ਬਿਊਟੀ ਡੈਸਕ - ਲਿਪਸਟਿਕ ਚਿਹਰੇ ਦੀ ਖੂਬਸੂਰਤੀ 'ਚ ਚਾਰ ਚੰਨ ਲਾ ਦਿੰਦੀ ਹੈ। ਇਸ ਨੂੰ ਲਗਾਉਣ ਨਾਲ ਪੂਰਾ ਚਿਹਰੇ ਦਾ ਪੂਰਾ ਲੁੱਕ ਬਦਲ ਜਾਂਦਾ ਹੈ। ਅੱਜ ਕੱਲ ਲੜਕੀਆਂ ਮੈਟ ਲਿਪਸਟਿਕ ਲਗਾਉਣਾ ਬਹੁਤ ਪਸੰਦ ਕਰਦੀਆਂ ਹਨ ਕਿਉਂਕਿ ਇਹ ਲੰਬੇ ਸਮੇਂ ਤੱਕ ਬੁੱਲ੍ਹਾਂ 'ਤੇ ਟਿਕੀ ਰਹਿੰਦੀ ਹੈ। ਗੱਲ ਜੇਕਰ ਕੀਮਤ ਦੀ ਕਰੀਏ ਤਾਂ ਇਹ ਗਲੋਸੀ ਦੇ ਮੁਕਾਬਲੇ ਥੋੜ੍ਹੀ ਮਹਿੰਗੀ ਹੁੰਦੀ ਹੈ। ਅਜਿਹੇ 'ਚ ਕਿਉਂ ਨਾ ਤੁਸੀਂ ਸਮਾਰਟ ਟ੍ਰਿਕਸ ਨਾਲ ਆਪਣੀ ਗਲੋਸੀ ਲਿਪਸਟਿਕ ਨੂੰ ਹੀ ਮੈਟ 'ਚ ਬਦਲ ਲਓ। ਆਓ ਇਸ ਲੇਖ ਰਾਹੀਂ ਜਾਣਾਂਗੇ ਕਿ ਤੁਸੀਂ ਕਿਦਾਂ ਸਮਾਰਟ ਟ੍ਰਿਕਸ ਨਾਲ ਗਲੋਸੀ ਲਿਪਸਟਿਕ ਨੂੰ ਮੈਟ 'ਚ ਬਦਲ ਸਕਦੇ ਹਨ।

- ਸਭ ਤੋਂ ਪਹਿਲਾਂ ਮੈਟ ਲਿਪਸਟਿਕ ਨੂੰ ਬੁੱਲ੍ਹਾਂ 'ਤੇ ਅਪਲਾਈ ਕਰੋ। ਫਿਰ ਥੋੜ੍ਹਾ ਜਿਹਾ ਟਰਾਂਸਲੁਸੈਂਟ ਪਾਊਡਰ 'ਤੇ ਛਿੜਕੋ ਅਤੇ ਫਿਰ ਇਸ ਨੂੰ ਬੁੱਲ੍ਹਾਂ 'ਤੇ ਲਗਾਓ। ਟਰਾਂਸਲੁਸੈਂਟ ਪਾਊਡਰ ਲਿਪਸਟਿਕ ਨੂੰ ਮੈਟ 'ਚ ਬਦਲ ਕੇ ਉਸ ਨੂੰ ਲੰਬੇ ਸਮੇਂ ਤੱਕ ਟਿਕਣ 'ਚ ਮਦਦ ਕਰੇਗਾ। 

- ਲਿਪਸਟਿਕ ਲਗਾਉਣ ਦੇ ਬਾਅਦ ਇਕ ਟਿਸ਼ੂ ਪੇਪਰ ਨੂੰ ਆਪਣੇ ਬੁੱਲ੍ਹਾਂ 'ਤੇ ਰੱਖੋ। ਟਿਸ਼ੂ ਲਿਪਸਟਿਕ ਦੀ ਚਮਕ ਨੂੰ ਘੱਟ ਕਰੇਗਾ ਅਤੇ ਕੁਝ ਹੀ ਸੈਕਿੰਡ 'ਚ ਲਿਪਸਟਿਕ ਮੈਟ 'ਚ ਬਦਲ ਜਾਵੇਗੀ।

- ਸਭ ਤੋਂ ਪਹਿਲਾਂ ਤੁਸੀਂ ਗਲੋਸੀ ਲਿਪਸਟਿਕ ਲਗਾਓ। ਹੁਣ ਉਂਗਲੀਆਂ 'ਤੇ ਥੋੜ੍ਹਾ ਜਿਹਾ ਟਰਾਂਸਲੁਸੈਂਟ ਪਾਊਡਰ ਲਗਾਉਣ ਦੇ ਬਾਅਦ ਬੁੱਲ੍ਹਾਂ 'ਤੇ ਹਲਕੇ ਹੱਥਾਂ ਨਾਲ ਲਗਾਓ। ਇਕ ਟਿਸ਼ੂ ਦੀ ਮਦਦ ਨਾਲ ਵਾਧੂ ਪਾਊਡਰ ਹਟਾ ਦਿਓ। ਪਾਊਡਰ ਗਲੋਸੀ ਲਿੱਪ ਕਲਰ ਨੂੰ ਸੋਕ ਲਵੇਗਾ ਅਤੇ ਤੁਹਾਨੂੰ ਮੈਟ ਲਿੱਪ ਕਲਰ ਮਿਲ ਜਾਵੇਗਾ।

ਅਪਲਾਈ ਕਰਨ ਦਾ ਤਰੀਕਾ :-

- ਲਿਪਸਟਿਕ ਲਗਾਉਣ ਤੋਂ ਪਹਿਲਾਂ ਬੁੱਲ੍ਹਾਂ ਨੂੰ ਸਕਰੱਬ ਕਰਕੇ ਡੈੱਡ ਸਕਿਨ ਕੱਢ ਲਓ। ਇਸ ਨਾਲ ਬੁੱਲ੍ਹ ਵੀ ਖੂਬਸੂਰਤ ਲੱਗਣਗੇ ਅਤੇ ਲਿਪਸਟਿਕ ਵੀ ਲੰਬੇ ਸਮੇਂ ਤੱਕ ਟਿਕੀ ਰਹੇਗੀ। 
- ਲਿਪਸਟਿਕ ਲਗਾਉਣ ਤੋਂ ਪਹਿਲਾਂ ਲਿਪ ਲਾਈਨਰ ਲਗਾਓ, ਤਾਂ ਜੋ ਉਹ ਬੁੱਲ੍ਹਾਂ ਦੇ ਬਾਹਰ ਨਾ ਜਾਵੇ।
- ਇਸ ਨੂੰ ਲਗਾਉਣ ਤੋਂ ਪਹਿਲਾਂ ਬੁੱਲ੍ਹਾਂ 'ਤੇ ਚੰਗੀ ਕੰਪਨੀ ਦਾ ਮਾਈਸਚੁਰਾਈਜ਼ਰ ਅਪਲਾਈ ਕਰੋ। 
- ਮੈਟ ਲਿਪਸਟਿਕ ਨੂੰ ਹਟਾਉਣ ਦੇ ਲਈ ਬੁੱਲ੍ਹਾਂ ਨੂੰ ਰਗੜਣ ਦੀ ਕੋਸ਼ਿਸ ਨਾ ਕਰੋ, ਇਸ ਨੂੰ ਹਟਾਉਣ ਲਈ ਮਾਈਸਚੁਰਾਈਜ਼ ਕ੍ਰੀਮ ਦੀ ਵਰਤੋਂ ਕਰੋ।