ਮੁਟਿਆਰਾਂ ’ਚ ਜੀਨਸ ਦਾ ਜਲਵਾ ਬਰਕਰਾਰ

ਵੈੱਬ ਡੈਸਕ- ਵੈਸਟਰਨ ਵੀਅਰ ਦੀ ਦੁਨੀਆ ’ਚ ਜੀਨਸ ਅਤੇ ਟਾਪ ਦਾ ਕੰਬੀਨੇਸ਼ਨ ਹਮੇਸ਼ਾ ਤੋਂ ਔਰਤਾਂ ਅਤੇ ਮੁਟਿਆਰਾਂ ਦੀ ਪਹਿਲੀ ਪਸੰਦ ਰਿਹਾ ਹੈ। ਭਾਵੇਂ ਸਕੂਲ-ਕਾਲਜ ਜਾਣ ਵਾਲੀਆਂ ਮੁਟਿਆਰਾਂ ਹੋਣ ਜਾਂ ਕੰਮਕਾਜੀ ਔਰਤਾਂ, ਜੀਨਸ ਦੀ ਦੀਵਾਨਗੀ ਹਰ ਉਮਰ ’ਚ ਇਕੋ ਜਿਹੀ ਹੈ। ਬਾਜ਼ਾਰ ’ਚ ਬਾਟਮ ਵੀਅਰ ਦੇ ਨਵੇਂ-ਨਵੇਂ ਆਪਸ਼ਨ ਆ ਜਾਣ ਤੋਂ ਬਾਅਦ ਵੀ ਜੀਨਸ ਦਾ ਕ੍ਰੇਜ਼ ਘੱਟ ਨਹੀਂ ਹੋਇਆ, ਸਗੋਂ ਦਿਨ-ਬ-ਦਿਨ ਵਧਦਾ ਹੀ ਗਿਆ ਹੈ। ਇਸ ਦਾ ਸਭ ਤੋਂ ਵੱਡਾ ਕਾਰਨ ਹੈ ਜੀਨਸ ਦੀ ਵਰਸੇਟਿਲਿਟੀ। ਇਹ ਹਰ ਤਰ੍ਹਾਂ ਦੇ ਟਾਪ ਨਾਲ ਆਸਾਨੀ ਨਾਲ ਮੈਚ ਹੋ ਜਾਂਦੀ ਹੈ। ਬਦਲਦੇ ਸਮੇਂ ਦੇ ਨਾਲ ਜੀਨਸ ’ਚ ਵੀ ਨਵੇਂ ਡਿਜ਼ਾਈਨ ਅਤੇ ਕੱਟ ਦੇਖਣ ਨੂੰ ਮਿਲ ਰਹੇ ਹਨ।

ਇਸ ਗਰਮੀ ਦੇ ਸੀਜ਼ਨ ’ਚ ਮਾਰਕੀਟ ’ਚ ਵਾਈਡ ਲੈੱਗ ਜੀਨਸ, ਫਲੇਅਰ ਜੀਨਸ ਅਤੇ ਸਟ੍ਰੇਟ ਫਿੱਟ ਜੀਨਸ ਸਭ ਤੋਂ ਜ਼ਿਆਦਾ ਟ੍ਰੈਂਡ ’ਚ ਹਨ। ਸਟ੍ਰੇਟ ਫਿੱਟ ਦੇ ਨਾਲ-ਨਾਲ ਫਲੇਅਰ ਜੀਨਸ ਵੀ ਯੰਗਸਟਰਜ਼ ਨੂੰ ਖੂਬ ਪਸੰਦ ਆ ਰਹੀਆਂ ਹਨ। ਇਸ ਤੋਂ ਇਲਾਵਾ ਕੱਟ ਡਿਜ਼ਾਈਨ ਵਾਲੀ ਜੀਨ ਵੀ ਔਰਤਾਂ ਅਤੇ ਮੁਟਿਆਰਾਂ ਵਿਚਾਲੇ ਹਿੱਟ ਹੈ। ਡਿਸਟ੍ਰੈੱਸ ਜੀਨਸ ਵੀ ਕਈ ਮੁਟਿਆਰਾਂ ਦੀ ਪਹਿਲੀ ਪਸੰਦ ਬਣੀ ਹੋਈ ਹੈ। ਗੋਡੇ ’ਤੇ ਕੱਟ, ਪੈਰਾਂ ਦੇ ਕੋਲ ਸੈਂਟਰ ਜਾਂ ਸਾਈਡ ਕੱਟ, ਬਟਨ ਡਿਟੇਲਿੰਗ ਵਰਗੇ ਡਿਜ਼ਾਈਨ ਇਨ੍ਹਾਂ ਜੀਨਸ ਨੂੰ ਇਕ ਯੂਨੀਕ ਲੁੱਕ ਦਿੰਦੇ ਹਨ। ਜੀਨਸ ’ਚ ਬਟਨ ਡਿਟੇਲਿੰਗ ਦਾ ਵੀ ਟ੍ਰੈਂਡ ਦੇਖਿਆ ਜਾ ਸਕਦਾ ਹੈ। ਪਹਿਲਾਂ ਜਿੱਥੇ ਇਕ ਬਟਨ ਹੁੰਦਾ ਸੀ, ਉੱਥੇ ਹੀ ਹੁਣ 3 ਜਾਂ 5 ਬਟਨ ਵਾਲੀਆਂ ਜੀਨਸ ਕਾਫੀ ਡਿਮਾਂਡ ’ਚ ਹਨ। ਇਹ ਮਲਟੀ-ਬਟਨ ਡਿਟੇਲਿੰਗ ਮੁਟਿਆਰਾਂ ਨੂੰ ਪਤਲਾ ਅਤੇ ਲੰਬਾ ਦਿਖਾਉਂਦੀ ਹੈ, ਜਿਸ ਨਾਲ ਸਟਾਈਲ ਦੇ ਨਾਲ-ਨਾਲ ਫਿੱਟ ਵੀ ਪਰਫੈਕਟ ਲੱਗਦੀ ਹੈ।

ਸਟਾਈਲਿੰਗ ਦੀ ਗੱਲ ਕਰੀਏ ਤਾਂ ਜੀਨਸ ਨੂੰ ਟੀ-ਸ਼ਰਟ, ਕ੍ਰਾਪ ਟਾਪ, ਟੈਂਕ ਟਾਪ ਤੋਂ ਲੈ ਕੇ ਲਾਂਗ ਕੁੜਤੀ ਤੱਕ ਦੇ ਨਾਲ ਆਸਾਨੀ ਨਾਲ ਕੈਰੀ ਕੀਤਾ ਜਾ ਸਕਦਾ ਹੈ। ਆਫਿਸ ਲਈ ਫਾਰਮਲ ਸ਼ਰਟ, ਕਾਲਜ ਲਈ ਗ੍ਰਾਫਿਕ ਟੀ-ਸ਼ਰਟ ਅਤੇ ਪਾਰਟੀ ਲਈ ਕ੍ਰਾਪ ਟਾਪ ਜੀਨਸ ਹਰ ਲੁੱਕ ਨੂੰ ਕੰਪਲੀਟ ਕਰ ਦਿੰਦੀ ਹੈ। ਗਰਮੀਆਂ ’ਚ ਇਸ ਨੂੰ ਹੋਰ ਸਟਾਈਲਿਸ਼ ਬਣਾਉਣ ਲਈ ਕੈਪ, ਸਨਗਲਾਸਿਸ, ਵਾਚ ਅਤੇ ਬੈਗ ਵਰਗੀਆਂ ਅਸੈਸਰੀਜ਼ ਐਡ ਕੀਤੀਆਂ ਜਾ ਰਹੀਆਂ ਹਨ। ਹੇਅਰਸਟਾਈਲ ’ਚ ਵੀ ਮੁਟਿਆਰਾਂ ਓਪਨ ਹੇਅਰ, ਹਾਈ ਪੋਨੀਟੇਲ ਜਾਂ ਹਾਫ ਪੋਨੀ ਬਣਾ ਕੇ ਜੀਨਸ ਲੁੱਕ ਨੂੰ ਕੰਪਲੀਟ ਕਰ ਰਹੀਆਂ ਹਨ। ਕੁੱਲ ਮਿਲਾ ਕੇ ਕਹੀਏ ਤਾਂ ਫੈਸ਼ਨ ਬਦਲਦੇ ਰਹਿੰਦੇ ਹਨ ਪਰ ਜੀਨਸ ਦਾ ਸਟੇਟਸ ਹਮੇਸ਼ਾ ਟਾਪ ’ਤੇ ਬਣਿਆ ਹੋਇਆ ਹੈ। ਕੰਫਰਟ, ਸਟਾਈਲ ਅਤੇ ਵਰਸੇਟਿਲਿਟੀ ਦਾ ਕੋਂਬੋ ਹੋਣ ਕਰ ਕੇ ਹੀ ਜੀਨਸ ਹਰ ਜੈਨਰੇਸ਼ਨ ਦੀ ਫੇਵਰੇਟ ਬਣੀ ਹੋਈ ਹੈ ਅਤੇ ਆਉਣ ਵਾਲੇ ਸਮੇਂ ’ਚ ਵੀ ਇਸ ਦਾ ਜਲਵਾ ਘੱਟ ਹੋਣ ਵਾਲਾ ਨਹੀਂ ਹੈ।