‘ਨੈੱਟ ਫੈਬਰਿਕ’ ਦੀਆਂ ਡਰੈੱਸਾਂ ਬਣੀਆਂ ਮੁਟਿਆਰਾਂ ਦੀ ਪਸੰਦ

ਵੈੱਬ ਡੈਸਕ- ਇੰਡੀਅਨ ਫੈਸ਼ਨ ’ਚ ਹਰ ਦੌਰ ਦੇ ਨਾਲ ਨਵੇਂ ਫੈਬਰਿਕ ਟ੍ਰੈਂਡ ਕਰਦੇ ਹਨ ਪਰ ਕੁਝ ਫੈਬਰਿਕ ਅਜਿਹੇ ਹਨ ਜੋ ਕਦੇ ਆਊਟ ਆਫ ਫੈਸ਼ਨ ਨਹੀਂ ਹੁੰਦੇ। ਉਨ੍ਹਾਂ ’ਚੋਂ ਹੀ ਇਕ ਹੈ ਨੈੱਟ ਫੈਬਰਿਕ। ਕਾਲਜ ਜਾਣ ਵਾਲੀਆਂ ਮੁਟਿਆਰਾਂ ਤੋਂ ਲੈ ਕੇ ਦਫਤਰ ਜਾਣ ਵਾਲੀਆਂ ਔਰਤਾਂ ਤੱਕ ਨੈੱਟ ਫੈਬਰਿਕ ਦੀਆਂ ਡਰੈੱਸਾਂ ਹਰ ਉਮਰ ਦੀ ਪਹਿਲੀ ਪਸੰਦ ਬਣ ਚੁੱਕੀਆਂ ਹਨ। ਨੈੱਟ ਫੈਬਰਿਕ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਹੈ ਇਸ ਦਾ ਲਾਈਟਵੇਟ ਹੋਣਾ। ਗਰਮੀ ਹੋਵੇ ਜਾਂ ਹਲਕੀ ਸਰਦੀ, ਨੈੱਟ ਦੇ ਸੂਟ, ਸਾੜ੍ਹੀ ਅਤੇ ਲਹਿੰਗੇ ਪੂਰਾ ਦਿਨ ਆਸਾਨੀ ਨਾਲ ਕੈਰੀ ਕੀਤੇ ਜਾ ਸਕਦੇ ਹਨ। ਕਾਟਨ, ਸਿਲਕ, ਰੇਯਾਨ, ਖਾਦੀ, ਟਿਸ਼ੂ ਅਤੇ ਬਨਾਰਸੀ ਦੇ ਨਾਲ-ਨਾਲ ਹੁਣ ਨੈੱਟ ਫੈਬਰਿਕ ਵੀ ਹਰ ਮੁਟਿਆਰ ਦੀ ਵਾਰਡਰੋਬ ਦਾ ਹਿੱਸਾ ਬਣ ਗਿਆ ਹੈ। ਇਹੀ ਕਾਰਨ ਹੈ ਕਿ ਹਰ ਲੜਕੀ ਦੀ ਅਲਮਾਰੀ ’ਚ ਘੱਟੋ-ਘੱਟ ਇਕ-ਦੋ ਨੈੱਟ ਫੈਬਰਿਕ ਦੀ ਡਰੈੱਸ ਜ਼ਰੂਰ ਮਿਲ ਜਾਵੇਗੀ। ਨੈੱਟ ਫੈਬਰਿਕ ਸਿਰਫ਼ ਸਾਦਾ ਨਹੀਂ ਹੁੰਦਾ। ਬਾਜ਼ਾਰ ’ਚ ਇਹ ਕਈ ਪੈਟਰਨ ਅਤੇ ਡਿਜ਼ਾਈਨ ’ਚ ਉਪਲਬਧ ਹੈ। ਕੁਝ ਨੈੱਟ ਜਾਲੀ ਵਾਂਗ ਬਾਰੀਕ ਹੁੰਦੇ ਹਨ ਤਾਂ ਕੁਝ ’ਤੇ 3-ਡੀ ਫਲੋਰਲ ਡਿਜ਼ਾਈਨ ਉੱਭਰੇ ਹੋਏ ਮਿਲਦੇ ਹਨ।

ਇਨ੍ਹਾਂ ’ਤੇ ਸਟੋਨ ਵਰਕ, ਮਿਰਰ ਵਰਕ, ਸੀਕੁਐਂਸ, ਥ੍ਰੈੱਡ ਐਂਬ੍ਰਾਇਡਰੀ ਅਤੇ ਜ਼ਰੀ ਵਰਕ ਦੀ ਕਾਰੀਗਰੀ ਡਰੈੱਸ ਨੂੰ ਹੋਰ ਖ਼ਾਸ ਬਣਾ ਦਿੰਦੀ ਹੈ। ਕਾਲਜ ਜਾਣ ਵਾਲੀਆਂ ਮੁਟਿਆਰਾਂ ’ਚ 3-ਡੀ ਨੈੱਟ ਦੇ ਫਰਾਕ ਸੂਟ ਅਤੇ ਕ੍ਰਾਪ ਟਾਪ-ਸਕਰਟ ਕਾਫ਼ੀ ਟ੍ਰੈਂਡ ’ਚ ਹਨ। ਉੱਥੇ ਹੀ, ਔਰਤਾਂ ’ਚ ਨੈੱਟ ਦੀ ਸਾੜ੍ਹੀ, ਅਨਾਰਕਲੀ ਸੂਟ ਅਤੇ ਲਹਿੰਗਾ-ਚੋਲੀ ਵਿਆਹ-ਪਾਰਟੀ ਦੀ ਸ਼ਾਨ ਬਣ ਰਹੇ ਹਨ। ਫੁੱਲ ਸਲੀਵਜ਼, ਬੈੱਲ ਸਲੀਵਜ਼ ਅਤੇ ਡਿਜ਼ਾਈਨਰ ਸਲੀਵਜ਼ ਵਾਲੇ ਨੈੱਟ ਸੂਟ ਸਭ ਤੋਂ ਜ਼ਿਆਦਾ ਪਸੰਦ ਕੀਤੇ ਜਾ ਰਹੇ ਹਨ। ਕਲਰ ਦੀ ਗੱਲ ਕਰੀਏ ਤਾਂ ਗਰਮੀਆਂ ’ਚ ਵ੍ਹਾਈਟ, ਬੇਬੀ ਪਿੰਕ, ਸਕਾਈ ਬਲੂ, ਮਿੰਟ ਗ੍ਰੀਨ, ਲੈਮਨ ਯੈਲੋ ਵਰਗੇ ਲਾਈਟ ਸ਼ੇਡਸ ਮੁਟਿਆਰਾਂ ਨੂੰ ਖੂਬ ਪਸੰਦ ਆ ਰਹੇ ਹਨ। 

ਉੱਥੇ ਹੀ, ਪਾਰਟੀ ਵੀਅਰ ’ਚ ਬਲੈਕ, ਮੈਰੂਨ, ਰਾਇਲ ਬਲੂ, ਬਾਟਲ ਗ੍ਰੀਨ ਅਤੇ ਰੈੱਡ ਕਲਰ ਦੇ ਨੈੱਟ ਆਊਟਫਿੱਟਸ ਦਾ ਜਲਵਾ ਹੈ। ਜਿਊਲਰੀ ’ਚ ਡਰੈੱਸ ਨਾਲ ਮੈਚਿੰਗ ਕੁੰਦਨ ਸੈੱਟ, ਆਕਸੀਡਾਈਜ਼ਡ ਸਿਲਵਰ ਜਾਂ ਮਿਨੀਮਲ ਡਾਇਮੰਡ ਜਿਊਲਰੀ ਪਰਫੈਕਟ ਲੱਗਦੀ ਹੈ। ਹੇਅਰ ਸਟਾਈਲ ’ਚ ਓਪਨ ਕਰਲਸ, ਸਲੀਕ ਬੰਨ, ਪਰਾਂਦਾ ਗੁੱਤ ਅਤੇ ਮੈਸੀ ਬੰਨ ਟ੍ਰਾਈ ਕੀਤਾ ਜਾ ਰਿਹਾ ਹੈ। ਫੁੱਟਵੀਅਰ ’ਚ ਨੈੱਟ ਸਾੜ੍ਹੀ ਦੇ ਨਾਲ ਹਾਈ ਹੀਲਜ਼ ਜਾਂ ਬਲਾਕ ਹੀਲਜ਼ ਅਤੇ ਸੂਟ ਦੇ ਨਾਲ ਕੋਲ੍ਹਾਪੁਰੀ ਚੱਪਲ ਜਾਂ ਐਥਨਿਕ ਜੁੱਤੀ ਬੈਸਟ ਕੰਬੀਨੇਸ਼ਨ ਰਹਿੰਦੀ ਹੈ। ਨੈੱਟ ਫੈਬਰਿਕ ਨਾਲ ਡਿਜ਼ਾਈਨਰ ਨੂੰ ਲੇਅਰਿੰਗ ਦਾ ਸਕੋਪ ਮਿਲਦਾ ਹੈ। ਇਹ ਕਾਟਨ ਜਾਂ ਸੈਟਿਨ ਦੀ ਇਨਰ ਨਾਲ ਰਾਇਲ ਲੁੱਕ ਦਿੰਦਾ ਹੈ। ਸਰਦੀਆਂ ’ਚ ਵੈਲਵੇਟ ਜਾਂ ਸਿਲਕ ਦੇ ਨਾਲ ਨੈੱਟ ਦੀ ਲੇਅਰਿੰਗ ਸੋਹਣੀ ਲੱਗਦੀ ਹੈ। ਮਾਰਕੀਟ ’ਚ ਸਿੰਪਲ ਨੈੱਟ ਸੂਟ 800 ਰੁਪਏ ਤੋਂ ਸ਼ੁਰੂ ਹੋ ਕੇ ਡਿਜ਼ਾਈਨਰ ਲਹਿੰਗੇ 15000 ਤੱਕ ਮਿਲ ਜਾਂਦੇ ਹਨ। ਫੈਸ਼ਨ ਐਕਸਪਰਟਸ ਅਨੁਸਾਰ ਨੈੱਟ ਫੈਬਰਿਕ ਦਾ ਟ੍ਰੈਂਡ ਕਦੇ ਖ਼ਤਮ ਨਹੀਂ ਹੁੰਦਾ। ਇਸ ਦੀ ਖੂਬਸੂਰਤੀ ਅਤੇ ਐਲੀਗੈਂਸ ਹਰ ਆਊਟਫਿੱਟ ਨੂੰ ਕਲਾਸੀ ਬਣਾ ਦਿੰਦਾ ਹੈ।