Cooking Tips: ਘਰ ਦੀ ਰਸੋਈ 'ਚ ਇੰਝ ਬਣਾਓ ਆਲੂ ਦੀ ਕਚੋਰੀ

ਨਵੀਂ ਦਿੱਲੀ— ਤੁਸੀਂ ਬਾਜ਼ਾਰ ਦੀ ਬਣੀ ਕਚੋਰੀ ਤਾਂ ਬਹੁਤ ਵਾਰ ਖਾਧੀ ਹੋਵੇਗੀ। ਜੇਕਰ ਤੁਸੀਂ ਇਕ ਵਾਰ ਘਰ ਦੀ ਬਣੀ ਆਲੂ ਨਾਲ ਤਿਆਰ ਕਚੋਰੀ ਦਾ ਸੁਆਦ ਚੱਖ ਲਿਆ ਤਾਂ ਤੁਸੀ ਬਾਜ਼ਾਰ ਵਾਲੀ ਕਚੋਰੀ ਖਾਣਾ ਛੱਡ ਦੇਵੋਗੇ। ਇਹ ਖਾਣ ਵਿਚ ਬਹੁਤ ਹੀ ਲਾਜਵਾਬ ਅਤੇ ਬਣਾਉਣ ਵਿਚ ਵੀ ਆਸਾਨ ਹੈ।  ਆਓ ਜਾਣਦੇ ਹਾਂ ਇਸ ਨੂੰ ਬਣਾਉਣ ਦੀ ਵਿਧੀ ਬਾਰੇ।

ਇਹ ਵੀ ਪੜ੍ਹੋ:ਬੇਕਾਰ ਨਾ ਸਮਝੋ ਭਿੱਜੇ ਹੋਏ ਛੋਲਿਆਂ ਦਾ ਪਾਣੀ, ਸ਼ੂਗਰ ਦੇ ਮਰੀਜ਼ਾਂ ਸਣੇ ਇਨ੍ਹਾਂ ਲਈ ਵੀ ਹੈ ਲਾਹੇਵੰਦ
ਸਮੱਗਰੀ—
ਮੈਦਾ - 300 ਗ੍ਰਾਮ
ਸੂਜੀ - 1 ਚਮਚਾ
ਲੂਣ - 1/2 ਚਮਚਾ
ਘਿਓ - 40 ਮਿ.ਲੀ
ਪਾਣੀ - 160 ਮਿ.ਲੀ
ਤੇਲ - 2 ਚਮਚਾ
ਜੀਰਾ - 1 ਚਮਚਾ
ਧਨੀਏ ਦੇ ਬੀਜ - 1 ਚਮਚਾ
ਸੌਫ਼ ਪਾਊਡਰ - 1/2 ਚਮਚਾ
ਹਿੰਗ - 1/4 ਚਮਚਾ
ਹਰੀ ਮਿਰਚ - 2 ਚਮਚਾ
ਅਦਰਕ ਦਾ ਪੇਸਟ - 1 ਚਮਚਾ
ਹਲਦੀ - 1/4 ਚਮਚਾ
ਆਲੂ (ਉੱਬਲ਼ੇ ਅਤੇ ਮੈਸ਼ ਕੀਤੇ ਹੋਏ) - 300 ਗ੍ਰਾਮ
ਲਾਲ ਮਿਰਚ - 1/2 ਚਮਚਾ
ਅੰਬਚੂਰਨ - 1/2 ਚਮਚਾ
ਗਰਮ ਮਸਾਲਾ - 1/2 ਚਮਚਾ
ਤੇਲ ਤਲਣ ਲਈ

ਇਹ ਵੀ ਪੜ੍ਹੋ:Beauty Tips: ਚਿਹਰੇ ਦੀ ਖ਼ੂਬਸੂਰਤੀ ਵਧਾਉਣ ਦੇ ਨਾਲ-ਨਾਲ ਵਾਲ਼ਾਂ ਲਈ ਵੀ ਲਾਹੇਵੰਦ ਹੈ ਗੁਲਾਬ ਜਲ
ਵਿਧੀ—
1. ਸਭ ਤੋਂ ਪਹਿਲਾਂ ਕੌਲੀ ਵਿਚ ਮੈਦਾ, ਸੂਜੀ,ਲੂਣ, ਘਿਓ, ਪਾਣੀ ਪਾ ਕੇ ਨਰਮ ਆਟੇ ਦੀ ਤਰ੍ਹਾਂ ਗੁੰਨ੍ਹ ਲਓ ਅਤੇ 20 ਮਿੰਟ ਲਈ ਇਕ ਪਾਸੇ ਰੱਖ ਦਿਓ।
2. ਪੈਨ ਵਿਚ 2 ਚਮਚੇ ਤੇਲ ਗਰਮ ਕਰਕੇ ਉਸ ਵਿਚ ਜੀਰਾ, ਧਨੀਏ ਦੇ ਬੀਜ, ਸੌਫ਼ ਪਾਊਡਰ, ਹਿੰਗ ਪਾਓ ਅਤੇ ਹਿਲਾਓ।
3. ਫਿਰ ਇਸ ਵਿਚ 2 ਚਮਚੇ ਹਰੀ ਮਿਰਚ ਅਤੇ ਅਦਰਕ ਦਾ ਪੇਸਟ ਪਾ ਕੇ 2-3 ਮਿੰਟ ਤੱਕ ਭੁੰਨ ਲਓ।
4. ਹੁਣ ਇਸ 'ਚ ਹਲਦੀ ਪਾ ਕੇ ਹਿਲਾਓ ਅਤੇ ਫਿਰ ਉੱਬਲ਼ੇ ਅਤੇ ਮੈਸ਼ ਕੀਤੇ ਆਲੂ ਮਿਲਾ ਕੇ 5 ਤੋਂ 7 ਮਿੰਟ ਤੱਕ ਪਕਾਓ।
5. ਇਸ ਤੋਂ ਬਾਅਦ ਇਸ ਵਿਚ ਲਾਲ ਮਿਰਚ, ਅੰਬਚੂਰ, ਲੂਣ, ਗਰਮ ਮਸਾਲਾ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ ਅਤੇ 3 ਤੋਂ 5 ਮਿੰਟ ਤੱਕ ਦੁਬਾਰਾ ਪਕਾਓ ਅਤੇ ਫਿਰ ਇਕ ਪਾਸੇ ਰੱਖ ਦਿਓ।
6. ਹੁਣ ਗੁੰਨ੍ਹੇ ਆਟੇ 'ਚੋਂ ਕੁਝ ਹਿੱਸਾ ਲੈ ਕੇ ਨਿੰਬੂ ਦੇ ਆਕਾਰ ਜਿੰਨੇ ਪੇਡ਼ੇ ਬਣਾਓ ਅਤੇ ਇਸ ਨੂੰ ਹੱਥਾਂ ਨਾਲ ਫੈਲਾਓ।
7. ਫਿਰ ਇਸ ਦੇ 'ਚ ਤਿਆਰ ਕੀਤਾ ਆਲੂ ਮਿਸ਼ਰਣ ਭਰੋ।
8. ਹੁਣ ਇਸ ਦੇ ਕਿਨਾਰਿਆਂ ਨੂੰ ਵਿਚਕਾਰ ਇਕੱਠਾ ਕਰਕੇ ਦਬਾ ਕੇ ਚੰਗੀ ਤਰ੍ਹਾਂ ਬੰਦ ਕਰੋ ਤਾਂ ਜੋ ਮਿਸ਼ਰਣ ਬਾਹਰ ਨਾ ਨਿਕਲ ਸਕੇ।
9. ਇਸ ਨੂੰ ਕੌਲੀ ਦੀ ਸ਼ੇਪ ਦੇਣ ਲਈ ਹੌਲੀ-ਹੌਲੀ ਨਾਲ ਦਬਾਓ।
10. ਕੜ੍ਹਾਈ ਵਿਚ ਤੇਲ ਗਰਮ ਕਰਕੇ ਇਸ ਨੂੰ ਬਰਾਊਨ ਅਤੇ ਕ੍ਰਿਸਪੀ ਹੋਣ ਤੱਕ ਫਰਾਈ ਕਰੋ।
11. ਆਲੂ ਕਚੋਰੀ ਬਣ ਕੇ ਤਿਆਰ ਹੈ। ਇਸ ਨੂੰ ਚਟਨੀ ਨਾਲ ਖਾਓ।

ਨੋਟ: ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਬਾਕਸ ’ਚ ਦਿਓ।