅਲ ਦੀ ਦੁਕਾਨ ‘ਚੋਂ ਚੋਰਾਂ ਹਜ਼ਾਰਾਂ ਰੁਪਏ ਦੇ ਸੰਦ,ਤਾਂਬਾ ਅਤੇ ਪਿੱਤਲ ਚੋਰੀ ਕਰ ਲਏ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।

ਇਹ ਵੀ ਪੜ੍ਹੋ : ਮੰਦਰ ਦਾ ਦਰਵਾਜ਼ਾ ਤੋੜ ਕੇ ਚਾਂਦੀ ਦੇ ਮੁਕਟ, ਛਤਰ, ਪਿੱਤਲ ਦੀ ਮੂਰਤੀ ਤੇ ਨਕਦੀ ਚੋਰੀ

ਬਿਲਡਿੰਗ ਮਟੀਰੀਅਲ ਦੇ ਮਾਲਕ ਕੁਲਤਾਰ ਸਿੰਘ ਤਾਰੀ ਨੇ ਦੱਸਿਆ ਕਿ ਚੋਰਾਂ ਨੇ ਪਿਛਲੇ ਪਾਸੇ ਪੌੜੀ ਲਗਾਕੇ ਦੁਕਾਨ ‘ਚ ਦਾਖ਼ਲ ਹੋਕੇ ਗਰਾਇੰਡਰ ਜਿਸ ਦੀ ਅੰਦਾਜਨ ਕੀਮਤ 17 ਹਜ਼ਾਰ ਰੁਪਏ,ਪਿੱਤਲ ਅਤੇ ਤਾਂਬੇ ਦੀਆਂ ਚਾਰ ਬੋਰੀਆਂ ਜਿਸ ਦੀ ਕੁਲ ਚੋਰੀ 40 ਹਜ਼ਾਰ ਦੇ ਕਰੀਬ ਬਣਦੀ ਹੈ ਚੋਰੀ ਕਰਕੇ ਲੈ ਗਏ। ਮਾਲਕ ਨੂੰ ਚੋਰੀ ਦਾ ਸਵੇਰੇ 8 ਵਜੇ ਉਸ ਸਮੇਂ ਪਤਾ ਲੱਗਾ ਜਦ ਦੁਕਾਨ ਖੋਲ੍ਹਕੇ ਦੇਖੀ ਤਾਂ ਸਮਾਨ ਖਿਲਰਿਆ ਪਿਆ ਸੀ ਅਤੇ ਪਿਛਲੇ ਪਾਸੇ ਪੌੜੀ ਲੱਗੀ ਸੀ ਅਤੇ ਥਾਂ-ਥਾਂ ’ਤੇ ਚੋਰਾਂ ਦੀਆਂ ਪੈੜਾਂ ਲੱਗੀਆਂ ਹੋਈਆਂ ਸੀ।

ਇਹ ਵੀ ਪੜ੍ਹੋ : ਆਪਣੀ ਜਨਮ ਭੂਮੀ ਸਤੌਜ ਪਹੁੰਚ ਲੋਕਾਂ ਨੂੰ ਕੀਤੀ ਭਗਵੰਤ ਮਾਨ ਨੇ ਇਹ ਅਪੀਲ

ਘਟਨਾ ਸੰਬੰਧੀ ਮਾਲਕ ਨੇ ਪਹਿਲਾਂ ਗੁਆਂਢੀਆਂ ਅਤੇ ਪੁਲਸ ਨੂੰ ਦੱਸਿਆ ਤਾਂ ਡੀ.ਐੱਸ.ਪੀ ਤਪਾ ਬਲਜੀਤ ਸਿਾਂਘ ਬਰਾੜ,ਚੌਂਕੀ ਇੰਚਾਰਜ ਗੁਰਪਾਲ ਸਿੰਘ,ਸਹਾਇਕ ਥਾਣੇਦਾਰ ਸਰਬਜੀਤ ਸਿੰਘ ਦੀ ਅਗਵਾਈ ‘ਚ ਪੁੱਜੀ ਪੁਲਸ ਪਾਰਟੀ ਨੇ ਮੌਕੇ ਦਾ ਜ਼ਾਇਜਾ ਲੈਕੇ ਦੱਸਿਆ ਕਿ ਪੁਲਸ ਡੌਂਗ ਸਕਵੈਡ ਪਾਰਟੀ ਨੂੰ ਬੁਲਾਕੇ ਚੋਰਾਂ ਦੀ ਪੈੜਾਂ ਤੋਂ ਸੁੰਘਣ ਸ਼ਕਤੀ ਕਰਕੇ ਉਨ੍ਹਾਂ ਨੂੰ ਜਲਦੀ ਕਾਬੂ ਕਰਨ ਬਾਰੇ ਗੱਲ ਕਹੀ। ਇਸੇ ਤਰ੍ਹਾਂ ਦਿਨ-ਦਿਹਾੜੇ ਮੋਟਰਸਾਇਕਲ ਸਵਾਰ ਲੁਟੇਰੇ ਇੱਕ ਦੁੱਧ ਡੇਅਰੀ ‘ਚੋਂ ਦੇਸੀ ਘਿਉ ਦੀ ਬਾਲਟੀ ਚੁੱਕਕੇ ਫ਼ਰਾਰ ਹੋ ਗਏ ਸੀ। ਜ਼ਿਕਰਯੋਗ ਹੈ ਕਿ ਪਿਛਲੇ ਕਈ ਦਿਨਾਂ ਤੋਂ ਸ਼ਹਿਰ ‘ਚ ਹੋ ਰਹੀਆਂ ਚੋਰਾਂ ਨੂੰ ਲੱਭਣ ‘ਚ ਨਾਕਾਮ ਰਹੀ ਹੈ। ਇਸ ਤਰ੍ਹਾਂ ਹੋ ਰਹੀਆਂ ਚੋਰੀਆਂ ਕਾਰਨ ਦੁਕਾਨਦਾਰਾਂ ‘ਚ ਜਰੂਰ ਸਹਿਮ ਪਾਇਆ ਜਾ ਰਿਹਾ ਹੈ।

ਨੋਟ - ਇਸ ਖ਼ਬਰ ਸਬੰਧੀ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ