ਜੀਨਸ ਦੇ ਨਾਲ ਮੁਟਿਆਰਾਂ ਨੂੰ ਪਸੰਦ ਆ ਰਹੀ ਹੈ ਟੀ-ਸ਼ਰਟ

ਮੁੰਬਈ- ਭਾਰਤੀ ਪਹਿਰਾਵੇ ’ਚ ਜਿਸ ਤਰ੍ਹਾਂ ਨਾਲ ਸੂਟ ਪਹਿਨਣਾ ਹਰ ਔਰਤ ਅਤੇ ਮੁਟਿਆਰ ਨੂੰ ਪਸੰਦ ਹੁੰਦਾ ਹੈ, ਉਸੇ ਤਰ੍ਹਾਂ ਪੱਛਮੀ ਪਹਿਰਾਵੇ ਵਿਚ ਟੀ-ਸ਼ਰਟ ਵੀ ਜ਼ਿਆਦਾਤਰ ਮੁਟਿਆਰਾਂ ਦੀ ਪਹਿਲੀ ਪਸੰਦ ਬਣੀ ਹੋਈ ਹੈ। ਇਹੋ ਕਾਰਨ ਹੈ ਕਿ ਜ਼ਿਆਦਾਤਰ ਮੁਟਿਆਰਾਂ ਅਤੇ ਔਰਤਾਂ ਨੂੰ ਜੀਨਸ, ਪੈਂਟ, ਟ੍ਰਾਊਜ਼ਰ ਆਦਿ ਨਾਲ ਟੀ-ਸ਼ਰਟ ਵਿਚ ਦੇਖਿਆ ਜਾ ਸਕਦਾ ਹੈ। ਟੀ-ਸ਼ਰਟ ਦਾ ਫੈਸ਼ਨ ਹਮੇਸ਼ਾ ਟਰੈਂਡ ਵਿਚ ਰਹਿੰਦਾ ਹੈ। ਟੀ-ਸ਼ਰਟ ਨੂੰ ਮੁਟਿਆਰਾਂ ਅਤੇ ਔਰਤਾਂ ਜੀਨਸ ਤੋਂ ਲੈ ਕੇ ਸ਼ਾਰਟਸ, ਸਕਰਟ, ਮਿਨੀ ਸਕਰਟ, ਲਾਂਗ ਸਕਰਟ ਆਦਿ ਨਾਲ ਵੀ ਪਹਿਨਣਾ ਪਸੰਦ ਕਰ ਰਹੀਆਂ ਹਨ।

ਗਰਲਜ਼ ਟੀ-ਸ਼ਰਟ ਦੇ ਡਿਜ਼ਾਈਨ ਵੱਖ-ਵੱਖ ਤਰ੍ਹਾਂ ਦੇ ਹੁੰਦੇ ਹਨ। ਗ੍ਰਾਫਿਕ ਟੀ-ਸ਼ਰਟ ਵਿਚ ਵੱਖ-ਵੱਖ ਤਰ੍ਹਾਂ ਦੇ ਗ੍ਰਾਫਿਕਸ, ਜਿਵੇਂ ਕਿ ਲੋਗੋ, ਕਾਰਟੂਨ ਕੈਰੇਕਟਰ ਅਤੇ ਹੋਰ ਡਿਜ਼ਾਈਨ ਪ੍ਰਿੰਟ ਕੀਤੇ ਜਾਂਦੇ ਹਨ। ਟਾਈਪੋਗ੍ਰਾਫਿਕ ਟੀ-ਸ਼ਰਟ ਵਿਚ ਵੱਖ-ਵੱਖ ਤਰ੍ਹਾਂ ਦੇ ਫਾਨਟਸ ਅਤੇ ਟੈਕਸਟ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਫੋਟੋ ਟੀ-ਸ਼ਰਟ ਵਿਚ ਵੱਖ-ਵੱਖ ਤਰ੍ਹਾਂ ਦੀਆਂ ਫੋਟੋਆਂ ਅਤੇ ਇਮੇਜ ਪ੍ਰਿੰਟ ਕੀਤੇ ਜਾਂਦੇ ਹਨ। ਨੈੱਕ ਡਿਜ਼ਾਈਨ ਵਿਚ ਕਰੂ ਨੈੱਕ ਇਕ ਕਲਾਸਿਕ ਅਤੇ ਸਰਲ ਨੈੱਕ ਡਿਜ਼ਾਈਨ ਹੈ ਜੋ ਜ਼ਿਆਦਾਤਰ ਟੀ-ਸ਼ਰਟਸ ਵਿਚ ਪਾਇਆ ਜਾਂਦਾ ਹੈ। ਵੀ-ਨੈੱਕ ਇਕ ਸਟਾਈਲਿਸ਼ ਅਤੇ ਆਕਰਸ਼ਕ ਨੈੱਕ ਡਿਜ਼ਾਈਨ ਹੈ ਜੋ ਮੁਟਿਆਰਾਂ ਨੂੰ ਬਹੁਤ ਸਟਾਈਲਿਸ਼ ਲੁਕ ਦਿੰਦਾ ਹੈ।

ਸਕੂਪ ਨੈੱਕ ਇਕ ਹੋਰ ਆਕਰਸ਼ਕ ਨੈੱਕ ਡਿਜ਼ਾਈਨ ਹੈ ਜਿਸਨੂੰ ਬਹੁਤ ਸਾਰੀਆਂ ਔਰਤਾਂ ਅਤੇ ਮੁਟਿਆਰਾਂ ਪਹਿਨਣਾ ਪਸੰਦ ਕਰਦੀਆਂ ਹਨ। ਟੀ-ਸ਼ਰਟ ਦੇ ਸਲੀਵ ਡਿਜ਼ਾਈਨ ਵਿਚ ਵੱਖ-ਵੱਖ ਤਰ੍ਹਾਂ ਦੇ ਬਦਲ ਹੁੰਦੇ ਹਨ, ਜਿਵੇਂ ਕਿ ਸ਼ਾਰਟ ਸਲੀਵ, ਲਾਂਗ ਸਲੀਵ ਜਾਂ ਸਲੀਵਲੈੱਸ। ਟੀ-ਸ਼ਰਟ ਨੂੰ ਜੀਨਸ ਨਾਲ ਪਹਿਨਣ ਨਾਲ ਮੁਟਿਆਰਾਂ ਨੂੰ ਇਕ ਸਟਾਈਲਿਸ਼ ਅਤੇ ਆਰਾਮਦਾਇਕ ਲੁਕ ਿਮਲਦੀ ਹੈ। ਟੀ-ਸ਼ਰਟ ਫਾਰਮਲ ਪੈਂਟ ਨਾਲ ਮੁਟਿਆਰਾਂ ਨੂੰ ਪ੍ਰੋਫੈਸ਼ਨਲ ਲੁਕ ਦਿੰਦਾ ਹੈ। ਲਾਂਗ ਸਕਰਟ ਨਾਲ ਟੀ-ਸ਼ਰਟ ਮੁਟਿਆਰਾਂ ਨੂੰ ਬਹੁਤ ਸਿੰਪਲ ਸੋਬਰ ਲੁਕ ਦਿੰਦੀ ਹੈ।ਜ਼ਿਆਦਾਤਰ ਮੁਟਿਆਰਾਂ ਬਲਿਊ ਜੀਨਸ ਨਾਲ ਬਲੈਕ, ਵ੍ਹਾਈਟ, ਰੈੱਡ, ਯੈਲੋ ਆਦਿ ਕਲਰ ਦੀ ਟੀ-ਸ਼ਰਟ ਪਹਿਨਣਾ ਪਸੰਦ ਕਰ ਰਹੀਆਂ ਹਨ। ਮੁਟਿਆਰਾਂ ਟੀ-ਸ਼ਰਟ ਨੂੰ ਜੀਨਸ, ਸ਼ਾਰਟਸ, ਮਿਨੀ ਸਕਰਟ ਤੋਂ ਲੈ ਕੇ ਲਾਂਗ ਸਕਰਟ, ਪਲਾਜ਼ੋ, ਪਲੇਅਰ, ਫਾਰਮਲ ਪੈਂਟ ਆਦਿ ਨਾਲ ਵੀ ਸਟਾਈਲ ਕਰਨਾ ਪਸੰਦ ਕਰ ਰਹੀਆਂ ਹਨ।